Maafiù 23:14 - WƆŊ FƐ̀Ì EBÒ SÌÀŊ DAYÀA

¹⁴ “E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ, yèè nyɛ̀iŋ nààŋ Fɛlosiì nyaŋ. Nìŋ nyinìàŋ aŋ jɔ̀ùŋnèèdàà nyaŋ kàaɓì yèè nìŋ gè nyiìŋ maŋ tùlìè jii nyiŋ màŋ sìwè maŋ gboo nyiŋ màŋ sùà. Nìŋ manaŋ kèè nyɛ̀iŋ bi tɔ̀ɔ yèè maŋ zòòloiŋ màŋ mùŋloe jèì. Nyɛ̀iŋ nààŋ nyùùŋ mààŋ nyɛɛ̀ŋ do wa nàwèè nàŋ kùwò e nimilà nyìnga e mààŋ nyààŋ!]

Maafiù 23:14 ပူးပေါင်းရင်းမြစ်များ

Maafiù 11:24

Weètii tɔ̀ miŋ woòiŋ e tɔɔɓaaà kɛ̀, wo Dayà do wa nàwèè nàŋ tɔ̀ɔ̀ ke nyowo gbee koɓɛ̀ anyùùŋ nyaŋ ko Sɔdɔ̀ùŋ eiŋ nìàŋ, ke ɗɔɔɛ̀ wò do wa nàwèè nàŋ gbàì anyùùŋ nyaŋ gbiŋ maŋ kpàlàùŋ kpàlàùŋ maŋ sùà lɛ e ɗuunyaàŋ.”

Maafiù 23:13

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ, yèè nyɛ̀iŋ nààŋ Fɛlosiì nyaŋ. Nìŋ yaà anyùùŋ fɛ̀ɛ̀ ɗòònààkeì. Nìŋ naŋ sìè wɔŋ gbèmgbèè e Kànà àìjɛnɛ̀ɛŋ e kpòò anyùùŋ ko feìŋ, kɛɛ nyɛ̀iŋ bi niŋ fè jɔ̀à, e kìlà nìŋ keewà anyùùŋ kùàŋ feìŋ wèè aŋ goonàŋ jɔ̀ nyiŋ pɛɛ. [

Maafiù 23:33

Niŋ fè è nɛ̀ŋ gbiŋ eɓìèmàŋjɛ̀wɛ̀ aŋ kàì yèè aŋ jɔ̀à kòmàŋ aŋ kàì. Diè nìŋ naŋ ɓɛ̀nɛ̀ŋ dùaŋ wèè niŋ go nàŋ kɔ̀ ko jàhamaŋ ke ɗɔɔɛ̀ wo Dayà do wa nàwèè nàŋ gbàì e ɗuunyaàŋ lɛ?

Luù 12:48

Kɛɛ wo ɓɔìjɔ̀àa wo yèɔ nyimààŋ è nɛ̀ɛŋ wò kààmɔɔuŋ nɔɔ̀ŋ wò manaŋ wo nyɛ̀nɛ̀ŋ lɛ, àŋ douŋ nàŋ ɓùlò tòloò sèè wò nyɛnɛŋ e keì ɓàa. Sèè mààŋ wo Dayà naŋ nɔ̀ŋ e kpùùmaŋ ko nɛ̀ɛ̀ŋ muìŋ, wò doum nàŋ yɛ̀mɛ̀ dòmaŋ wèè mauŋ jɔ̀ɔ̀lɔ̀ dìì tɛ̀ɛ̀. Yèè sèè mààŋ wò naum ngèè kpuumò sɛmɛ, wò doum nàŋ yɛ̀mɛ̀ dòmaŋ wèè mauŋ ngèè jɔ̀ɔ̀lɔ̀ dìì e sɛmɛmaŋ mɔ̀ɛ̀ gbiŋ sùà.

