Maafiù 21:44 - WƆŊ FƐ̀Ì EBÒ SÌÀŊ DAYÀA

⁴⁴ Wo nyùnɔ̀ɔŋ gbiŋ duanàŋ ke dùò yɛɛ̀ diɛŋ wɔ̀, wò do nàŋ sɔ̀ɔ̀ wo nɛɛmùŋ, yèè wo nyùnɔ̀ɔŋ gbiŋ ke dùò yɛɛ̀ do naŋ sɔ̀ɔ̀ diɛŋ wɔ̀, wò do nàŋ nɔ̀ŋ hìkèhikeuŋ.”]

Maafiù 21:44 ပူးပေါင်းရင်းမြစ်များ

Maafiù 21:43

Yèè wo Jisɛ̀ naŋ nyiŋ ɓɛìŋ woò wààŋ, “Weètii tɔ̀ miŋ woòiŋ kɛ̀, àŋ doiŋ nàŋ gè e Kànà Dayàa sìwè yèè aŋ niŋ kìɛ̀ŋ koɓɛ̀ anyùùŋ nyaŋ do nàŋ nyɛ̀nɛ̀ŋ e yèɛ wo Dayà manaŋ lɛ̀. [

Maafiù 21:45

Kpeiŋ nààŋ aŋ kànà sìèfèìŋ zòòlo nyàŋ yèè Fɛlosiì nyaŋ naŋ kòmò ke kàɓànè Jisɛ̀ɛ, àŋ naŋ wa nyìmè kɛ̀ ke kàɓanèɛ wò naŋ gè yɛ, kɛ̀ nyiŋ wò sɔ̀à.

Maafiù 26:24

Miàim wo Jɔ̀àfèlàà Nyuùŋ Kpùnɔɔ̀ŋ do nàŋ fɔ̀ màànààŋ nɔŋ è yaà sìnga niŋ wɔŋ fɛ̀ì Dayàa sùà e nyaàiŋ eim dè. Kɛɛ diè e keì nyìnga do yɛi nàŋ nɔ̀ŋ wèè wo nyùnɔ̀ɔŋ do nàŋ mààŋ miàim wo Jɔ̀àfèlàà Nyuùŋ Kpùnɔɔ̀ŋ le! È hewa weè nàŋ nɔŋ tɛ̀ɛ̀ weèuŋ sèè wo nààŋ gouŋ wa weè komàŋ gbiŋ!”

Maafiù 27:25

Anyùùŋ nyaŋ gbiŋ naŋ fasàì nyààŋ, “Tɔ̀ e nɔ̀ŋ e kpààŋ kɔɔ wi yàwi nààŋ jɔ̀à wi nyàŋ wèè fàauŋ nɛ̀!”

Luù 2:34

Wo Simiɔ̀ŋ naŋ nyiŋ zòòlò diɛŋ yèè wò naŋ wòò wo Mèèle, wo nààŋ jɔ̀àa wààŋ, “Wo Dayà naŋ tà wo jɔ̀à wɛɛ̀ ɗùù wèè wo nyɛ̀nɛ̀ŋ anyuùŋ zimgbe ko Ezɔ̀ɛ̀ aŋ sɔ̀àà, yèè aŋ bà nyiŋ aŋ yèwà e fàa dìì aŋ sie. Wò do naŋ nɔ̀ŋ e tɔ̀ɔ̀màŋsèì e keì, yèè anyuùŋ zimgbe naàuŋ jàà kùàŋ dìì.

Luù 20:18

Wo nyùnɔ̀ɔŋ gbiŋ sɔɔ ke dùò yii diɛŋ wɔ̀ wò do nàŋ nyime nyìmè. Sèè zà ke dùò yii sɔɔ wo nyùùŋ gbiŋ diɛŋ kè douŋ nàŋ hike hìkè.”

Jɔ̀ɔŋ 19:11

Wo Jisɛ̀ naŋ fasàì wààŋ, “Sèè wo Dayà gòum weè kìɛ̀ŋ è gààaŋ, muŋ naàim weè ɓɛ̀nɛ̀ŋ kpùùnyàŋ wɔ̀ŋ vànèkpaaà diɛŋ. Kɛɛ wo nyùnɔ̀ɔŋ naim mààŋ ko nɛ̀ɛ̀ŋ muìŋ wɔ nàŋ kanaŋ e jùumù gbeeɛ̀.”

Luùm 9:33

Màànààŋ nɔŋ wo Dayà naŋ woò wɔŋ fɛ̀ì Dayàa sùà lɛ wààŋ, “Yɛ̀mɛìŋ, mìŋ yaà hàa sùà ke dùò ko Zanyɔ̀ŋ, ke dùòɛ ke yèɛ do nàŋ nyɛ̀nɛ̀ŋ anyùùŋ aŋ duonò, ke dùòɛ ke yèɛ do nyiŋ nàŋ nyɛ̀nɛ̀ŋ aŋ sɔ̀à dìì fukpù. Kɛɛ wo nyùnɔ̀ɔŋ gbiŋ haawà Dayà wɔ e sàngè naàuŋ kùwò.”

1Tɛsè 2:16

Àŋ naŋ ngèè pɛɛ fɛ̀ɛ̀ wèè aŋ wi kìlìà kùàŋ feìŋ wèè e goiŋ nàŋ wòò ke miè gbìaàŋ kòɓɛ̀ ànyùùŋ nyaŋ fè àŋ Juùù nyaŋ, wèè aŋ yɛ̀mɛ̀ è jòèye. E ɗewe lɛɛ̀ sùà, àŋ hàì ko dìà maŋ jùumù nyiŋ màŋ gbiŋ àŋ naŋ wa dè nyɛ̀nɛŋ màŋ. Wèètii e nìmìlà Dayàa è nyiŋ dèyà diɛŋ.

1Pììlɛ 2:8

Yèè wɔŋ fɛ̀ì Dayàa koɓɛ̀ bà naŋ ɓɛìŋ woò wààŋ, “Kɛɛ̀ nàŋ yaà ke dùòɛ do nàŋ nyɛ̀nɛ̀ŋ anyùùŋ aŋ duonò, ke dùòɛ do nyiŋ nàŋ nyɛ̀nɛ̀ŋ aŋ sɔ̀à lɛ.” Àŋ do nàŋ duonò esaɓù kɛ̀ aŋ gò hààwe kè mìèɛ, kiŋ zà nàŋ yaà wa e kèè jìì Dayàa e weè nyiŋ.