Maafiù 21:41 - WƆŊ FƐ̀Ì EBÒ SÌÀŊ DAYÀA

⁴¹ Yèè àŋ naŋ fasàì nyààŋ, “Wò do nàŋ hnè wo jìwà anyùùŋ maŋ kpèè naanààŋ nyiiŋ gbiŋ, e kìlà wo fè wɔŋ ɓù gbɛɛwɛ̀jɛ̀wɛ̀uŋ nɔɔ̀ŋ koɓɛ̀ aŋ nyuùŋ joo bà, aŋ yè nyaŋ douŋ nàŋ kìɛ̀ŋ e jotìuŋ nɛ̀ wèè maŋ gbɛ̀mɛ̀ɛ̀ŋ maŋ e teengaà diɛŋ.”

Maafiù 21:41 ပူးပေါင်းရင်းမြစ်များ

Maafiù 21:34

Nààŋ e tèèngà maŋ gbɛ̀mɛ̀ɛ̀ŋ màŋ kpàa naŋ haì, wò naŋ tùɔ̀ŋ aŋ ɓɔìjɔ̀àuŋ nyàŋ koɓɛ̀ anyùùŋ nyaŋ ko ɓùi wèè aŋ paawà e jotìuŋ nɛ̀.

Maafiù 21:40

Kpeiŋ wo Jisɛ̀ naŋ nyiŋ dawè wààŋ, “Sèè e keì kaaàŋ yɛi, kiìŋ wo kɛ̀ɛ̀nɛ̀ŋ wɔŋ ɓù gbɛɛwɛ̀jɛ̀wɛ̀ɔ do nàŋ nyìnìè anyuùŋ yɛ̀mɛ̀ wɔŋ ɓù diɛŋ nyàŋ?”

Maafiù 21:43

Yèè wo Jisɛ̀ naŋ nyiŋ ɓɛìŋ woò wààŋ, “Weètii tɔ̀ miŋ woòiŋ kɛ̀, àŋ doiŋ nàŋ gè e Kànà Dayàa sìwè yèè aŋ niŋ kìɛ̀ŋ koɓɛ̀ anyùùŋ nyaŋ do nàŋ nyɛ̀nɛ̀ŋ e yèɛ wo Dayà manaŋ lɛ̀. [

Maafiù 3:12

Wò kuwa wɔŋ sɛmɛ̀ŋ fùùnyàŋ e kpàliuŋ nɛ̀ ko sìwè wèè wo fùàŋ e kpàliuŋ nɛ̀. Wò do nàŋ gbònògbònò e kpàli kɛnɛɛ̀ wo niŋ gbìàŋ ko kɛiŋ, kpeiŋ kɛ̀ wò hàmàŋ maŋ kpàli dɛɛ màŋ wò miŋ gbìàŋ ko hmɔ̀ɔ̀ŋ, yèè e hmɔ̀ɔ̀ŋ bi fè wa nàwèè nyime.”

Luù 20:16

Wò do nàŋ hnè wo jìwà anyuùŋ yɛ̀mɛ̀ ɓù diɛŋ nyiiŋ gbiŋ, e kìlà wo fè wɔŋ ɓù gbɛɛwɛ̀jɛ̀wɛ̀uŋ nɔɔ̀ŋ koɓɛ̀ anyuùŋ joo bà.” Nààŋ anyùùŋ nyaŋ naŋ tɛɛ̀ kòmò, àŋ naŋ woò nyààŋ, “Julɔfɔ tɛɛ̀ ɓɔ̀ è kaaìŋ.”

Nyɛ̀nɛ̀ŋ 15:7

Nààŋ àŋ naŋ niŋ kpaane kpàànè wèè e teenga mùnlaŋ bà, wo Pììlɛ naŋ sie yèè wò naŋ nyiŋ woò wààŋ, “Wùìyaim nyàŋ, nàŋ nyìmàŋ kɛ̀ wo Dayà naim wa tàeɗùù e teenga gɔu bà sùà wèè ka wòò Ebò Siaàŋ koɓɛ̀ anyùùŋ nyaŋ fè àŋ Juùù nyaŋ. Wo Dayà naŋ wa tɛɛ̀ nyɛ̀nɛ̀ŋ wèè aŋ kòmàŋ niŋ e kìlà aŋ kɛɛnɛ̀ŋ hààwe.