Luù 20:47

Àŋ nyinìàŋ aŋ jɔ̀ùŋnèèdàà nyaŋ kàaɓì yèè aŋ nyiŋ gè maŋ tùlìè jii nyiŋ màŋ sìwè maŋ gboo nyiŋ màŋ sùà. Àŋ manaŋ kèè nyiŋ bi tɔ̀ɔ yèè maŋ zòòlo nyiŋ màŋ mùŋloe jèì. Anyùùŋ mààŋ nyiiŋ do wa nàwèè nàŋ kùwò e nimilà nyìnga e mààŋ nyààŋ!”

2Time 3:6

Aŋ bà nyiŋ kɔ̀à maŋ sààŋ anyuùŋ joo dìì, wèè aŋ kùwie e gààŋ aŋ jɔ̀ùŋ kɛ̀ɛ̀nɛ̀ŋ zɔ̀kpɔ̀ nyaŋ diɛŋ wèè aŋ nyiŋ kàà e kàà kàaɓì nyiŋ nɛ̀ aŋ yè nyaŋ yaà aŋ ɗo maŋ jùùmù nyiŋ màŋ dìì yèè maŋ jùùmù bi nàŋ toomàŋ nyiìŋ wèè aŋ nyɛ̀nɛ̀ŋ maŋ keì naanààŋ zimgbe maŋ kpùnaŋ nyiŋ màŋ sùà.

Taitɔ̀ 1:10

Anyuùŋ gò jɔɔlɔ̀ zimgbe àŋ yaào aŋ kuwà è ɓɛ̀ɛ̀jàà wèè àŋ sìèfeìŋ, yèè àŋ zuwà anyùùŋ nyaŋ bà nyiŋ maŋ mìè gbòa foofòò sùà. Tɛɛ̀ yaà e tɔɔɓaa yèè è kaaìŋ, kai kai ngèè aŋ Juùù nyaŋ yè nyaŋ kaà kɛ̀, sɔɔ̀ anyùùŋ nyaŋ fè àŋ Juùù nyaŋ aŋ nɔ̀ŋ kpùà jàa nyiŋ pangàà àŋ nɔ̀ŋ anyuùŋ hààwe.

Jìiiŋ 3:1

Nyɛ̀iŋ nààŋ wùìyaim nyàŋ, nyɛ̀iŋ nààŋ zimgbeiŋ ɓɔ̀ nìŋ fɛ̀ɛ̀ wèè naŋ nɔ̀ŋ àŋ kààmɔɔŋ. Jàaìŋ jii kɛ̀ wo Dayà do wa nàwèè nàŋ gbàì yàwi nààŋ kààmɔ̀ɔ̀ŋ maŋ Sàwà Dayà nyaŋ e tɔ̀ɔ̀nyaàŋ nyìnga sùà e nìàŋ anyuùŋ gbànaŋ nyàŋ.

2Pììlɛ 2:14

E gòngo nyiŋ nɛ̀ gbiŋ yaà nɔŋ wèè e hmɔŋtu nyɛ̀nɛŋ koɓɛ̀ aŋ jàwè aŋ bà nyaŋ, yaà aŋ fànààŋ bà nyaŋ, e wùànàŋ maŋ kèì jùumù nyɛ̀nɛŋ nyiŋ nɛ̀ fè jùà. Ànyuùŋ gò nyìngà sùà nyaŋ àŋ gbìɛ̀ŋ nyiìŋ maŋ gbàò keì sùà. Maŋ jii nyiŋ màŋ naŋ gbèè e kèèo nyààŋ nyɛ̀nɛ̀ŋ. Àŋ yaà e gbòònò Dayàa dìì.

2Pììlɛ 2:3

Àŋ do nàŋ nyɛ̀nɛ̀ŋ e kèè nyààŋ aiŋ kaaɓì maŋ mìè gbòa ɓuuyè sùà. Kɛɛ e gbàiɛ̀ wo Dayà kuwa weè nyiŋ nɛ̀ è yaà wa naàŋ bànèbane niŋ gɔu, yèè wo nyuùŋ jìwa nyiŋ nɔɔ̀ŋ fè màŋjàwè.