Maafiù 22:3 - WƆŊ FƐ̀Ì EBÒ SÌÀŊ DAYÀA

³ Wo kanaà naŋ tùɔ̀ŋ aŋ ɓɔìjɔ̀àuŋ nyàŋ wèè aŋ woò anyùùŋ nyaŋ àŋ naŋ nyààŋ nyaŋ wèè aŋ hnàŋ wɔŋ ɗaaà diɛŋ, kɛɛ anyùùŋ nyaŋ gò wa nyimèè wèè aŋ hnàŋ wɔ̀ŋ ɗaaà diɛŋ.

Maafiù 22:3 ပူးပေါင်းရင်းမြစ်များ

Maafiù 21:34

Nààŋ e tèèngà maŋ gbɛ̀mɛ̀ɛ̀ŋ màŋ kpàa naŋ haì, wò naŋ tùɔ̀ŋ aŋ ɓɔìjɔ̀àuŋ nyàŋ koɓɛ̀ anyùùŋ nyaŋ ko ɓùi wèè aŋ paawà e jotìuŋ nɛ̀.

Maafiù 23:37

Wo Jisɛ̀ wààŋ, “Kuoo nyɛ̀iŋ nààŋ nyùnòò Jùlusɛ̀làm nyaŋ! Anyunùiŋ nyàŋ naŋ wa jìwè aŋ wɛ̀ijì nyaŋ yèè àŋ naŋ hɔ̀wɔ̀ aŋ keela nyàŋ wo Dayà naŋ wa tùɔ̀ŋ ko nɛ̀ɛ̀iŋ niìŋ nyaŋ. E teenga zimgbe mìŋ naŋ nyɛ̀nɛ̀ŋ wànàŋ wèè kaiŋ gbònògbònò koɓɛ̀ guùŋ, màànààŋ wo tɔɔ boolìɔ gbonàŋ aŋ tɔɔ jɔauŋ nyàŋ maŋ gbauŋ màŋ dìì lɛ. Kɛɛ niŋ gò wa nyimèè wèè mìŋ doiŋ gbònò kòɓɛ̀ guùŋ.

Maafiù 3:2

Wo Jɔ̀ɔŋ naŋ wa wòò anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ niŋ kìlà koɓɛ̀ Dayài, esaɓù kɛ̀ e Kànà àìjɛnɛ̀ɛŋ è gbɛ̀ɛ̀.”

Maafiù 9:15

Wo Jisɛ̀ naŋ nyiŋ woò wààŋ, “Nìŋ yaà yɛ̀ɛ̀mɛ̀ dòmaŋ wèè aŋ nyùùnèènyɛiŋ nyàŋ wɔŋ ɗàà gè ke yɛɛ̀ gbìaàŋ sùà aŋ nɔ̀ŋ ke nyowo sùà e teengaà wo kɛ̀ɛ̀nɛ̀ŋ jɔnɔ̀ɔŋ yàa nyìŋ e tɛɛ ko sààŋ yɛɛ̀ gbìaìŋ lɛ? Tɛɛ̀ fè ɓɛ̀nɛ̀ŋ kàaiŋ! Kɛɛ e teenga do nàŋ hnè aŋ nyiŋ gè wo kɛ̀ɛ̀nɛ̀ŋ jɔnɔ̀ɔŋ e tɛɛ, ke ɗɔɔ bi diɛŋ àŋ do nàŋ kùwò ke tɔùŋ.

Luù 13:34

Wo Jisɛ̀ wààŋ, “Kuoo nyɛ̀iŋ nààŋ nyùnòò Jùlusɛ̀làm nyaŋ! Anyunùiŋ nyàŋ naŋ wa jìwè aŋ wɛ̀ijì nyaŋ, àŋ naŋ hɔ̀wɔ̀ aŋ keela nyàŋ wo Dayà naŋ wa tùɔ̀ŋ ko nɛ̀ɛ̀iŋ niìŋ nyaŋ. E teenga zimgbe mìŋ naŋ nyɛ̀nɛ̀ŋ wànàŋ wèè kaiŋ gbònògbònò koɓɛ̀ guùŋ, màànààŋ wo tɔɔ boolìɔ gbonàŋ aŋ tɔɔjɔauŋ nyàŋ maŋ gbauŋ màŋ dìì lɛ. Kɛɛ niŋ gò wa nyimèè wèè mìŋ doiŋ gbònò kòɓɛ̀ guùŋ.

Luù 15:28

Wo jɔ̀àfelaa gbeeɔ̀ naŋ wa tuù yèè wò naŋ gè maŋhɛɛ wèè wo jɔ̀à ko saaìŋ. Kpeiŋ wo kɛ̀ɛ̀ naŋ fòlò ko nɛ̀ɛ̀uŋ niìŋ yèè wò nauŋ pɔwɔ̀ wèè wo jɔ̀à ko saaìŋ.

