Maafiù 22:11 - WƆŊ FƐ̀Ì EBÒ SÌÀŊ DAYÀA

¹¹ “Kɛɛ nààŋ wo kanaà naŋ hnè wèè wo yɛmɛ̀ anyùùŋ nyaŋ wò naŋ nyààŋ nyaŋ, wò nao wa yɛ̀mɛ̀ wo felaa bà wo yèɔ gò wa gɔ̀àì màŋ dèè wèè kè yɛɛ̀ gbìaŋ.

Maafiù 22:11 ပူးပေါင်းရင်းမြစ်များ

Maafiù 13:30

Tɔ̀ maŋ dɛɛ wuiye màŋ nɔ̀o e jeèsùà e tèèngà e kpàliɛ̀ hɛ̀ɛ e haì. Kpeiŋ mìŋ do nàŋ wòò anyuùŋ tòmoim nyàŋ wèè aŋ fìà maŋ dɛɛ wuiye naanààŋ maŋ miiŋ jiɛ̀, aŋ miŋ dèkà maŋ bilà yèè aŋ miŋ sùàŋ. Kpeiŋ kɛ̀ àŋ hɛ̀ɛ̀ e kpàli lɛ̀ àŋ niŋ gbìàŋ ko kɛiŋ miìŋ.’ ”

Maafiù 22:10

Aŋ ɓɔìjɔ̀à nyaŋ naŋ kɔ̀ maŋ tèetì maŋ diɛŋ yèè àŋ naŋ hìɛ̀ŋ anyùùŋ nyaŋ gbiŋ àŋ naŋ wa ɓɛ̀nɛ̀ŋ mɛ̀ɛŋ nyàŋ, aŋ siaŋ sìàŋ nyiŋ yèè aŋ naanààŋ nyiŋ. Wɔŋ zɛ̀mɛ̀ɛ̀ŋ gbèè wɔŋ ɗàà ke yɛɛ̀ gbìaàŋ naŋ wa dìè anyùùŋ.

Maafiù 3:12

Wò kuwa wɔŋ sɛmɛ̀ŋ fùùnyàŋ e kpàliuŋ nɛ̀ ko sìwè wèè wo fùàŋ e kpàliuŋ nɛ̀. Wò do nàŋ gbònògbònò e kpàli kɛnɛɛ̀ wo niŋ gbìàŋ ko kɛiŋ, kpeiŋ kɛ̀ wò hàmàŋ maŋ kpàli dɛɛ màŋ wò miŋ gbìàŋ ko hmɔ̀ɔ̀ŋ, yèè e hmɔ̀ɔ̀ŋ bi fè wa nàwèè nyime.”

Luùm 13:14

Nɔ̀ŋ wiìŋ bànèbane wi, wèè wo Kanaà Jisɛ̀ Kulaì yɛmɛ̀ wi diɛŋ e kìlà e nɔ̀iŋ mààŋ wuŋ, wèè kɛ̀ anyuùŋ joo aŋ nyìmàŋ kɛ̀ kiìŋ wò nyùùŋ wò yaà, mààŋ maŋ dèè maŋ è gɔaìŋ maŋ wèè anyùùŋ nyìmàŋ ke gbòòɛ è fòlòìŋ sùà yɛ. Sèè mùŋ nyɛnɛŋ tɛɛ̀, kɛ̀ muŋ naàŋ nyɛ̀nɛ̀ŋ è keì wèè maŋ fɔ̀ɔ̀yɛ̀ kè kpùnaŋ mɔɛ̀ŋ jii.

Luùm 3:22

Wo Dayà jaa nɔŋ anyùùŋ kùàŋ dìì e tɔ̀ɔ̀nyaàŋ sùà esàɓù e hààweɛ̀ àŋ kuwa wo Jisɛ̀ Kulaì sùà lɛ. Wo Dayà nyɛnɛŋ tɛɛ̀ koɓɛ̀ anyùùŋ nyaŋ gbiŋ kuwa hààwe wo Jisɛ̀ Kulaì sùà nyaŋ, esaɓù kɛ̀ aŋ gbiŋ naŋ seenè kpaŋ.

