Maafiù 21:17 - WƆŊ FƐ̀Ì EBÒ SÌÀŊ DAYÀA

¹⁷ Kpeiŋ wo Jisɛ̀ naŋ nyiŋ jòò yèè wò naŋ fòlò ko jawa gbeeì wo kà Bɛfenè, ko yèi wò naŋ jàwè wɔŋ dùùm wiiŋ.

Maafiù 21:17 ပူးပေါင်းရင်းမြစ်များ

Maafiù 16:4

Wèè kiìŋ anyùùŋ maŋ jùumù gò kɛ̀ɛ̀nɛ̀ŋ hààwe nyɛ̀nɛ̀ŋ hmɔŋtu nyɛɛ̀ŋ wɔŋ niìsìa wɛɛ̀ŋ sùà àŋ dawà wèè e tɔ̀ɔ̀mànsèì e kèè mèè? Kpele! E tɔ̀ɔ̀màŋsèì kèè mèèɛ nɔŋ mìŋ naiŋ ɓɛ̀nɛ̀ŋ kìɛŋ lɛ̀ nàŋ yaà e yèɛ naŋ wa kààìŋ wo Joonàŋ lɛ.” Yèè wo Jisɛ̀ naŋ nyiŋ jòò wò naŋ kɔ̀.

Maafiù 26:6

Wo Jisɛ̀ yaà wa ko Bɛfenè ko gbòò Saimɔ̀ŋ, wo kenàŋ bà wo yèɔ kuwa wa weè e sààŋ maŋkùnù wɔ.

Luù 10:38

Nààŋ wo Jisɛ̀ yaà anyùùŋ màŋjɛ̀wɛ̀uŋ yaà wa kɔɔyɛ, àŋ naŋ hàì ko vàa bà ko yèi wo nìe bà àŋ nyaaŋ wo Mààta wɔ̀, wò naŋ ɓèè wo Jisɛ̀ yèè wò nauŋ kɔ̀ɔ̀ ko gboouŋ noo.

Luù 19:29

Nààŋ wò yaà wa gbɛ̀ɛ̀ sùà maŋ jawa mɛɛ̀ŋ, ko Bɛfejì yaà ko Bɛfenè, àŋ naŋ hnè koɓɛ̀ wɔŋ tolòɔ àŋ nyaaŋ nyààŋ wɔŋ tòò maŋ Ɔlè Kùùɔ, wo Jisɛ̀ naŋ wa tùɔ̀ŋ anyùùŋ màŋjɛ̀wɛ̀uŋ nyàŋ àŋ tìyèe ko feìŋ.

Luù 24:50

Kpeiŋ wo Jisɛ̀ naŋ gè anyùùŋ màŋjɛ̀wɛ̀uŋ nyàŋ ko jawa gbeeì yèè wò naŋ nyiŋ kɔ̀ɔ̀ ko Bɛfenè. Wò naŋ jòòwò maŋ kuàuŋ màŋ fùùŋ wò naŋ nyiŋ gbìɛ̀ŋ e zòòlo maŋjɛ̀wɛ.

Jɔ̀ɔŋ 11:1

Wo felaa bà yaào wa àŋ nyaaŋ wo Lazɔlɔ̀, kɛɛ wò yaà wa siinyɛŋ ko jawauŋ niìŋ àŋ nyaaŋ ko Bɛfenè lɛ. Wo Lazɔlɔ̀ kuwa wa aŋ jàà nyùùŋ tìyèe, wo Mèèle yèè wo Mààta. Nyiŋ pɛɛ hewa jòò ko jawa bi.

Jɔ̀ɔŋ 11:18

Ko Bɛfenè gò wa diidìì e yìwìà kò Jùlusɛ̀làm,