Maafiù 21:31 - WƆŊ FƐ̀Ì EBÒ SÌÀŊ DAYÀA

³¹ Kòòuŋ aŋ jɔ̀àfèlàà tìyèe nyɛɛ̀ŋ sùà naŋ nyɛ̀nɛ̀ŋ e yèɛ wo dèda nyiŋ nɔɔ̀ŋ manaŋ wa lɛ̀?” Yèè àŋ naŋ fàsàì wo Jisɛ̀ nyààŋ, “Wo jɔ̀àfelaa gbeeɔ̀.” Kpeiŋ wo Jisɛ̀ naŋ nyiŋ woò wààŋ, “Miŋ woòiŋ e tɔɔɓaaà, anyuùŋ kùwà nɛ̀ɛ̀nɛ̀ŋ fuɔɔ̀ŋ yaà aŋ jɔùŋ nyɛ̀nɛ̀ŋ ke yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nyàŋ kòò àŋ yaà kɔ̀ɔ̀yɛ̀ e Kànà Dayàa sùà ko fenìiŋ.

Maafiù 21:31 ပူးပေါင်းရင်းမြစ်များ

Maafiù 12:50

Wo nyùnɔ̀ɔŋ gbiŋ nyɛnɛŋ e yèɛ wo Dèda miɔ̀ŋ ko àìjɛnɛ̀ŋ manaŋ wèè wo nyɛ̀nɛ̀ŋ lɛ, wuŋ nàŋ yaà wo wùìya miɔ̀ŋ, wo jaa miɔ̀ŋ, yèè wo yèye miɔ̀ŋ.”

Maafiù 18:3

Wò naŋ nyiŋ woò wààŋ, “Tɔɔɓaa sèè mùŋ go kìlà maŋ nɔ̀ŋ mààŋ wò jɔ̀àkàiŋ, muŋ naàŋ wa nàwèè kɔ̀ è Kànà àìjɛnɛ̀ɛŋ sùà.

Maafiù 20:16

Kpeiŋ wo Jisɛ̀ naŋ nyiŋ woò ko diemeì wààŋ, “Weètii anyuùŋ dìàmaŋ nyàŋ nàŋ do nàŋ nɔ̀ŋ aŋ jiɛ̀jiɛ̀ nyaŋ, yèè anyuùŋ jiɛ̀jiɛ̀ nyaŋ nàŋ do nàŋ nɔ̀ŋ aŋ dìàmaŋ nyàŋ.”

Maafiù 21:30

Wo kenàaŋ naŋ ɓɛìŋ kɔ̀ koɓɛ̀ wo jɔ̀àfelaauŋ nɔɔ̀ŋ bàa yèè wò nauŋ wòò e kèì guùŋ nɛ. Wo ɓɔ̀jɔaà naŋ nyimèè yèè wò naŋ woò wààŋ, ‘Dàa kà nyimèè wèè kao ka,’ kɛɛ wo gòò wa ka.

Maafiù 5:18

Tɔɔɓaa kɛ̀ɛ̀nɛìŋ jii jàa kɛ̀, ko àìjɛnɛ̀ŋ yaà e ɗuunyaàŋ e wa nàwèè wɛ̀i ɓɛ̀nɛ̀ŋ hàì ko dìa. Kɛɛ e pɛɛ nɔ̀ŋ ke tomi jɔa yèè wɔŋ kɔmɔŋ miaŋ maŋ Sàwà maŋ sùà, ke naàŋ nɔ̀ŋ dao ge nyiŋ. E nɛ̀ɛŋ gbiŋ è yaà sìnga niŋ maŋ Sàwà maŋ sùà lɛ kuwa e hɛɛnɛ̀ŋ.

