Maafiù 24:15 - WƆŊ FƐ̀Ì EBÒ SÌÀŊ DAYÀA

¹⁵ “Maŋ ɗɔɔ bà nìŋ do nàŋ yɛ̀mɛ̀ e kèì jùù è yaà ko zòòlò nɛɛmaìŋ, màànààŋ nɔŋ wo wɛ̀ijìɔ Dànyaŋ naŋ wa woò lɛ.” (Tɔ̀ wo nyùnɔ̀ɔŋ yaà kpìnìè wɔŋ fɛiɔ̀ lɛ wo nyìmàŋ kɛ̀ kiìŋ tɛɛ̀ naŋ fasàì.)

Maafiù 24:15 ပူးပေါင်းရင်းမြစ်များ

Maafiù 24:16

“Kpeiŋ kɛ̀ sɔɔ̀ anyùùŋ nyaŋ ko Jùdià aŋ dùàŋ aŋ kà koɓɛ̀ maŋ toò maŋ.

Luù 19:43

Jùlusɛ̀làm, e teenga do nàŋ hnè aŋ jooiŋ nyàŋ do nàŋ nyɛ̀lɛ̀ maŋ gbàngi aiŋ kilià wèè aiŋ gbùwà ke gùuŋ. Aŋ kààlòòɗùà doiŋ nàŋ kiliè e kìlà aŋ yìlà maŋ dòmaŋ nyaaŋ màŋ gbiŋ.

Luù 21:20

“Sèè nìŋ yɛmɛ̀ wa nàwèè aŋ kààlòòɗùà àŋ kilià ko Jùlusɛ̀làm, nyìmaìŋ kɛ̀ è jòò e teenga kpuu wèè ko nɔ̀ŋ pɔ̀ɔ̀pɔɔ.

Jɔ̀ɔŋ 11:48

Sèè euŋ dangè wo nɔ̀ŋ kòasùà ke kpèè yɛɛ̀ feìŋ, anyùùŋ nyaŋ gbiŋ douŋ nàŋ sìè e hààwe sùà, e kìlà anyùùŋ gbèègbèè anyùùŋ ko Luùm nyaŋ do nàŋ hnè aŋ pɔ̀ɔ̀pɔ̀ɔ̀ ke Sààŋ Zòòlò Dayà wiɛ̀ yaà wɔŋ fuɔŋ wiɔ̀.”

Nyɛ̀nɛ̀ŋ 21:28

Kpeiŋ àŋ naŋ tɔ̀ɔ̀tù kpàaŋ nyààŋ, “Nyɛ̀iŋ nààŋ nyùùŋ Ezɔ̀ɛ̀ nyaŋ, kìɛìŋ e kpùùmaŋ! Wo felaa wɛɛ̀ nàŋ yaà kàà sùà anyùùŋ nyaŋ gbiŋ maŋ tàta màŋ sùà kɛ̀ aŋ fè anyuùŋ wi nyàŋ jɛwɛ e kìlà ɓɔ̀ àŋ jɔɔlɔ̀iŋ maŋ Sàwà maŋ wo Dayà naŋ kìɛ̀ŋ Mòòze màŋ dìì; eɓìèmàŋjɛ̀wɛ̀ tii, wò naŋ hìɛ̀ŋ anyùùŋ nyaŋ fè àŋ Juùù nyaŋ wo nyiŋ jɔ̀ɔ̀yɛ̀ ko Saaŋ Zòòlò Dayài, yèè wò gè e ɓɛ̀ɛ̀jàa zɛ̀nɛɛ̀ŋ ko zòòlò nɛɛmaŋ yaà!”

Nyɛ̀nɛ̀ŋ 6:13

Kpeiŋ àŋ naŋ hìɛ̀ŋ aŋ sèì kàaɓì nyiŋ nyàŋ wèè aŋ tuuyà wo Siiwììŋ. Àŋ naŋ woò nyààŋ, “Wo felaa wɛɛ̀, ke ɗɔɔ gbiŋ wò woà e keì naanààŋ nyaàiŋ dè ke Sààŋ Zòòlò Nɛɛmaŋ wiɛ̀ yèè maŋ Sàwà Dayà maŋ.

Hiɓu 2:1

Esaɓùɛ lɛɛ̀ è kuwa eiŋ gbìàŋ e gòngo wilɛ̀ gbiŋ koɓɛ̀ e tɔ̀ɔ̀nyaàaŋ è naiŋ kòmò lɛ maŋjɛ̀wɛ, wèè kɛ̀ e goiŋ niŋ nàŋ fè jɛwɛ.

Maŋ kèì nyɛɛnɛŋ 1:3

E zɔlɔ̀ do nàŋ nɔ̀ŋ wo nyùnɔ̀ɔŋ gbiŋ kpɛnɛŋ e mìè sùà ke miè gbìaŋ yɛɛ̀ wɔ, yèè e zɔlɔ̀ do nàŋ nɔ̀ŋ anyùùŋ nyaŋ gbiŋ komo maŋ mìè sùà ke miè gbìaŋ yɛɛ̀, e kìlà aŋ nyiŋ jɔ̀ɔ̀lɔ̀ dìì nyaŋ, esaɓù kɛ̀ e teengaà è gbɛ̀ɛ̀ wèè maŋ keì mɛɛ̀ŋ gbiŋ maŋ kaaìŋ.

Maŋ kèì nyɛɛnɛŋ 3:22

Wò naŋ ɓɛìŋ woò wààŋ, “Sèè mùŋ kɛɛnɛ̀ŋ maŋ nùŋ, komàŋ e nɛ̀ɛŋ wo Jìnàŋ Nɛɛmaàŋ naŋ wòò koɓɛ̀ ke gbòò anyuùŋ hààwe nyàŋ lɛ!”