Maafiù 21:27 - WƆŊ FƐ̀Ì EBÒ SÌÀŊ DAYÀA

²⁷ Weètii àŋ naŋ fìlè wɔŋ mààŋdàwèɔ yèè àŋ naŋ wòò wo Jisɛ̀ nyààŋ, “E nyimààŋ.” Yèè wo Jisɛ̀ naŋ nyiŋ woò wààŋ, “Kɛ̀ miàŋ pɛɛ, miŋ naìŋ tɔɔ̀ kɛ̀ kòò mìŋ gè è gààaŋ mìŋ nyɛnɛŋ maŋ keì mɛɛ̀ŋ.”

Maafiù 21:27 ပူးပေါင်းရင်းမြစ်များ

Maafiù 15:14

Ɓɔ̀ nìŋ gongò è kii nyiŋ! Àŋ yaà aŋ ɓɛ̀màŋɗì zììlè le fɛ̀ɛ̀ wèè anyuùŋ zììlè le fɛ̀ɛ̀ nyaŋ. Yèè sèè wo nyuùŋ zììlè le fɛ̀ɛ̀ wo sìè wo dàwiuŋ nɔɔ̀ŋ feìŋ wèè wouŋ koà, nyiŋ tìyèe àŋ do nàŋ sɛ̀ɛ̀ ko golo.”

Maafiù 16:3

Kɛɛ sèè e nììɛsie maŋ nyiìŋ tɛ̀tɛ̀ nìŋ yɛmɛ̀ ke nyiliɛ̀ kè wɛnɛŋ yèè kò naŋ kùwò, nìŋ woà nààŋ, ‘Maŋ gɔ̀à maŋ yaà hinie maŋ sɔ̀à.’ Nàŋ nyìmàŋ kɛ̀ kiìŋ nàŋ do nàŋ kaaìŋ yèè naŋ niŋ woò sèè nìŋ yɛmɛ̀ ke nyiliɛ̀ ko fùùiŋ, kɛɛ niŋ nyimààŋ màŋ tɔ̀ɔ̀màŋsèì keì maŋ yaà nàaŋ kaaiŋ màŋ è teenga lɛɛ̀ sùà.

Maafiù 21:26

Kɛɛ sèè zà eiŋ ɓɛìŋ woò wìàà, ‘Wo nyuùŋkpùuŋ sìwè,’ e jùù è yàwì wèè e yèɛ anyùùŋ nyaŋ do wi nàŋ nyɛ̀nɛ̀ŋ lɛ, esaɓù kɛ̀ anyùùŋ nyaŋ gbiŋ wa nyìmàŋ kɛ̀ wo Jɔ̀ɔŋ yaà wa wo kèèlà Dayà.”

Maafiù 21:28

Wo Jisɛ̀ naŋ nyiŋ ɓɛìŋ woò wààŋ, “Tɔ̀ miŋ woòiŋ ke kàɓànè wo kenàŋ bà wo yèɔ kuwa wa aŋ jɔ̀àfèlàà tìyèe. Wo kenàaŋ naŋ kɔ̀ yèè wò naŋ wòò wo jɔ̀àfelaa gbeeuŋ nɔɔ̀ŋ wààŋ, ‘Jɔ̀à miɔ̀ŋ, kɔ̀à muŋ tomo nàaŋ ko ɓù gbɛɛwɛ̀jɛ̀wɛ̀ɔ.’

Jɔ̀ɔŋ 9:30

Wo felaaà naŋ fasàì wààŋ, “E kèì sai lɛɛ̀! Wo Jisɛ̀ naŋ nyɛ̀nɛ̀ŋ le fɛɛ̀ mɛ̀ naŋ gbaì yèè mìŋ yɛmɛ̀ naàŋ dìì, yɛi nɔŋ zà è yaà, kpeiŋ nààŋ niŋ nyimààŋ kɛ̀ kòò wò yewe.

Luùm 1:28

Nààŋ anyùùŋ nyɛɛ̀ŋ naŋ gè maŋhɛɛ wèè aŋ ngèè pɛɛ gòngò e kèè Dayàa, wò dangà wèè maŋ jìì kòmàŋ kàaɓì nyiŋ màŋ maŋ nyiŋ toomò. Weètii àŋ nyɛnɛŋ maŋ keì sàngè maŋ yè maŋ gò tɛɛwɛ̀ wèè aŋ nyɛ̀nɛ̀ŋ maŋ.

2 Kɔliìŋ 4:3

Sèè ke mìè gbìàŋ Ebò Siaàŋ è woàìŋ yɛ ke nɔ̀ŋ nyɛ̀ɛ̀nɛŋ nyiŋ, kɛ̀ kè yaà nɔŋ e nyɛ̀ɛ̀nɛŋ nyiŋ wèè anyùùŋ nyaŋ naŋ go nyàŋ.