Maafiù 5:46

Wèè kiìŋ wo Dayà kiɛ̀ìŋ e jìwààjɛ̀wɛ̀ siaŋ sèè nìŋ mɔnɔŋ nɔŋ anyùùŋ nyaŋ mànàìŋ nyaŋ? Anyuùŋ kùwà nɛ̀ɛ̀nɛ̀ŋ fuɔŋ nyàŋ pɛɛ manaŋ aŋ dàwi nyiŋ nyàŋ.

Maafiù 6:5

“Sèè mùŋ nɔ̀ŋ zoolo, ɓɔ̀ mùŋ nɔ̀ŋ mààŋ ànyùùŋ fɛ̀ɛ̀ ɗòònààkeì nyaŋ! Àŋ manaŋ kèè nyiŋ bi tɔ̀ɔ maŋ sààŋ zòòlò aŋ Juùù nyaŋ dìì yèè maŋ dòmaŋ màŋ diɛŋ. Àŋ nyɛnɛŋ tɛɛ̀ wèè aŋ tɔɔ̀ kɛ̀ àŋ yaà tɛ̀ɛ̀ ko ɓài. Miŋ woòum e tɔɔɓaaà kɛ̀ sèè mùŋ nyɛnɛŋ tii, kɛ̀ màŋ kpɛ̀ɛ̀yɛ̀ e jìwààjɛ̀wɛ̀ mɔ̀ɛ̀ yɛ̀mɛ.

Maafiù 7:21

“Anyùùŋ nyaŋ gbiŋ nyààìm ‘Kanaà, Kanaà’ nyaŋ, nààŋ naàŋ kɔ̀ è Kànà àìjɛnɛ̀ɛŋ sùà, sɔɔ̀ nɔŋ aŋ yè nyaŋ do nàŋ nyɛ̀nɛ̀ŋ e yèɛ wo Dèda miɔ̀ŋ ko àìjɛnɛ̀ŋ manaŋ wèè aŋ nyɛ̀nɛ̀ŋ lɛ.

Maafiù 9:9

Nààŋ wo Jisɛ̀ naŋ wa yèwè koɓɛ̀ wii wò yaà kɔɔyɛ, wò naŋ yɛ̀mɛ̀ wo Maafiù, wo nyuùŋ kùwà nɛ̀ɛ̀nɛ̀ŋ fuɔɔ̀ŋ, wò jaa ko saaŋ kùwìà nɛ̀ɛ̀nɛ̀ŋ fuɔɔ̀ŋ. Wo Jisɛ̀ nauŋ woò wààŋ, “Dèim maŋjɛ̀wɛ.” Wo Maafiù naŋ yèwè dìì yèè wò nauŋ dè maŋjɛ̀wɛ.

Luù 15:10

Tɔ̀ miŋ woòiŋ, yɛi nɔŋ aŋ màìkà Dayà nyaŋ do nàŋ gè zɔlɔ̀ wèè wo nyùùŋ maŋ jùumù wò bà guùŋ wo yèɔ fè maŋ tùwo naanààuŋ màŋ jɛwɛ wɔ̀.”

Luù 19:22

Wo kanaà nauŋ woò wààŋ, ‘Mùŋ yaà wo ɓɔìjɔ̀à naanààŋ! Maŋ mìè nyààŋ muàŋ bi mɛɛ̀ŋ mìŋ doum nàŋ kìlìè e kiti diɛŋ! Màŋ nyìmàŋ kɛ̀ mìŋ ɓemàŋ e nɛ̀ɛŋ miŋ kanàŋ lɛ yèè mìŋ kpaa maŋ nɛ̀ŋje ɓù maŋ miŋ gò nyùàŋ maŋ.

Luù 7:29

Nààŋ anyùùŋ nyaŋ gbiŋ naŋ wa kùmìè e yèɛ wo Jisɛ̀ naŋ woò lɛ, e kpùlìà anyuùŋ kùwà nɛ̀ɛ̀nɛ̀ŋ fuɔɔ̀ŋ pɛɛ aŋ yè nyaŋ anyuùŋ zimgbe naŋ wa nììngè fɛ̀ɛ̀ nyaŋ, naŋ nyimèè wèè aŋ jɔ̀ɔ̀lɔ̀ ke dòmàŋ tɔ̀ɔ̀nyààŋ Dayàa dìì, nààŋ àŋ naŋ wa nyimèè wèè wo Jɔ̀ɔŋ wo nyiŋ gùà.

