Maafiù 22:40 - WƆŊ FƐ̀Ì EBÒ SÌÀŊ DAYÀA

⁴⁰ Maŋ sàwà tìyèe mɛɛ̀ŋ, miiŋ maŋ Sàwà Mòòze màŋ yèè maŋ fɛ̀ì sìngà aŋ wɛ̀ijì nyaŋ toomàŋ diɛŋ.”

Maafiù 22:40 ပူးပေါင်းရင်းမြစ်များ

Maafiù 7:12

“Tùwoìŋ tɛ̀ɛ̀ koɓɛ̀ anyuùŋ kpùuŋ dàwiiŋ nyàŋ màànààŋ nìŋ manaŋ wèè aiŋ tuwò lɛ. Tɛɛ̀ nàŋ yaà e fàsàì maŋ Sàwà Dayà maŋ yaà e yèɛ aŋ wɛ̀ijì nyaŋ naŋ wa kaà lɛ.

Jɔ̀ɔŋ 1:17

Wo Dayà naŋ wa kìɛ̀ŋ wo Mòòze maŋ Sàwà wèè koɓɛ̀ anyùùŋ nyaŋ, kɛɛ wo Dayà naŋ wa tɔ̀ɔ̀ e mànauŋ nɛ̀ yèè wò naŋ tɔ̀ɔ̀ e tɔ̀ɔ̀nyaàaŋ e nyaàiŋ dè wuŋ bi e yìwìà wo Jisɛ̀ Kulaì sùà.

Luùm 13:9

Màŋ Sàwà Dayà maŋ naŋ woò wààŋ, “Ɓɔ̀ mùŋ nyɛ̀nɛ̀ŋ hmɔŋtu, ɓɔ̀ mùŋ jìwà nyùùŋ, ɓɔ̀ mùŋ wùà, ɓɔ̀ mùŋ jàà jii mɔɛ̀ŋ è nɛ̀ŋ kàmè dàwi mɔɔ̀ŋ màŋjɛ̀wɛ.” Kɛɛ maŋ sàwà mɛɛ̀ŋ gbiŋ naŋ nɔ̀ŋ gbònògbono miŋ kè sàwà guùŋ sùà, yèè kè naŋ woò wààŋ, “Manàŋ wo nyuùŋkpùuŋ dàwi mɔɔ̀ŋ màànààŋ mùŋ manaŋ muàŋ bi lɛ̀.”

Gàla 5:14

Maŋ Sàwà maŋ gbiŋ màŋ yaà ke Sàwà guùŋ sùà. Ke Sàwà bi nàŋ yaà, “Manàŋ wo nyuùŋkpùuŋ dàwi mɔɔ̀ŋ màànààŋ mùŋ manaŋ muàŋ bi lɛ̀.”

1Time 1:5

Esàɓù e keì wòo lɛɛ̀ nàŋ yaà, wèè maŋ kàà anyùùŋ wèè aŋ kɛ̀ɛ̀nɛ̀ŋ e mànaŋ kɛnɛɛ̀, e yèɛ naŋ fòlò ke jìì sengèì, e gòngo siaŋ, yèè e hààwè tɔ̀ɔ̀nyaàŋ sùà lɛ.

Jìiiŋ 2:8

Sèè tɔɔɓaa tiŋ naŋ jɔ̀ɔ̀lɔ̀ ke sàwà e Kànà Dayàa dìì màànààŋ wɔŋ fɛ̀ì Dayàa yaà woo lɛ̀, “Manàŋ wo nyuùŋkpùuŋ dàwi mɔɔ̀ŋ mààŋ muàŋ bi lɛ̀,” kɛ̀ màŋ nyɛ̀nɛ̀ŋ tɛ̀ɛ̀.