Maafiù 23:34 - WƆŊ FƐ̀Ì EBÒ SÌÀŊ DAYÀA

³⁴ Tɔ̀ miŋ woòiŋ kɛ̀ esaɓùɛ lɛɛ̀ mìŋ doiŋ nàŋ tùɔ̀ŋ aŋ wɛ̀ijì, anyuùŋ kɛ̀ɛ̀nɛ̀ŋ jiikɛ̀ɛ yaà aŋ kààmɔɔŋ aŋ yè nyaŋ doiŋ nàŋ kàà ke miè gbìaŋ miɛ̀ŋ. Nìŋ do nàŋ jìwìè aŋ bà nyiŋ wɔŋ vànèkpaaà diɛŋ ɔ̀ɔ̀ naŋ naŋ nyiŋ jìwà e ɗewe kii joo bà sùà. Nìŋ do nàŋ ɓùlò aŋ bà nyiŋ maŋ sààŋ zòòlò aŋ Juùù nyaŋ dìì, e kìlà nìŋ do nyiŋ nàŋ nyìmè naŋ nyiŋ gè maŋ jawa gbeegbèè maŋ gbiŋ sùà.

Maafiù 23:34 ပူးပေါင်းရင်းမြစ်များ

Maafiù 10:23

Yèè sèè anyùùŋ aiŋ nimilà ko jàwà ɗì guùŋ, dùaàŋ niŋ ka ko jawa joo. Yèè tɔ̀ miŋ woòiŋ e tɔɔɓaaà kɛ̀, niŋ naàŋ kpɛ̀ɛ̀yɛ̀ è tòmoiŋ nɛ̀ màŋ jawa màŋ gbiŋ wɔ̀ŋ fùɔ̀ŋ Ezɔ̀ɛ̀ɔ sùà paŋgàà miàim wò Jɔ̀àfèlàà Nyuùŋ Kpùnɔɔ̀ŋ mìŋ hnàŋ.

Maafiù 13:52

Kpeiŋ wo Jisɛ̀ naŋ nyiŋ woò wààŋ, “Tɛɛ̀ naŋ tɔɔ̀ kɛ̀, wo kààmɔ̀ɔ̀ŋ maŋ Sàwà Dayàa bà gbiŋ wo yèɔ kile wo nɔ̀ŋ wo nyùùŋ màŋjɛ̀wɛ̀im wɔ̀ e Kànà àìjɛnɛ̀ɛŋ sùà wò yaà mààŋ wo kɛ̀ɛ̀nɛ̀ŋ ko gboo wo yèɔ fulià manɛ̀ŋ jɛi yèè manɛ̀ŋ gɔu e yìwìà ko saaŋ bàànè manɛ̀ŋ hàauŋ niìŋ.”

Maafiù 23:31

Kɛɛ nìŋ kiɛ̀ŋ ke mìè seì kɛ̀ tɔɔɓaa nìŋ yaà aŋ jɔ̀à kòmàŋ anyùùŋ nyaŋ naŋ wa jìwè aŋ wɛ̀ijì nyaŋ lɛ̀.

Luù 24:47

Maŋ fɛi màŋ naŋ ɓɛìŋ woò wààŋ aŋ woò ke miè gbìaàŋ e deè mɛ̀ diɛŋ koɓɛ̀ anyuùŋ kpùuŋ nyàŋ gbiŋ e ɗuunyaàŋ kɛ̀ aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài, yèè e tɔɔtù ko Jùlusɛ̀làm wèè maŋ jùumù nyiŋ màŋ nɔ̀ŋ hakɛ̀ jùùya miŋ.

Jɔ̀ɔŋ 16:2

Anyùùŋ nyaŋ doiŋ wa nàwèè nàŋ gè maŋ sààŋ zòòlò aŋ Juùù nyaŋ dìì. E teenga bà do nàŋ hnè anyùùŋ àŋ doiŋ nàŋ jìwè, sèè àŋ nyɛnɛŋ tii àŋ do nàŋ gongò kɛ̀ àŋ yaà toomo wèè Dayà.

Jɔ̀ɔŋ 20:21

Yèè wo Jisɛ̀ naŋ nyiŋ ɓɛìŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ. Mìŋ yààìŋ tùaŋ sùà koɓɛ̀ anyùùŋ nyaŋ e ɗuunyaàŋ, màànààŋ nɔŋ wo Dèda miɔ̀ŋ naim wa tùɔ̀ŋ lɛ.”

