Maafiù 23:23 - WƆŊ FƐ̀Ì EBÒ SÌÀŊ DAYÀA

²³ “E keì nyìnga do nàŋ nɔ̀ŋ ko nɛ̀ɛ̀iŋ niìŋ, nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ yèè nyɛ̀iŋ nààŋ Fɛlosiì nyaŋ! Nìŋ yaà anyùùŋ fɛ̀ɛ̀ ɗòònààkeì. Nìŋ kiɛ̀ŋ wo Dayà manɛ̀ŋ jeiŋ bà àŋ nyaaŋ nyààŋ mɛìŋ, diì, yèè kumìŋ e ɗì guùŋ e yìwìà e ɗì zììyà sùà, maŋ yè maŋ nìŋ gè maŋ kpòkpòiŋ màŋ sùà lɛ. Kɛɛ niŋ fè jɔ̀ɔ̀lɔ̀ màŋ Sàwà Dayà maŋ dìì, tèènè mààŋ e tɔ̀ɔ̀nyaàaŋ, ke nyowo yèè e hààwe. Mɛɛ̀ŋ nìŋ kuwa naŋ gbeè, e yèɛ niŋ fè nììngè màŋ gbànaŋ màŋ fɛ̀ɛ̀ lɛ.

Maafiù 23:23 ပူးပေါင်းရင်းမြစ်များ

Maafiù 12:7

Nàŋ nyìmàŋ kɛ̀ kiìŋ wɔŋ fɛ̀ì Dayàa naŋ fasaì nààŋ wɔ̀ŋ naŋ woò wààŋ, ‘Mìŋ manaŋ naŋ tɔ̀ɔ̀ ke nyowo koɓɛ̀ aŋ dàwiiŋ nyàŋ, kɛɛ e fè è sàà gè màŋ ɗolònɛ̀ŋ kò nɛ̀ɛ̀ŋ miìŋ.’ Sèè naŋ weè nyìmàŋ e nɛ̀ɛŋ e keì lɛɛ̀ naŋ fasàì lɛ, niŋ naàŋ weè jèè è keì ànyùùŋ nyaŋ gò pɔ̀ɔ̀ kè sàwà nyaŋ.

Maafiù 23:13

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ, yèè nyɛ̀iŋ nààŋ Fɛlosiì nyaŋ. Nìŋ yaà anyùùŋ fɛ̀ɛ̀ ɗòònààkeì. Nìŋ naŋ sìè wɔŋ gbèmgbèè e Kànà àìjɛnɛ̀ɛŋ e kpòò anyùùŋ ko feìŋ, kɛɛ nyɛ̀iŋ bi niŋ fè jɔ̀à, e kìlà nìŋ keewà anyùùŋ kùàŋ feìŋ wèè aŋ goonàŋ jɔ̀ nyiŋ pɛɛ. [

Maafiù 9:13

Kɔ̀àaìŋ niŋ kpɛ̀nɛ̀ŋ e yèɛ wɔŋ fɛ̀ì Dayàa naŋ woò lɛ. Wɔ̀ŋ naŋ woò wààŋ, ‘Mìŋ manaŋ naŋ tɔ̀ɔ̀ ke nyowo koɓɛ̀ aŋ dàwiiŋ nyàŋ, kɛɛ e fè wèè naŋ nɔŋ gììyà màŋ ɗolònɛ̀ŋ saàà kò nɛ̀ɛ̀ŋ miìŋ.’ Miŋ gò hnàŋ wèè ka nyààŋ ànyùùŋ tɔ̀ɔ̀nyaàŋ nyaŋ wèè aŋ nɔ̀ŋ ànyùùŋ màŋjɛ̀wɛ̀im, sɔɔ̀ anyùùŋ maŋ kpèè naanààŋ nyaŋ.”

Luù 11:42

“E keì nyìnga do nàŋ nɔ̀ŋ ko nɛ̀ɛ̀iŋ niìŋ, nyɛ̀iŋ nààŋ Fɛlosiì nyaŋ! Nìŋ kiɛ̀ŋ wo Dayà manɛ̀ŋ jeiŋ bà àŋ nyaaŋ nyààŋ mɛìŋ, yaà luù, e kpùlìà manɛ̀ŋ je gbànaiŋ màŋ e ɗì guùŋ e yiwià manɛ̀ŋ ɗì zììyà sùà, maŋ yè maŋ nìŋ gè maŋ kpòkpòiŋ màŋ sùà. Kɛɛ nìŋ fè e tɔ̀ɔ̀nyaàaŋ yèè nìŋ fè e mànàŋ Dayàa jɛwɛ. Maŋ keì mɛɛ̀ŋ nìŋ kuwa naŋ gbeè wèè naŋ nyɛ̀nɛ̀ŋ, e yèɛ niŋ fè kɔ̀ɔ̀yɛ̀ màŋ gbànaŋ màŋ fɛ̀ɛ̀ diɛŋ.”

Luù 18:12

Mìŋ kuwo ke tɔùŋ maŋ ɗɔ̀ɔ̀ tìyèe ke wikì gbiŋ sùà, mìŋ goonàŋ e nɛ̀ŋ kàme mɛ̀ gbiŋ sùà zììyà yèè kaum kìɛ̀ŋ e ɗì guùŋ e jaaà gèe sùà.’