Maafiù 22:21 - WƆŊ FƐ̀Ì EBÒ SÌÀŊ DAYÀA

²¹ Aŋ naŋ fasàì nyààŋ, “Wo Kanaà Siisɔ̀.” Kpeiŋ wo Jisɛ̀ naŋ nyiŋ woò wààŋ, “Kìɛ̀ŋ koɓɛ̀ wo Kanaà Siisɔ̀ e nɛ̀ɛŋ wò kanaŋ lɛ̀, yèè muŋ kiɛ̀ŋ wo Dayà e nɛ̀ɛŋ wò kanaŋ lɛ̀.”

Maafiù 22:21 ပူးပေါင်းရင်းမြစ်များ

Maafiù 22:20

yèè wò naŋ nyiŋ dawè wààŋ, “Ɗèwà ɓòò wɛɛ̀ŋ yèè dèè ɓòò lɛɛ̀ ke nɛɛnɛŋ yɛɛ̀?”

Maafiù 22:37

Wo Jisɛ̀ naŋ fasàì wààŋ, “Mùniàŋ wo Kanaà wo Dayà mɔɔ̀ŋ ke jii mɔɛ̀ŋ gbiŋ, wɔŋ nyììŋ jinàŋ mɔɔ̀ŋ gbiŋ, e gòngo mɔ̀ɛ̀ gbiŋ, yèè e gaàŋ mɔ̀ɛ̀ gbiŋ.

Maafiù 4:10

Wo Jisɛ̀ nauŋ fasàì wààŋ, “Yewà kià, Sɛ̀tanàaŋ! È yaà sìnga niŋ wɔŋ fɛ̀ì Dayàa sùà kɛ̀, ‘Muŋ zoolò nɔŋ wo Kanaà wo Dayà mɔɔ̀ŋ yèè wuŋ guùŋ kpò.’ ”

Luù 20:25

Kpeiŋ wo Jisɛ̀ naŋ nyiŋ woò wààŋ, “Kìɛ̀ŋ koɓɛ̀ Siisɔ̀i, wo Kànà Fùɔ̀ŋ anyùùŋ Luùm nyaŋ e nɛ̀ɛŋ wò kanaŋ lɛ̀, yèè niŋ kiɛ̀ŋ wo Dayà e nɛ̀ɛŋ wò kanaŋ lɛ̀.”

Luù 23:2

Yèè àŋ nauŋ tɔ̀ɔ̀tù e keì jàà ɗì nyààŋ, “È naiŋ kùwò wo felaa wɛɛ̀ wò yaà dè sùà anyuùŋ wi nyàŋ ke dòmaŋ naanààŋ diɛŋ. Wò naŋ nyiŋ woò wààŋ kɛ̀ ɓɔ̀ àŋ paawà è nɛ̀ɛ̀nɛ̀ŋ fuɔŋ kòɓɛ̀ Siisɔ̀i, wo Kànà anyùùŋ fùɔ̀ŋ Luùm nyaŋ. Wò naŋ ɓɛìŋ ɓèmè wuŋ bi wèè wo nɔ̀ŋ wo Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo kana wiɔ̀.”

Nyɛ̀nɛ̀ŋ 4:19

Wo Pììlɛ yaà wo Jɔ̀ɔŋ naŋ nyiŋ fasàì nyààŋ, “Nyɛ̀iŋ bi kɛ̀ɛìŋ kiti sèè mààŋ kòò niŋ nàŋ yaà e tɔ̀ɔ̀nyaàaŋ ko fɛ̀ɛ̀fèìŋ Dayài, wèè eiŋ jɔ̀ɔ̀lɔ̀ wo nyuùŋkpùuŋ dìì ɔ̀ɔ̀ eiŋ jɔ̀ɔ̀lɔ̀ wo Dayà dìì.

Nyɛ̀nɛ̀ŋ 5:29

Wo Pììlɛ yèè aŋ keela tàeɗùù gbànaŋ nyàŋ naŋ nyiŋ fasàì nyààŋ, “È kuwa eiŋ nyɛ̀nɛ̀ŋ e yèɛ wo Dayà manaŋ wèè eiŋ nyɛ̀nɛ̀ŋ lɛ, e kuwàìŋ è kpàŋ wèè eiŋ nyɛ̀nɛ̀ŋ è yèɛ anyuùŋ kpùuŋ manaŋ lɛ̀.

Luùm 13:7

Kpeiŋ, kìɛìŋ manɛ̀ŋ maŋ gbiŋ nìŋ kuwa e kpàŋ wèè naŋ kiɛ̀ŋ maŋ. Kìɛìŋ e nɛ̀ɛ̀nɛ̀ŋ fuɔŋ wèè manɛ̀ŋ kɛ̀ɛ̀nɛiŋ màŋ yaà manɛ̀ŋ bòliiŋ màŋ ko nɛ̀ɛ̀ŋ nyiŋ niìŋ. Jɔ̀ɔ̀lɔìŋ e kìlà niŋ kiɛ̀ŋ e ɓɛ̀ɛ̀jàa gbee koɓɛ̀ aŋ kana nyàŋ gbiŋ.