Jɔ̀ɔŋ 3:3

Wo Jisɛ̀ naŋ fasàì yèè wò nauŋ woò wààŋ, “Mìŋ yààùm wòò sùà e tɔɔɓaaà kɛ̀ sɔɔ̀ nɔŋ wò nyùùŋ wo ɓɛìŋ nɔ̀ŋ e kòmauŋ jɛ̀ì paŋgàà wò nɔ̀ŋ wo bàuŋbà e Kànà Dayàa sùà.”

Jɔ̀ɔŋ 3:5

Wo Jisɛ̀ naŋ fasaì wààŋ, “Miŋ woòum e tɔɔɓaaà kɛ̀, wo nyùùŋ gbiŋ fè ɓɛ̀nɛ̀ŋ nɔ̀ŋ wò bàuŋbà è Kànà Dayàa sùà sèè wo gò nɔ̀ŋ kòmauŋ e yìwìà è wùìyè yaà wo Jìnàŋ wo Kanaà Dayà.

Nyɛ̀nɛ̀ŋ 17:30

E teenga gɔuɛ̀ sùà, wo Dayà naŋ wa jùùyè anyùùŋ nyaŋ gbiŋ hakɛ̀ wèè tɛɛ̀, esaɓù kɛ̀ aŋ nyimààŋ wa kɛ̀ kiìŋ àŋ yaà wa nyinie. Kɛɛ wò naŋ naàŋ woò sààmɛ kɛ̀ wo nyùùŋ gbiŋ yèè koɓɛ̀ gbiŋ aŋ dangè maŋ tùwo naanààŋ nyiŋ màŋ yèè aŋ kìlà ko nɛ̀ɛ̀uŋ niìŋ.

Luùm 3:19

Èiŋ naàŋ nyìmàŋ kɛ̀ maŋ keì maŋ gbiŋ maŋ Sàwà Dayà maŋ sùà, naŋ wa nɔ̀ŋ sìnga miŋ wèè anyùùŋ nyaŋ yaà e gaàŋ miŋ nɛ̀ dìì nyaŋ, wèè wo nyùùŋ gbiŋ wo go nàŋ kìɛ̀ŋ ke kàfaì, yèè e nyɛ̀nɛ̀ŋ anyùùŋ nyaŋ gbiŋ e ɗuunyaàŋ aŋ nɔ̀ŋ e gbàì Dayàa dìì.

Luùm 5:20

Ke Sàwà Dayàa naŋ nɔ̀ŋ bàne nyiŋ wèè kɛ̀, eiŋ nyìmàŋ e gààŋ maŋ jùumù maŋ anyùùŋ àŋ nyɛnɛŋ màŋ. Kpeiŋ koɓɛ̀i maŋ kèì jùumù naŋ gàŋ lɛ, kuŋ wo Dayà tooyà e gààŋ tɛ̀ɛ̀tɛ̀ɛ̀uŋ nɛ̀.

2Pììlɛ 3:9

Wo Kanaà fè dɔɔnɔ̀ŋ wèè wo nyɛ̀nɛ̀ŋ è nɛ̀ɛŋ wò naŋ ɓèmè ɗààhiì wèè wo nyɛ̀nɛ̀ŋ lɛ, màànààŋ ànyùuŋ bà gongà lɛ. Kɛɛ wò kuwo jii weèiŋ esaɓù kɛ̀ wo manàŋ wèè wò nyùùŋ gbiŋ fà. Kɛɛ wò manaŋ nyùùŋ gbiŋ fè maŋ tùwo naanààuŋ màŋ jɛwɛ.