Maafiù 21:9 - WƆŊ FƐ̀Ì EBÒ SÌÀŊ DAYÀA

⁹ Anyùùŋ nyaŋ yàaùŋ wa ko feìŋ nyaŋ yaà aŋ yè nyaŋ kùwaùŋ wa maŋjɛ̀wɛ nyàŋ, yaà wa kpàaŋ sùà àŋ yaà woo nyààŋ, “Tɛ̀nɛ̀ŋ wiìŋ wo Jɔ̀àfèlàà Kanaà Dèèwe! Wo Dayà kpuumàŋ wo nyùnɔ̀ɔŋ hnàŋ e dèè Kanaà diɛŋ wɔ̀! E tɛ̀nɛŋ nɔ̀ŋ koɓɛ̀ Dayài ko àìjɛnɛ̀ŋ!”

Maafiù 21:9 ပူးပေါင်းရင်းမြစ်များ

Maafiù 21:10

Nààŋ wo Jisɛ̀ naŋ jòwò ko Jùlusɛ̀làm, e zɔlɔ̀ naŋ wa dìè anyùùŋ nyaŋ gbiŋ. Kpeiŋ anyùùŋ nyaŋ naŋ dawè nyààŋ, “Ɓòò nàŋ yaà wo nyùùŋ wɛɛ̀?”

Maafiù 21:15

Aŋ kànà sìèfèìŋ zòòlo nyàŋ yèè aŋ kààmɔ̀ɔ̀ŋ maŋ Sàwà Dayà nyaŋ naŋ wa tuù, nààŋ àŋ naŋ wa yɛ̀mɛ̀ maŋ kèè mèè maŋ wo Jisɛ̀ yaà wa nyinie màŋ, yèè aŋ jɔ̀àkàiŋ jɔa nyàŋ yaà wa kpàaŋ sùà ko Saaŋ Zòòlò Dayài àŋ yaà woo nyààŋ, “E tɛ̀nɛŋ nɔ̀ŋ koɓɛ̀ wo Jɔ̀àfèlàà Dèèweɔ̀!”

Maafiù 23:39

Miŋ woòiŋ e tɔɔɓaaà kɛ̀, niŋ naàim wa nàwèè ɓɛìŋ yɛmɛ̀ e jèèsùà naŋ wa nàwèè woò nààŋ, ‘Wo Dayà kpuumàŋ wo nyùnɔ̀ɔŋ hnàŋ e dèè Kanaà diɛŋ wɔ̀.’ ”

Maafiù 9:27

Yèè nààŋ wo Jisɛ̀ naŋ wa yèwè koɓɛ̀ wii, aŋ fèlàà tìyèe kùwìè le fɛɛ̀ zììle naŋ wa dè wo Jisɛ̀ maŋjɛ̀wɛ nààŋ wò yaà wa kɔɔyɛ. Aŋ fèlàà tìyèe nyàŋ yaà wa kpàaŋ sùà àŋ yaà woo nyààŋ, “Tɔ̀ɔ̀ wi ke nyowo, Jɔ̀àfèlàà Dèèweɔ̀!”

Luù 13:35

Weètii kùmiaìŋ tɛɛ̀, wo Dayà do nàŋ fè ke Saaŋ Zòòlò Dayàiŋ nɛɛ̀ŋ jɛwɛ. Miŋ woòiŋ e tɔɔɓaaà kɛ̀, niŋ naàim wa nàwèè ɓɛìŋ yɛmɛ̀ e jèèsùà e teengaà e wa nàwèè hnàŋ yèè naŋ woò nààŋ, ‘Wo Dayà kpuumàŋ wo nyùnɔ̀ɔŋ hnàŋ e dèè Kanaà diɛŋ wɔ̀.’ ”

Luù 2:14

“E jòòwo gbee yaà wèè Dayà ko àìjɛnɛ̀ŋ, yèè ke jii fàa nɔ̀ŋ koɓɛ̀ anyuùŋ kpùuŋ nyàŋ e ɗuunyaàŋ aŋ yè nyaŋ nauŋ fɔ̀ɔ̀yɛ̀ ke jii nyàŋ.”