Nyɛ̀nɛ̀ŋ 1:8

Kɛɛ e teengaà wo Jìnàŋ Nɛɛmaàŋ doiŋ nàŋ kìɛ̀ŋ gààŋ lɛ̀, e gààŋ doiŋ nàŋ sɛ̀ɛ̀ sùà, nìŋ do nàŋ nɔ̀ŋ aŋ sèì e kìlà naŋ wòò anyùùŋ kɛ̀ kiìŋ nìŋ naŋ nyìmè e nyaàiŋ eim dè ko Jùlusɛ̀làm, wɔŋ fùɔ̀ŋ Jùdiàa, wɔŋ fùɔ̀ŋ Sàmiliàa yaà maŋ fuɔŋ joo màŋ gbiŋ sùà e ɗuunyaàŋ.”

Nyɛ̀nɛ̀ŋ 11:27

E teenga lii sùà aŋ wɛ̀ijì nyaŋ bà naŋ wa kɔ̀ ko Aŋtiɔ̀ e yìwìà ko Jùlusɛ̀làm.

Nyɛ̀nɛ̀ŋ 12:2

Wò naŋ wa nyɛ̀nɛ̀ŋ aŋ kààlòòɗùà nyaŋ aŋ jìwìà wo Jìiiŋ e koya fòo, wo wùìyà Jɔ̀ɔɔ̀ŋ.

Nyɛ̀nɛ̀ŋ 13:1

Ke gbòò anyuùŋ hààwe nyàŋ ko Aŋtiɔ̀ kuwa wa aŋ wɛ̀ijì yèè aŋ kààmɔɔŋ zimgbe. Nyiŋ nàŋ yaà wa wo Bànaŋɓà, wo Sìmiaŋ, wo yèɔ àŋ hewa ɓɛìŋ nyààŋ wo Nijà wɔ, wo Lùsiɔ̀ e yìwìà ko Sàlinìŋ, wo Manàŋ, wo dàwì mɔ̀ɔ̀nɔ̀ŋ Hɛɛlɔ̀ Aŋtipàa, yaà wo Sɔɔ̀.

Nyɛ̀nɛ̀ŋ 14:19

Aŋ Juùù nyaŋ bà nyiŋ naŋ wa hnè e yìwìà ko Aŋtiɔ̀ wɔŋ fùɔ̀ŋ Pɛ̀siidìàa yèè e yìwìà ko Ìkɔniɔ̀ŋ yèè àŋ naŋ nyɛ̀nɛ̀ŋ anyùùŋ nyaŋ aŋ kɛ̀ɛ̀nɛ̀ŋ maŋ jii fiiì wèè wo Pɔɔ̀. Àŋ naŋ wa hɔ̀wɔ̀ wo Pɔɔ̀ le dùò yèè auŋ gɔ̀ɛ̀ɛ̀ dìì auŋ gè ko jawa gbeeì, yèè àŋ naŋ wa gongò kɛ̀ wò fà.

Nyɛ̀nɛ̀ŋ 15:32

Aŋ wɛ̀ìjì tìyèe nyàŋ, wo Juɗà yèè wo Silà, naŋ wa gbòò anyuùŋ hààwe nyàŋ kɔɔ wèè e teenga mùnlaŋ wèè kɛ̀ aŋ kɛɛnɛ̀ŋ maŋ jii nyingè yèè e gààŋ.

Nyɛ̀nɛ̀ŋ 5:40

Aŋ naŋ nyààŋ aŋ keela nyàŋ ko saaìŋ, yèè anyuùŋ gbeegbèè nyaŋ naŋ wa kìɛ̀ŋ e gààŋ koɓɛ̀ anyuùŋ tùnìàŋ ke sààŋ nyìwìɛ wèè aŋ nyiŋ ɓùlà. Kpeiŋ àŋ naŋ nyiŋ naàà kɛ̀ ɓɔ̀ àŋ gbuuyà wa ɓɛìŋ è dèè Kanaà Jisɛ̀ɛ sùà julɔfɔ, yèè àŋ naŋ nyiŋ dangè àŋ naŋ kɔ̀.

