Maafiù 21:26 - WƆŊ FƐ̀Ì EBÒ SÌÀŊ DAYÀA

²⁶ Kɛɛ sèè zà eiŋ ɓɛìŋ woò wìàà, ‘Wo nyuùŋkpùuŋ sìwè,’ e jùù è yàwì wèè e yèɛ anyùùŋ nyaŋ do wi nàŋ nyɛ̀nɛ̀ŋ lɛ, esaɓù kɛ̀ anyùùŋ nyaŋ gbiŋ wa nyìmàŋ kɛ̀ wo Jɔ̀ɔŋ yaà wa wo kèèlà Dayà.”

Maafiù 21:26 ပူးပေါင်းရင်းမြစ်များ

Maafiù 11:9

Wòo nìim, kiìŋ nìŋ naŋ wa kaikpɔ kɔ̀ wèè naŋ yɛmɛ? Wo wɛ̀ijì? Tɔɔɓaa wo wɛ̀ijì wo wa. Kɛɛ tɔ̀ miŋ woòiŋ kɛ̀ wò naŋ wa nìè wo wɛ̀ijì.

Maafiù 14:5

Wo Hɛɛlɔ̀ manaŋ wa wo jìwà wo Jɔ̀ɔŋ, kɛɛ wò duɔŋ wa aŋ Juùù nyaŋ, esaɓù kɛ̀ anyùùŋ nyaŋ naŋ wa ɓèmè wo Jɔ̀ɔŋ wèè wo nɔ̀ŋ wo wɛ̀ijì.

Maafiù 21:11

Anyùùŋ nyaŋ e faaàŋ sùà naŋ fasàì nyààŋ, “Wo Jisɛ̀ wɛɛ̀, wo wɛ̀ijìɔ e yìwìà ko Naazɔ̀ɛ̀ wɔŋ fùɔ̀ŋ Galaliìɔ.”

Maafiù 21:25

Kòò wo Jɔ̀ɔŋ gè wa e gààaŋ wò guo anyùùŋ nyaŋ? Wo Dayà sìwè e yìwìà ko àìjɛnɛ̀ŋ ɔ̀ɔ̀ anyuùŋ kpùuŋ sìwè?” Àŋ naŋ tɔ̀ɔ̀tù kpàànè kpaane nyiŋ wouwòù e fèemàŋ nyààŋ, “Kiìŋ è naiŋ ɓɛ̀nɛ̀ŋ wòo? Sèè e woò wìàà, ‘Wo Dayà sìwè,’ wo do wi nàŋ dawè, ‘Kɛ̀ wèè kiìŋ niŋ gò wa hààwè wò Jɔ̀ɔŋ?’

Maafiù 21:27

Weètii àŋ naŋ fìlè wɔŋ mààŋdàwèɔ yèè àŋ naŋ wòò wo Jisɛ̀ nyààŋ, “E nyimààŋ.” Yèè wo Jisɛ̀ naŋ nyiŋ woò wààŋ, “Kɛ̀ miàŋ pɛɛ, miŋ naìŋ tɔɔ̀ kɛ̀ kòò mìŋ gè è gààaŋ mìŋ nyɛnɛŋ maŋ keì mɛɛ̀ŋ.”

Maafiù 21:46

Yèè àŋ naŋ kàmè ɗewe wèè aŋ kùwà wo Jisɛ̀, kɛɛ àŋ duɔŋ wa e faaàŋ, esaɓù kɛ̀ anyùùŋ nyaŋ naŋ wa gongò kɛ̀ wò yaà wo wɛ̀ijì.

Luù 20:19

Aŋ kààmɔ̀ɔ̀ŋ maŋ Sàwà Dayà nyaŋ yaà aŋ kànà sìèfèìŋ zòòlo nyàŋ, naŋ kàmè ɗewe wèè aŋ kùwà wo Jisɛ̀ ko fɛɛ̀feìŋ, esaɓù àŋ wa nyìmàŋ kɛ̀ ke kàɓanèɛ wò naŋ gè lɛ, kɛ̀ nyiiŋ wò sɔ̀à. Kɛɛ àŋ duɔŋ wa e faaàŋ.

Luù 20:6

Kɛɛ sèè zà eiŋ ɓɛìŋ woò wìàà, ‘Wo nyuùŋkpùuŋ sìwè,’ anyùùŋ nyɛɛ̀ŋ gbiŋ do wi nàŋ hɔ̀wɔ̀, esaɓù kɛ̀ anyùùŋ nyaŋ gbiŋ wa haawè kɛ̀ wo Jɔ̀ɔŋ yaà wa wo wɛ̀ijì.”

Luù 22:2

Aŋ kànà sìèfèìŋ zòòlo nyàŋ yèè aŋ kààmɔ̀ɔ̀ŋ maŋ Sàwà Dayà nyaŋ yaà wa kààmè e ɗewe wèè aŋ kùwà wo Jisɛ̀ wèè aŋ jìwàuŋ ke gbùnu sùà, esaɓù kɛ̀ àŋ duɔŋ wa anyùùŋ nyaŋ.

Jɔ̀ɔŋ 5:35

Wo Jɔ̀ɔŋ yaà wa mààŋ e laumpò e yèɛ kiɛ̀ŋ e gbolòùŋ gbee, maŋ jiiiŋ màŋ naŋ wa fɔ̀ yèè nìŋ naŋ niŋ wa jikà wèè e teenga bà.

Jɔ̀ɔŋ 9:22

Anyùùŋ kòmàŋ felaaà naŋ yɛi wa gbòò esaɓù kɛ̀ àŋ duɔŋ wa anyùùŋ gbèègbèè aŋ Juùù nyaŋ. Anyuùŋ gbeegbèè nyaŋ wa naàŋ nyimèè tɛ kɛ̀ àŋ do wa nàŋ gè wo nyùùŋ gbiŋ ke sààŋ zòòlò aŋ Juùù nyaŋ dìì sèè wo woò wààŋ wo Jisɛ̀ nàŋ yaà wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ wɔ.

Nyɛ̀nɛ̀ŋ 5:26

Kpeiŋ wo sìèfèìŋ anyuùŋ tùnìàŋ ke Saaŋ Zòòloɛ̀ yaà aŋ kpàkòòuŋ nyàŋ naŋ kɔ̀ yèè àŋ naŋ hìɛ̀ŋ aŋ keela tàeɗùù nyaŋ koɓɛ̀ anyùùŋ gbèègbèè fuɔɔ̀ŋ. Kɛɛ aŋ gò wa ɓùlà aŋ keela nyàŋ, esaɓù kɛ̀ e jùùɛ yaà nyiìŋ wa wèè anyùùŋ nyaŋ go nyiŋ wa nàŋ hɔ̀wɔ̀ nyinoo nyuùŋ tùnìàŋ Saaŋ Zòòloɛ̀.