Maafiù 23:3 - WƆŊ FƐ̀Ì EBÒ SÌÀŊ DAYÀA

³ Weètii nyɛnɛ̀ŋ e yèɛ gbiŋ àŋ woàùm wèè maŋ nyɛ̀nɛ̀ŋ lɛ. Kɛɛ ɓɔ̀ mùŋ dè màŋ kpèè nyiŋ màŋ màŋjɛ̀wɛ, esaɓù kɛ̀ àŋ woà e kèì ɗì guùŋ, yèè aŋ nyɛ̀nɛ̀ŋ e joo niŋ.

Maafiù 23:3 ပူးပေါင်းရင်းမြစ်များ

Maafiù 21:30

Wo kenàaŋ naŋ ɓɛìŋ kɔ̀ koɓɛ̀ wo jɔ̀àfelaauŋ nɔɔ̀ŋ bàa yèè wò nauŋ wòò e kèì guùŋ nɛ. Wo ɓɔ̀jɔaà naŋ nyimèè yèè wò naŋ woò wààŋ, ‘Dàa kà nyimèè wèè kao ka,’ kɛɛ wo gòò wa ka.

Maafiù 23:2

“Aŋ kààmɔ̀ɔ̀ŋ maŋ Sàwà Dayà nyaŋ yaà aŋ Fɛlosiì nyaŋ nàŋ jaà ke kpùà Mòòzeɛ̀ diɛŋ wèè aŋ fasàì maŋ Sàwà maŋ tɛ̀ɛ̀.

Maafiù 23:4

Àŋ gbuwo manɛ̀ŋ foo mùnga anyùùŋ jɛwɛ wèè aŋ miŋ koà, kɛɛ aŋ fè pɛɛ gè kè kiiyò dìì wèè aŋ nyiŋ kìɛ̀ŋ è kpùùmaŋ wèè aŋ kòà manɛ̀ŋ foo miiŋ.

Nyɛ̀nɛ̀ŋ 5:29

Wo Pììlɛ yèè aŋ keela tàeɗùù gbànaŋ nyàŋ naŋ nyiŋ fasàì nyààŋ, “È kuwa eiŋ nyɛ̀nɛ̀ŋ e yèɛ wo Dayà manaŋ wèè eiŋ nyɛ̀nɛ̀ŋ lɛ, e kuwàìŋ è kpàŋ wèè eiŋ nyɛ̀nɛ̀ŋ è yèɛ anyuùŋ kpùuŋ manaŋ lɛ̀.

Luùm 13:1

Anyùùŋ nyaŋ gbiŋ maŋ nyiiŋ gèe nyiŋ màŋ sùà, kuwa aŋ jɔ̀ɔ̀lɔ̀ aŋ kànà fuɔŋ nyiŋ nyàŋ dìì. Wo Dayà nɔŋ nàŋ kiɛ̀ŋ wo nyùùŋ gbiŋ e gààŋ kana kɛ̀ɛ.

2Time 3:5

Àŋ do nàŋ jàà e kèè Dayàa fɛ̀ɛ̀ sùà, kɛɛ aŋ gììyà e gaàŋ niŋ nɛ̀ maŋhɛɛ. Ɓɔ̀ mùŋ dè ànyùùŋ mààŋ nyiiŋ màŋjɛ̀wɛ.

Taitɔ̀ 1:16

Àŋ ɓulo ke sɔɔ kɛ̀ àŋ nyìmàŋ Dayà, kɛɛ maŋ kpèè nyiŋ màŋ giiyà niìŋ maŋhɛɛ. Àŋ kuwa maŋ jìì wùòno, yèè aŋ fè jɔ̀ɔ̀lɔ̀ Dayà dìì, aŋ fè tɛ̀ɛ̀ wèè aŋ nyɛ̀nɛ̀ŋ è keì sìàŋ bà gbiŋ.