1 Kɔliìŋ 2:6

Yɛi nɔŋ è yaà mìŋ woà ke mìè gbìàŋ jiikɛ̀ɛ koɓɛ̀ anyùùŋ nyaŋ naŋ kamàìŋ wo Jinàaŋ sùà nyaŋ. Kɛɛ e fè è jììkɛ̀ɛ̀ ɗuunyaŋ lɛɛ̀ ɔ̀ɔ̀ anyùùŋ gbèègbèè maŋ gààŋ maŋ yaà e ɗuunyaàŋ lɛɛ̀ diɛŋ lɛ̀, aŋ yè nyaŋ do nàŋ zùmò fàa nyàŋ.

1 Kɔliìŋ 3:10

E yìwìà e keì sìàaŋ Dayà naim kiɛ̀ŋ lɛ, mìŋ naŋ niŋ toomò yèè mìŋ naŋ nyɛ̀nɛ̀ŋ e tòmò wo kààmɔ̀ɔ̀ŋ e nyɛ̀lɛ, mìŋ naŋ tɔ̀ɔ̀tù ke saaŋ nyɛ̀lɛ, yèè wo nyùuŋ bà kòò wò yaà nyiìŋ nyilie. Wo nyùùŋ gbiŋ yɛ̀mɛ̀ muàŋ bi diɛŋ wèè e ɗeweɛ̀ mùŋ nyɛlɛ lɛ̀.

Kòlo 1:28

Weètii, è daanàìŋ ebò Jisɛ̀ Kulaìɛ koɓɛ̀ anyùùŋ nyaŋ gbiŋ. È toomàìŋ e jiikɛ̀ɛ wilɛ̀ gbiŋ wèè eiŋ kìɛ̀ŋ e gòo yèè eiŋ kàà anyùùŋ nyaŋ gbiŋ, e kìlà wèè e hìàŋ wo bà guùŋ gbiŋ ko fɛ̀ɛ̀fèìŋ Dayài, mààŋ wo nyuùŋ kàmaiŋ wo yèɔ yaà wo bàuŋbà wo Jisɛ̀ Kulaì sùà wɔ.

1Tɛsè 2:16

Àŋ naŋ ngèè pɛɛ fɛ̀ɛ̀ wèè aŋ wi kìlìà kùàŋ feìŋ wèè e goiŋ nàŋ wòò ke miè gbìaàŋ kòɓɛ̀ ànyùùŋ nyaŋ fè àŋ Juùù nyaŋ, wèè aŋ yɛ̀mɛ̀ è jòèye. E ɗewe lɛɛ̀ sùà, àŋ hàì ko dìà maŋ jùumù nyiŋ màŋ gbiŋ àŋ naŋ wa dè nyɛ̀nɛŋ màŋ. Wèètii e nìmìlà Dayàa è nyiŋ dèyà diɛŋ.

Hiɓu 11:37

Àŋ naŋ nyiŋ wa hɔ̀wɔ̀ le dùò, aŋ nyiŋ sɛ̀ɛ̀sɛ̀ɛ̀ maŋ fàà tìyèe. Anyuùŋ hààwe nyàŋ bà nyiŋ kuwà mànɛ̀ŋ kpàa, àŋ naŋ wa kpàà maŋ fɛ̀ì yilì mààŋ maŋ fɛ̀ì ɓaawaa ɔ̀ɔ̀ maŋ fɛ̀ì diì sùà. Àŋ yaà wa anyuùŋ kòmàŋ enuùŋ, yèè àŋ naŋ nyiŋ gbùwò maŋ keì ɗì e kìlà aŋ nyiŋ kùwìà siwè nanàŋ.

Maŋ kèì nyɛɛnɛŋ 11:10

Anyùùŋ nyaŋ gbiŋ e dììɛ diɛŋ do nàŋ nɔ̀ŋ e zɔlɔ̀ sùà wèè e fà aŋ sèì tìyèe nyɛɛ̀ŋ. Àŋ do nàŋ dàà maŋdi, yèè aŋ gòònò manɛ̀ŋ kìɛŋ aŋ dàwi e fèemàŋ, esaɓù kɛ̀ aŋ wɛ̀ìjì tìyèe nyiiŋ naŋ hìɛ̀ŋ e keì nyìnga gbee koɓɛ̀ anyuùŋ kpùuŋ nyàŋ gbiŋ e dììɛ diɛŋ.