Maafiù 22:13 - WƆŊ FƐ̀Ì EBÒ SÌÀŊ DAYÀA

¹³ Kpeiŋ wo kanaà naŋ wòò aŋ ɓɔìjɔ̀àuŋ nyàŋ wààŋ, ‘Dèkaìŋ wo felaa wɛɛ̀ maŋ kùàŋ yèè maŋ gòlò niŋ gbìàuŋ ko jɔɔlèi ke nyiwì gènaàŋ sùà. Kuŋ wò do nàŋ nɔ̀ŋ wò golo yèè wò gbile le sìàuŋ nɛ̀.’ ”

Maafiù 22:13 ပူးပေါင်းရင်းမြစ်များ

Maafiù 12:29

Yèè wo Jisɛ̀ naŋ nyiŋ ɓɛìŋ woò wààŋ, “Wo nyùùŋ gbiŋ fè ɓɛ̀nɛ̀ŋ gɔ̀ɛ̀ɛ̀ kè sààŋ wò nyùùŋ gààaŋ wèè wo ɓèmè màŋ nɛ̀uŋ màŋ, sɔɔ̀ wo dèkà wo nyùùŋ gààŋ wii jiɛ̀, kɛ̀ ngàà wò gùlògùlò ko sauŋ niìŋ.

Maafiù 13:30

Tɔ̀ maŋ dɛɛ wuiye màŋ nɔ̀o e jeèsùà e tèèngà e kpàliɛ̀ hɛ̀ɛ e haì. Kpeiŋ mìŋ do nàŋ wòò anyuùŋ tòmoim nyàŋ wèè aŋ fìà maŋ dɛɛ wuiye naanààŋ maŋ miiŋ jiɛ̀, aŋ miŋ dèkà maŋ bilà yèè aŋ miŋ sùàŋ. Kpeiŋ kɛ̀ àŋ hɛ̀ɛ̀ e kpàli lɛ̀ àŋ niŋ gbìàŋ ko kɛiŋ miìŋ.’ ”

Maafiù 13:42

Àŋ do nyiŋ nàŋ gbìɛ̀ŋ ko sààŋ hmɔɔ̀ŋ kùwa gbeeì, ko yèi àŋ do nàŋ gòlò e kìlà aŋ gbìlà le sìaŋ nyiŋ nɛ̀.

Maafiù 13:50

Kpeiŋ àŋ do nàŋ gbìɛ̀ŋ anyùùŋ maŋ kpèè naanààŋ nyaŋ ko sààŋ hmɔɔ̀ŋ kùwa gbeeì, ko yèi àŋ do nàŋ gòlò e kìlà aŋ gbìlà le sìaŋ.”

Maafiù 24:51

Wo ɓɔìjɔ̀à wɛɛ̀ do nàŋ kɔ̀ e keì nyìnga dìì yèè auŋ gbìàŋ koɓɛ̀ nyùùŋ fɛ̀ɛ̀ ɗòònààkeì nyaŋ. Kuŋ àŋ do nàŋ nɔ̀ŋ àŋ golo yèè àŋ gbile le sìaŋ e keì nyìnga sùà.”

Maafiù 25:30

Mùŋ yaà wo ɓɔìjɔ̀à kpàna foo, yèè àŋ doum nàŋ gbìɛ̀ŋ ke nyiwì gènaŋ sùà, ko yèi mùŋ do nàŋ gòlò yèè maŋ gbìlà le sìaŋ mɔ̀ɛ̀ e keì nyìnga dìì.’ ”

Maafiù 8:12

Kɛɛ anyùùŋ nyaŋ wo Dayà naŋ tàeɗùù wèè aŋ weè nɔ̀ŋ e kanauŋ nɛ̀ sùà nyaŋ, àŋ do nyiŋ nàŋ gbìɛ̀ŋ ke nyiwì gbee sùà. Àŋ do nàŋ gòlò e kìlà aŋ gbìlà le sìaŋ nyiŋ nɛ̀ e keì nyìnga sùà.”

Luù 13:28

Kpeiŋ sèè àŋ gbìɛ̀ìŋ ko jɔɔlèi, nìŋ do nàŋ gòlò e kìlà naŋ gbìlà le sìaiŋ nɛ̀ esaɓù kɛ̀ nìŋ do nàŋ yɛ̀mɛ̀ wo Eɓulɔhɛɛ̀ŋ, wo Ààze, wo Jègɔ, yaà aŋ wɛ̀ijì nyaŋ gbiŋ e Kànà Dayàa sùà.

Jɔ̀ɔŋ 21:18

Yèè wo Jisɛ̀ nauŋ ɓɛìŋ woò wààŋ, “Miŋ woòum e tɔɔɓaaà, e teengaà mùŋ yaà wa wo nyuùŋ bɔwɔ lɛ̀, mùŋ hewa kpàà muàŋ bi yèè maŋ kà koɓɛ̀ gbiŋ ko yèi mùŋ manaŋ lɛ̀. Kɛɛ sèè mùŋ nɔ̀ŋ wa nàwèè naàŋ wo nyuùŋ gɔu, mùŋ do nàŋ vùlɔ̀ŋ maŋ kuàum màŋ. Kpeiŋ kɛ̀ anyùùŋ bà nàŋ doum nàŋ sìè e tɛɛ̀kìì mɔ̀ɛ̀ e tɛɛ, yèè aum kùwà maŋ kùàŋ aum kòà koɓɛ̀i muŋ manàŋ wèè maŋ ka lɛ̀.”