Nyɛ̀nɛ̀ŋ 18:6

Ko diemeì, anyùùŋ nyaŋ nauŋ gììyè maŋhɛɛ yèè àŋ nauŋ fè maŋ mìè ɓɛ̀ɛ̀pɔ̀ɔ. Kpeiŋ wo Pɔɔ̀ naŋ gbùmò e buunùuɛ̀ maŋ dèè kɔɔuŋ màŋ yèè wò naŋ nyiŋ tɔ̀ɔ̀ maŋ kùàŋ wò naŋ woò wààŋ, “Sìaìŋ nyɛ̀iŋ bi jii wèè e yèɛ gbiŋ doiŋ nàŋ kaaìŋ lɛ, e naàŋ nɔ̀ŋ è kpàŋ è kɔɔim è do nàŋ nɔ̀ŋ e kèì ɗì maŋ sɛ̀ìŋ nyɛ̀iŋ bi màŋ! Yèè niŋ naìm sìè jii. E yìwìà nàaŋ mìŋ do nàŋ nɔ̀ŋ gbùùyè ke mìè Dayàa koɓɛ̀ anyùùŋ nyaŋ fè àŋ Juùù nyaŋ.”

Nyɛ̀nɛ̀ŋ 28:28

Wo Pɔɔ̀ naŋ kpɛ̀ɛ̀yɛ̀ gbòa wààŋ, “Nyìmaìŋ kɛ̀ wo Dayà manaŋ wo jòèyè anyùùŋ nyaŋ fè àŋ Juùù nyaŋ! E kìlà àŋ do nàŋ jàà maŋ nùŋ dìì aŋ kumiàŋ tɛ̀ɛ̀.” [

Nyɛ̀nɛ̀ŋ 28:8

Wo kɛ̀ɛ̀ Pɔbilɔ̀ɔ hawa wa wɔŋ gbùmauŋ nɔɔ̀ŋ sùà wò yaà siinyɛŋ. Wò kuwa wa e sààŋ kɔɔ bìya yèè ko suàdèe, yèè wo Pɔɔ̀ naŋ kɔ̀ ko jaameuŋ. Wo kenàaŋ naŋ wa jòèyè nààŋ wo Pɔɔ̀ nauŋ wa gbùwò maŋ kùàŋ diɛŋ yèè wò nauŋ zòòlò diɛŋ.

1Tɛsè 2:16

Àŋ naŋ ngèè pɛɛ fɛ̀ɛ̀ wèè aŋ wi kìlìà kùàŋ feìŋ wèè e goiŋ nàŋ wòò ke miè gbìaàŋ kòɓɛ̀ ànyùùŋ nyaŋ fè àŋ Juùù nyaŋ, wèè aŋ yɛ̀mɛ̀ è jòèye. E ɗewe lɛɛ̀ sùà, àŋ hàì ko dìà maŋ jùumù nyiŋ màŋ gbiŋ àŋ naŋ wa dè nyɛ̀nɛŋ màŋ. Wèètii e nìmìlà Dayàa è nyiŋ dèyà diɛŋ.

Hiɓu 12:25

Yɛ̀mɛìŋ nyɛ̀iŋ bi diɛŋ yèè ɓɔ̀ nìŋ gè màŋhɛɛ wèè naŋ kòmàŋ kè mìè wò nyùnɔ̀ɔŋ gboo wɔ̀. Anyùùŋ nyaŋ naŋ wa gè maŋhɛɛ wèè aŋ kùmìàŋ ke mìè gbòà nɛɛmaàŋ e dììɛ diɛŋ wɔŋ Tòò Sanàa dìmɛ̀ nyaŋ, aŋ gò wa dùàŋ. Nìŋ naŋ gongò kɛ̀ nàŋ ɓɛ̀nɛ̀ŋ dùaŋ, sèè nìŋ gè maŋhɛɛ wèè naŋ jɔ̀ɔ̀lɔ̀ ke mìè gbòà nyùnɔ̀ɔŋ dìì, wò yèɔ naŋ gbòò e yìwìà ko àìjɛnɛ̀ŋ wɔ?

Hiɓu 2:3

Dièsɔa è naiŋ ɓɛ̀nɛ̀ŋ fòlà e kèì nyìngà Dayàa dìì sèè è gèìŋ maŋhɛɛ wèè eiŋ nyìmàŋ e ɗewe kii gbeeɛ̀ wò do nàŋ mɔ̀nɔ̀ŋ wèè wo wi joeyè lɛ? Wo Kanaà Jisɛ̀ wuŋ bi jiɛ̀ naŋ wòò e kèè e jòèye lɛɛ̀, yèè anyùùŋ nyaŋ naŋ wa kòmò ke miè gbìaàŋ nyaŋ, naŋ wi tɔɔ̀ janjai kɛ̀ è yaà wa e tɔ̀ɔ̀nyaàŋ.