Maafiù 22:18 - WƆŊ FƐ̀Ì EBÒ SÌÀŊ DAYÀA

¹⁸ Kɛɛ wo Jisɛ̀ wa nyìmàŋ e kàaɓì nyiŋ nɛ̀ tɛ, yèè wò naŋ nyiŋ woò wààŋ, “Nyɛ̀iŋ nààŋ nyùùŋ fɛ̀ɛ̀ ɗòònààkeì fɛ̀ɛ̀ keì nyɛɛ̀ŋ, wèè kiìŋ nìŋ manaŋ naim kùwìà ke gbaù sùà?

Maafiù 22:18 ပူးပေါင်းရင်းမြစ်များ

Maafiù 12:15

Nààŋ wo Jisɛ̀ naŋ wa kòmò kɛ̀ aŋ Fɛlosiì nyaŋ naŋ ɗewè wèè auŋ jìwà, wò naŋ ɓèmè anyùùŋ màŋjɛ̀wɛ̀uŋ nyàŋ yèè wò naŋ yèwè koɓɛ̀ wii wo kà koɓɛ̀ bà. Anyuùŋ zimgbe e kpùlìà anyuùŋ sàaŋ nauŋ wa dè maŋjɛ̀wɛ, esaɓù kɛ̀ àŋ manaŋ wa wèè wo nyiŋ sùngà, yèè wò naŋ sùngò anyuùŋ sàaŋ nyàŋ gbiŋ,

Maafiù 19:3

Aŋ Fɛlosiì nyaŋ bà naŋ hnè yèè àŋ naŋ gɛ̀ɛ̀ wo Jisɛ̀ jɛ̀wɛ̀ nyààŋ, “Wòò wi, ke sàwà wiɛ̀ naŋ wi gè nyààŋ diɛŋ wèè wo felaa yaà wo jawèuŋ nɔɔ̀ŋ aŋ ɓaanè wèè esaɓù bà gbiŋ, nààŋ wo felaaà wò manaŋ lɛ̀?”

Maafiù 22:17

Wòò wi, ke sàwà wiɛ̀ naŋ wi gè nyààŋ diɛŋ wèè eiŋ pààwà e nɛ̀ɛ̀nɛ̀ŋ fuɔŋ koɓɛ̀ wo Kanaà Siisɔ̀, wo kànà fùɔ̀ŋ anyùùŋ ko Luùm nyaŋ ɔ̀ɔ̀ ɓɔ̀ è paawàiŋ nìŋ?”

Maafiù 22:19

Hìaìŋ nìim ke nɛɛnɛɛ̀ŋ nìŋ kiɛ̀ŋ wèè e nɛ̀ɛ̀nɛ̀ŋ fuɔɔ̀ŋ lɛ miŋ yɛmɛ̀ nyiŋ.” Yèè àŋ nauŋ hìɛ̀ŋ ke kaiŋ fua nɛɛnɛɛ̀ŋ,

Luù 10:25

Ke ɗɔ̀ɔ̀ guùŋ nààŋ wo Jisɛ̀ yaà wa kàa sùà anyùùŋ nyaŋ, wo kààmɔ̀ɔ̀ŋ maŋ Sàwà Dayà maŋ bà yaào wa. Wò manaŋ wa wo dàwè wo Jisɛ̀ wɔŋ mààŋdàwè nyìnga wèè wo kuwiàuŋ e keì. Kpeiŋ wò nauŋ dawè wààŋ, “Kààmɔɔŋ, kiìŋ mìŋ naŋ ɓɛ̀nɛ̀ŋ nyɛ̀nɛŋ wèè ka kùwìè wɔŋ nyiiŋ gèe gò jùà?”

Luù 20:23

Kɛɛ wo Jisɛ̀ wa nyìmàŋ e kàaɓì nyiŋ nɛ̀ tɛ, yèè wò naŋ nyiŋ woò wààŋ,

Luù 5:22

Wo Jisɛ̀ nyìmàŋ kɛ̀ kiìŋ àŋ yaà wa goongo maŋ jii nyiŋ màŋ sùà. Kpeiŋ wò naŋ nyiŋ woò wààŋ, “Wèè kiìŋ nìŋ gongà maŋ keì mààŋ mɛɛ̀ŋ maŋ jiiŋ màŋ sùà e nyaàiŋ dè e nɛ̀ɛŋ mìŋ naŋ woò lɛ?

Luù 9:47

Wo Jisɛ̀ nyìmàŋ kɛ̀ kiìŋ àŋ yaà wa goongo maŋ jii nyiŋ màŋ sùà, kpeiŋ wò naŋ ɓèmè wo jɔ̀àkàiŋ jɔa wò nauŋ jàà sììtum.

Jɔ̀ɔŋ 2:25

Esaɓù bà gbiŋ fè wa wèè wò nyùùŋ gbiŋ wò douŋ kìɛ̀ŋ kè mìè seì aŋ woò kɛ̀ ɓòò nàŋ yaà anyùùŋ nyɛɛ̀ŋ. Wò wa nyìmàŋ aŋ gbiŋ tɛ̀ɛ̀.

Jɔ̀ɔŋ 8:6

Àŋ naŋ wa dàwè wo Jisɛ̀ wɔŋ mààŋdàwè wɛɛ̀ŋ wèè auŋ wàà, esaɓù kɛ̀ àŋ manaŋ wa wèè auŋ gbùwà e keì ɗì. Kɛɛ wo Jisɛ̀ naŋ wa gbuwo wò yaà sìngìè ke kiiyòuŋ nɛɛ̀ŋ ko dììnaŋ.

Nyɛ̀nɛ̀ŋ 5:9

Wo Pììlɛ nauŋ dawè wààŋ, “Wèè kiɛ̀ŋ muàŋ nyɛ̀iŋ wo faniŋ mɔɔ̀ŋ naŋ ɗewè wèè naŋ wàà wo Jìnàŋ Kanaà Dayà? Aŋ felaa nyàŋ naŋ kɔ̀ɔ̀ wo fanium àŋ nauŋ sìè nyaŋ kòò àŋ yaà wɔŋ gbemgbeeɔ̀ feìŋ sààmɛ, yèè àŋ doum nàŋ kɔɔ̀ muàŋ pɛɛ aum sìà!”

Maŋ kèì nyɛɛnɛŋ 2:23

Mìŋ do ngèè ɓɛìŋ nàŋ jìwè anyùùŋ màŋjɛ̀wɛ̀uŋ nyàŋ gbiŋ, kpeiŋ kɛ̀ ke gbòò anyuùŋ hààwe nyàŋ gbiŋ do nàŋ nyìmè kɛ̀, miàŋ nàŋ yaà wo nyùnɔ̀ɔŋ naŋ nyìmè e gòngò nyuùŋkpùuŋ gbiŋ ke jiiuŋ nɛɛ̀ŋ sùà, yèè e yèɛ àŋ manaŋ lɛ̀. Mìŋ do ɓɛìŋ nàŋ pààwà nyɛ̀iŋ nààŋ bà guùŋ gbiŋ wèè e tòmoɛ̀ mùŋ naŋ nyɛ̀nɛ̀ŋ lɛ.