Luù 19:27

Tɔ̀ miŋ woòiŋ naàŋ kɛ̀ sèè è nɔ̀ŋ wèè aŋ jooim nyiiŋ, aŋ yè nyaŋ manàŋ mɛ̀iŋ wèè ka nɔ̀ŋ wò kana nyiŋ nɔɔ̀ŋ nyaŋ, hìaìŋ nyiŋ kià ko fɛɛ̀fenìim niŋ jìwà nyiŋ.’ ”

Jɔ̀ɔŋ 5:40

Yèè yɛi nɔŋ è yaà nìŋ naŋ gè maŋhɛɛ wèè naŋ hnàŋ kò nɛ̀ɛ̀ŋ miìŋ wèè naŋ kɛ̀ɛ̀nɛ̀ŋ wɔŋ nyiiŋ gèe.

Nyɛ̀nɛ̀ŋ 13:45

Kɛɛ nààŋ anyùùŋ gbèègbèè aŋ Juùù nyaŋ naŋ wa yɛ̀mɛ̀ e faaŋ lɛɛ̀, e kooɛ̀ naŋ nyiŋ diè. Kpeiŋ àŋ naŋ wa gììyè e yèɛ wo Pɔɔ̀ yaà wa woo lɛ̀ maŋhɛɛ, yèè àŋ nauŋ fè maŋ mìè ɓɛ̀ɛ̀pɔ̀ɔ.

Luùm 10:21

Wo Dayà naŋ ɓɛìŋ woò e nyaàiŋ dè anyùùŋ Ezɔ̀ɛ̀ nyaŋ wààŋ, “Wɔŋ niìsìaà gbiŋ sùà mìŋ joowà maŋ kùàŋ fùùŋ wèè ka jàà anyuùŋ gò jɔɔlɔ̀ yaà anyùùŋ dàà ke gbòà nyaŋ kùàŋ dìì.”

Hiɓu 12:25

Yɛ̀mɛìŋ nyɛ̀iŋ bi diɛŋ yèè ɓɔ̀ nìŋ gè màŋhɛɛ wèè naŋ kòmàŋ kè mìè wò nyùnɔ̀ɔŋ gboo wɔ̀. Anyùùŋ nyaŋ naŋ wa gè maŋhɛɛ wèè aŋ kùmìàŋ ke mìè gbòà nɛɛmaàŋ e dììɛ diɛŋ wɔŋ Tòò Sanàa dìmɛ̀ nyaŋ, aŋ gò wa dùàŋ. Nìŋ naŋ gongò kɛ̀ nàŋ ɓɛ̀nɛ̀ŋ dùaŋ, sèè nìŋ gè maŋhɛɛ wèè naŋ jɔ̀ɔ̀lɔ̀ ke mìè gbòà nyùnɔ̀ɔŋ dìì, wò yèɔ naŋ gbòò e yìwìà ko àìjɛnɛ̀ŋ wɔ?

Hiɓu 9:15

E wèè saɓù lɛɛ̀, wo Jisɛ̀ Kulaì nàŋ yaà wo nyùnɔ̀ɔŋ sià ke konaŋ fèemàaŋ, wo yèɔ naŋ bànè e ɗààhìì e mìèsùàguùŋ jɛ̀ì, wèè kɛ̀ aŋ yè nyaŋ wo Dayà naŋ nyààŋ nyaŋ aŋ yɛmɛ̀ e kpùùmàŋ wɔŋ nyiiŋ gèe gò jùà e yèɛ wo Dayà naŋ jɔ̀ɔ̀ ɗààhiì wèè wo kiɛ̀ŋ lɛ. Tɛɛ̀ ɓɛ̀nɛ̀ŋ kààiŋ esaɓù kɛ̀ wo Jisɛ̀ Kulaì naŋ fɔ̀, yèè tɛɛ̀ naŋ nyɛ̀nɛ̀ŋ anyùùŋ naŋ fòlò e keì dìì e yìwìà maŋ keì naanààŋ maŋ àŋ naŋ nyɛ̀nɛ̀ŋ maŋ, e teengaà e ɗààhìì mìèsùàguùŋ jiɛ̀jiɛ̀ɛ yaà wa toomo lɛ̀.

Maŋ kèì nyɛɛnɛŋ 22:17

Wo Jìnàŋ Nɛɛmaàŋ yaà wo jɔunɔ̀ɔŋ wo Ɓaawaaà do nàŋ ɓemè wɔ naŋ woò nyààŋ, “Hnaàŋ!” Wo nyùnɔ̀ɔŋ gbiŋ komo tɛɛ̀ wɔ wo woò wààŋ, “Hnaàŋ!” Hnaàŋ, nyɛ̀iŋ nyàŋ gbiŋ nìŋ yaà ke jòòmàì sùà nyaŋ. Kùwaìŋ e wùìyèɛ kuwa wɔŋ nyiiŋ gèeɔ̀ lɛ wèè e nɔ̀ŋ e nɛ̀ŋ kìɛŋ, koɓɛ̀ wo nyùnɔ̀ɔŋ gbiŋ mànàŋ niìŋ wɔ.