Nyɛ̀nɛ̀ŋ 21:11

Wo wɛ̀ijìɔ naŋ ɓèmè e tɛkìɛ wo Pɔɔ̀ dikìà wa e tɛɛ lɛ̀, yèè wò naŋ niŋ dìkìè wuŋ bi maŋ gòlò yèè maŋ kùàŋ. Yèè wò naŋ woò wààŋ, “Tɛɛ̀ wo Jìnàŋ Nɛɛmaàŋ naŋ woò, kɛ̀ anyùùŋ gbèègbèè aŋ Juùù nyaŋ bà ko Jùlusɛ̀làm do nàŋ dèkè wo nyùnɔ̀ɔŋ kanaŋ e tɛkì lɛɛ̀ wɔ, yèè àŋ douŋ nàŋ kìlè koɓɛ̀ anyùùŋ nyaŋ fè àŋ Juùù nyaŋ.”

Nyɛ̀nɛ̀ŋ 7:54

Nààŋ anyùùŋ gbèègbèè fuɔɔ̀ŋ yaà wa kùmìàŋ sùà e keìɛ wo Siiwììŋ yaà wa woo lɛ̀, àŋ naŋ wa tuù àŋ gè gbìlà le sìaŋ e wùàŋ sùà weèuŋ.

2Tɛsè 1:9

Àŋ do nàŋ kɔ̀ e mɔ̀ɔ̀nɛ̀ŋ nyiiŋ gèe gò jùà dìì wèè julɔfɔ, àŋ do nàŋ nɔ̀ŋ pouŋ aŋ fè gbɛ̀ɛ̀ wò Kanaà yaà è jòòwò gààŋ gbeeuŋ nɛ̀,

2Pììlɛ 2:17

Anyùùŋ mààŋ nɛɛ̀ŋ àŋ yaà mààŋ maŋ gòò maŋ màì wòòye, mààŋ ko fuùŋ kùwaì wɔŋ dùfòìɔ dulà lɛ, ko nɔ̀ŋ nyiŋ niìŋ kò yaà bàànè hàa wo Dayà sìwè ke nyiwì kpɔtu kpɔ̀tùɛ sùà ko jàhamaŋ weè nyiŋ.

2Pììlɛ 2:4

Wo Dayà gò wa yɛ̀mɛ̀ àŋ màikà nyaŋ naŋ wa sɛ̀ɛ̀ màŋ jùumù sùà nyaŋ kè nyowo, kɛɛ wò naŋ nyiŋ gbìɛ̀ŋ ko jàhamaŋ, ko yèi àŋ naŋ nyiŋ sìè maŋ pela ke nyìwìɛ sùà, àŋ yaà fùlìè ke ɗɔ̀ɔ̀ gbài kitiɛ̀ ke hnàŋ.

Juù 1:13

Maŋ kpèè sàngè nyiŋ màŋ tɔɔ̀ miŋ bi mààŋ e fɔ̀ù bɔ̀ìŋ juwo diɛŋ. Àŋ yaà mààŋ maŋ ɗu gò jɛ̀ì è dìì aŋ yè nyaŋ wo Dayà wa bànè ke nyiwì kpùɛ dìì ko hàa weè nyiŋ ko jàhamaŋ wèè julɔfɔ lɛ̀.

Juù 1:6

Jàaìŋ e kèì aŋ màikà nyaŋ jii aŋ yè nyaŋ gò wa jɛ̀ì màŋ toomo nyiŋ màŋ wo Dayà naŋ nyiŋ wa jàà maŋ, kpeiŋ àŋ naŋ yèwè maŋ toomo nyiŋ màŋ yèè àŋ naŋ gììyè maŋ gbòò nyiiŋ bi màŋ kɛ̀ɛ. E wèètii wo Dayà naŋ nyiŋ wa dìkìè maŋ jɔ̀ɔɔ wèè fɔfɔ̀fɔ, ke nyiwì kpùɛ dìì ko yèi wo Dayà naŋ nyiŋ gbìɛ̀ŋ wèè aŋ fòlà ke ɗɔ̀ɔ̀ kiti hàaà lɛ, e kìlà wo Dayà do nyiŋ wa nàwèè nàŋ pɔ̀ɔ̀ɓɛ̀ɛ.

Maŋ kèì nyɛɛnɛŋ 21:27

E nɛ̀ŋ gò zɛ̀nɛ̀ŋ gbiŋ naàŋ jɔ̀ kò jawa gbeeì, e kìlà wo nyùnɔ̀ɔŋ gbiŋ wò kuwa ke jii kùwà ninaŋ wɔ̀ ɔ̀ɔ̀ wo yèɔ tɔɔ wɔ̀ wo naàŋ jɔ̀ kò jawa gbeeì. Anyùùŋ nyaŋ nɔŋ nàŋ doo nàŋ jɔ̀ nyaŋ nàŋ yaà anyùùŋ nyaŋ maŋ deè nyiŋ màŋ yaà sìnga miŋ wɔ̀ŋ fɛ̀ì fùngò fùngò Ɓaawaaà sùà e nyaàiŋ dè aŋ yè nyaŋ kuwa nyiiŋ gèe wèè julɔfɔ nyàŋ.