Maafiù 24:13 - WƆŊ FƐ̀Ì EBÒ SÌÀŊ DAYÀA

¹³ Kɛɛ wo nyùnɔ̀ɔŋ gbiŋ kuwo e keì nyìnga bi e jèèsùà e hàì ko dìaì wɔ̀, wo Dayà douŋ wa nàwèè nàŋ joeyè.

Maafiù 24:13 ပူးပေါင်းရင်းမြစ်များ

Maafiù 10:22

Anyùùŋ nyaŋ gbiŋ doiŋ nàŋ wùɔ̀ŋ esàɓù e deè mɛ̀. Kɛɛ wo nyùnɔ̀ɔŋ gbiŋ kuwo e keì nyìnga bi e jèèsùà e hàì ko dìaì wɔ̀, wo Dayà douŋ wa nàwèè nàŋ joeyè.

Maafiù 24:12

Maŋ kpèè naanààŋ nyɛ̀nɛŋ do nàŋ ɓaayè, yèè e mànaŋ do nàŋ jùò anyùùŋ maŋ jiio sùà wèè aŋ dàwi.

Maafiù 24:6

Nìŋ do nàŋ kòmò ebò maŋ gììmè ɗuà sòmaŋ e gbɛ̀ɛ̀ kɔɔiŋ fɔ̀ɔ̀ yèè koɓɛ̀ dii, kɛɛ ɓɔ̀ nìŋ dangè tii doiŋ sɛ̀ɛ̀ jii. Jàaiŋ jii kɛ̀ wo Dayà wààŋ maŋ keì mààŋ miiŋ do nàŋ kaaìŋ. Kɛɛ sèè màŋ kaaìŋ, tii gò tɔɔ̀ kɛ̀ e teengaà è haì wèè e ɗuunyaàŋ hàì ko dìa.

Luù 21:19

Sèè nìŋ jeeà e hààwe sùà ko nɛ̀ɛ̀ŋ miìŋ, niŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Luù 8:15

Manɛ̀ŋ koei màŋ naŋ sɔ̀ɔ̀ e diì sìàaŋ diɛŋ lɛ̀, nàŋ yaà anyùùŋ nyaŋ komo ke mìè Dayàa, aŋ nyiŋ jàà kùàŋ dìì e jɔ̀ɔ̀lɔ yèè ke jìì tɔ̀ɔ̀nyaàŋ sùà. Yèè àŋ jeeà nìŋ sùà e jèèsùà aŋ ɓuù, màànààŋ manɛ̀ŋ jè ɓù komo lɛ.

Luùm 2:7

Wo Dayà do nàŋ kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ naŋ kùwò maŋ jii wèè e tɛ̀ɛ̀tɛ̀ɛ̀ɛ àŋ naŋ nyɛ̀nɛ̀ŋ lɛ. Àŋ do nàŋ yɛ̀mɛ̀ e jòòwo, e ɓɛ̀ɛ̀jàa, e keì sìàŋ yaà wɔŋ nyiiŋ gèe wèè julɔfɔ.

1 Kɔliìŋ 1:8

E kìlà wò doiŋ nàŋ yɛ̀mɛ̀ diɛŋ wo nyɛ̀nɛ̀ŋ naŋ nyìngà sùà e jèèsùà naŋ hàì ko dìaì, e wèè e tɔ̀mɛ goiŋ nàŋ nɔ̀ŋ kè ɗɔ̀ɔ̀ è hnàŋ Kanaà Jisɛ̀ Kulaìɛ diɛŋ.

Hiɓu 10:39

E fèìŋ mààŋ ànyùùŋ nyaŋ naŋ fè è hààwe nyiŋ nɛ̀ jɛwɛ yèè àŋ naŋ fɔ̀ nyaŋ. È doiŋ nàŋ jèè e hààwe maŋ nyiiŋ gèe wi màŋ sùà e jèèsùà wo Dayà wo wi joeyè .

Hiɓu 3:14

Yàwi nààŋ gbiŋ è yààìŋ aŋ dàwi koɓɛ̀ Jisɛ̀ Kulaìi. Weètii kùwà wiìŋ koɓɛ̀ guùŋ kpaŋ ke jii tùlia sùa e nyaàiŋ dè e hààwe wilɛ̀ è kùwàìŋ wa lɛ̀ e jeèsùà e haì ko dìa.

Hiɓu 3:6

Kɛɛ wo Jisɛ̀ Kulaì wò yaà wo nyuùŋ tùlìà jii nààŋ wò yaà wo Jɔ̀àfelaaà wo yèɔ yɛmɛ̀ anyùùŋ Dayà nyaŋ diɛŋ. Yàwi nàŋ yaà anyùùŋ Dayà nyaŋ sèè è kɛɛnɛ̀ìŋ maŋ jii nyingè yaà jii tùlia wèè e yèɛ è yààìŋ yɛ̀ɛ̀mɛ̀ dòmaŋ lɛ̀.

Maŋ kèì nyɛɛnɛŋ 2:10

E jùù ɓɔ̀ è nyɛ̀nɛ̀iŋ wèè è nimilàa nìŋ yaà hinie naŋ kà dìì lɛ. Wo Dɛwìɔ doiŋ nàŋ kɔ̀ɔ̀ e wàa dìì e kìlà wo nyɛ̀nɛ̀ŋ aŋ gbìàŋ nyɛ̀iŋ nààŋ bà nyiŋ ko sààŋ nyìwì. E keì nyìngaiŋ nɛ̀ doo nàŋ nɔ̀ŋ wèè maŋ ɗɔ̀ɔ̀ zììyà. Jèeìŋ e hààwe sùà ko nɛ̀ɛ̀ŋ miìŋ, sèè pɛɛ è gelà wèè naŋ fà, mìŋ doiŋ nàŋ kìɛ̀ŋ wɔŋ nyiiŋ gèe màànààŋ nɔŋ àŋ kiɛ̀ŋ wo nyùùŋ ke ɓɔ̀ɗì kana wèè ke nɔ̀ŋ e jìwààjɛ̀wɛ̀ wèè e nɛ̀ɛŋ wò naŋ ɓùlò lɛ.”