Maafiù 21:39 - WƆŊ FƐ̀Ì EBÒ SÌÀŊ DAYÀA

³⁹ Kpeiŋ àŋ naŋ kùwò wo jɔ̀àfèlàà kɛ̀ɛ̀nɛ̀ŋ wɔŋ ɓù gbɛɛwɛ̀jɛ̀wɛ̀ɔ, yèè àŋ nauŋ gbìàŋ wɔŋ ɓùɔ jɛ̀wɛ̀ auŋ jìwà.”

Maafiù 21:39 ပူးပေါင်းရင်းမြစ်များ

Nyɛ̀nɛ̀ŋ 2:23

Wo Dayà wuŋ bi naŋ wa jàà esaɓù titi ɓula e kìlà wò naŋ kìlè wo Kanaà Jisɛ̀ ko nɛ̀ɛ̀iŋ niìŋ. Kpeiŋ nìŋ nauŋ kùwò yèè nìŋ nauŋ kìɛ̀ŋ koɓɛ̀ anyùùŋ maŋ tùwo naanààŋ wèè aŋ jiwìàuŋ wɔŋ vànèkpaaà diɛŋ.

Jìiiŋ 5:6

Nàŋ jèè e keì anyùùŋ, nàŋ jìwà anyuùŋ tɔ̀ɔ̀nyaàŋ, aŋ yè nyaŋ gòiŋ wa gàngà sìwè nyaŋ.

Nyɛ̀nɛ̀ŋ 7:52

Wo kèèlà Dayà bà gbiŋ wa hnàŋ wo yèɔ aŋ nèwàènɛweiŋ nyàŋ aŋ gò wa nimilà wɔ? Àŋ naŋ wa jìwè aŋ kèèlà Dayà nyaŋ naŋ wa wòò e kèè e hnàŋ wo Ɓɔ̀ìjɔ̀à Nɛɛmauŋ nɔɔ̀ŋ. Nìŋ nàuŋ maàŋ e kìlà nàuŋ jìwà.

Jɔ̀ɔŋ 18:12

Wo sìèfèìŋ aŋ kààlòòɗùà anyùùŋ Luùm nyaŋ yèè aŋ kààlòòɗùàuŋ nyàŋ, yèè aŋ ɓɔ̀ìjɔ̀à aŋ Juùù nyaŋ, naŋ kùwò wo Jisɛ̀ àŋ nauŋ dèkè.

Maafiù 26:57

Kpeiŋ anyùùŋ nyaŋ naŋ wa kùwò wo Jisɛ̀ nyaŋ nauŋ kɔ̀ɔ̀ ko gbòò Kaifɔ̀, wo Kànà Sìèfèìŋ Zòòlo Gbeeɔ̀, ko yèi aŋ kààmɔ̀ɔ̀ŋ maŋ Sàwà Dayà nyaŋ yèè aŋ màmànkùmɛ̀ŋ fuɔɔ̀ŋ, yaà wa dèènè sùà lɛ.

Nyɛ̀nɛ̀ŋ 5:30

Nìŋ naŋ wa jìwìè wo Jisɛ̀ wɔŋ vànèkpaa diɛŋ. Kɛɛ wo Dàyà aŋ nèwàènèwe wi nyàŋ nauŋ gè e fàaà dìì wɔŋ nyiiŋ gèeo sùà.

Nyɛ̀nɛ̀ŋ 4:10

tɔ̀ e woòiŋ, e kpùlìà nyɛ̀iŋ nààŋ nyùùŋ Ezɔ̀ɛ̀ nyaŋ gbiŋ kɛ̀, wo felaa wɛɛ̀ sìàìŋ yaà ko fɛɛ̀feìŋ wɔ naŋ nɔ̀ŋ jòèyauŋ janyai e gààŋ Jisɛ̀ Kulaìɛ sùà e yìwìà ko Naazɔ̀ɛ̀, wo yèɔ nìŋ naŋ wa jìwìè vànèkpaaà diɛŋ wɔ̀ yèè wo Dayà nauŋ gè e fàaà dìì wɔŋ nyiiŋ gèeo sùà.

Jɔ̀ɔŋ 18:24

Kpeiŋ wo Anàŋ nauŋ tùɔ̀ŋ koɓɛ̀ wo Kaifɔ̀i, wo Kànà Sìèfèìŋ Zòòlo Gbeeɔ̀.

Maafiù 26:50

Yèè wo Jisɛ̀ nauŋ woò wààŋ, “Dàwi miɔ̀ŋ, nyɛnɛ̀ŋ e nɛ̀ɛŋ mùŋ naŋ hnè ko nyinie lɛ̀ fiò.” Kpeiŋ anyùùŋ nyaŋ naŋ kùwò wo Jisɛ̀, auŋ kùwà kpaŋ.

Maafiù 21:38

Kɛɛ nààŋ anyuùŋ yɛ̀mɛ̀ ɓùɔ diɛŋ naŋ yɛ̀mɛ̀ wo jɔ̀àfelaauŋ nɔɔ̀ŋ, àŋ naŋ wòò nyiŋ bi e fèemàŋ nyààŋ, ‘Wo jɔ̀àfèlàà kenàaŋ wuŋ bi wɛɛ̀. Jìwà winùuŋ, kɛ̀ manɛ̀ɛ̀ŋ dààuŋ màŋ nɔ̀ŋ weè wi!’

Maafiù 21:40

Kpeiŋ wo Jisɛ̀ naŋ nyiŋ dawè wààŋ, “Sèè e keì kaaàŋ yɛi, kiìŋ wo kɛ̀ɛ̀nɛ̀ŋ wɔŋ ɓù gbɛɛwɛ̀jɛ̀wɛ̀ɔ do nàŋ nyìnìè anyuùŋ yɛ̀mɛ̀ wɔŋ ɓù diɛŋ nyàŋ?”