1 Kɔliìŋ 4:5

E wèètii ɓɔ̀ nìŋ gbaaì wò nyùùŋ gbiŋ è keì paŋgàà è tèèngà keì gbàiɛ̀ e haì. E keì gbài dìàmaàŋ do wa nàwèè nàŋ nɔ̀ŋ e tèèngà e hnàŋ Kanaà Jisɛ̀ Kulaìɛ diɛŋ. Wuŋ nàŋ do nàŋ gè maŋ gbùnù ke nyìwì maŋ, yaà esàɓù nyɛ̀nɛŋ miŋ nɛ̀ e gòngò nyuùŋkpùuŋ nyàŋ jiio sùà, wo miŋ gɔaì janjai. Kpeiŋ kɛ̀ wo Dayà do nàŋ fè wo nyùùŋ gbiŋ e tɛ̀nɛɛ̀ŋ wò kanaŋ lɛ̀.

2 Kɔliìŋ 5:3

Sèè è nɔ̀ìŋ naàŋ maŋ kpùnaŋ mɛɛ̀ŋ sùà, kɛ̀ wo jinàŋ wiɔ̀ kɛ̀ɛ̀nɛ̀ŋ maŋ kpùnaŋ wèè wo nɔ̀ŋ sùà wèè julɔfɔ.

Gàla 3:27

E kìlà nààŋ àŋ naiŋ wa gùò e dèè Jisɛ̀ Kulaìɛ sùà, nìŋ naŋ nɔ̀ŋ mààŋ wo Jisɛ̀ Kulaì wuŋ bi ke kpèèuŋ nɛɛ̀ŋ sùà.

Ɛfesɔ̀ 4:24

yèè wo nyɛ̀nɛ̀ŋ niŋ nɔ̀ŋ anyuùŋ jɛ̀ì. Wo Dayà naiŋ wa banè wèè naŋ nɔ̀ŋ mààŋ wuŋ, wèètii sɔɔ̀ naŋ nyɛ̀nɛ̀ŋ ke jiiuŋ nɛɛ̀ŋ fàa yèè naŋ nɔ̀ŋ anyùùŋ nɛɛmaŋ e tɔ̀ɔ̀nyaàŋ sùà.

Maŋ kèì nyɛɛnɛŋ 16:15

Jàaìŋ jii kɛ̀ wo Kanaà Jisɛ̀ Kulaì naŋ woò wààŋ, “Mìŋ do nàŋ hnè mààŋ wo nyuùŋ wùa! E zɔlɔ̀ do nàŋ nɔ̀ŋ wo nyùnɔ̀ɔŋ wo Dayà do nàŋ kpuumò wèè wo nɔ̀ŋ fɛɛ̀ wòwò wɔ, yèè wo yɛ̀mɛ̀ maŋ dèè kɔɔuŋ màŋ diɛŋ, wèè wo go nàŋ kààìŋ ke kpanja e kìlà e sàngè euŋ kùwà ko ɓài!”

Maŋ kèì nyɛɛnɛŋ 19:8

Wo Dayà nauŋ wa kìɛ̀ŋ wɔŋ deè fùà zɛ̀nɛŋ wèè wo kpàà. Wɔŋ deè fùà wɛɛ̀ŋ nàŋ yaà maŋ kpèè siaŋ màŋ wèè anyùùŋ nɛɛmaŋ nyàŋ.”

Maŋ kèì nyɛɛnɛŋ 2:23

Mìŋ do ngèè ɓɛìŋ nàŋ jìwè anyùùŋ màŋjɛ̀wɛ̀uŋ nyàŋ gbiŋ, kpeiŋ kɛ̀ ke gbòò anyuùŋ hààwe nyàŋ gbiŋ do nàŋ nyìmè kɛ̀, miàŋ nàŋ yaà wo nyùnɔ̀ɔŋ naŋ nyìmè e gòngò nyuùŋkpùuŋ gbiŋ ke jiiuŋ nɛɛ̀ŋ sùà, yèè e yèɛ àŋ manaŋ lɛ̀. Mìŋ do ɓɛìŋ nàŋ pààwà nyɛ̀iŋ nààŋ bà guùŋ gbiŋ wèè e tòmoɛ̀ mùŋ naŋ nyɛ̀nɛ̀ŋ lɛ.

Maŋ kèì nyɛɛnɛŋ 3:18

Tɔ̀ miŋ woòum naàŋ, denàim e gòoò sìwè, e gòoò kɛnɛ, wèè e nyɛ̀nɛ̀um muŋ banè. Denàŋ ɓɛìŋ maŋ deè fùà wèè muŋ kpàà muàŋ bi e kìlà muŋ ɓùwà ke kpànjà sàngè mɔɛ̀ŋ. Denàŋ ɓɛìŋ e bù wèè muŋ kpalèè le fɛɛ̀ mɔ̀ɛ̀, wèè muŋ yɛmɛ̀ dìì tɛ̀ɛ̀.