Maafiù 20:6 - WƆŊ FƐ̀Ì EBÒ SÌÀŊ DAYÀA

⁶ Ko diemeì, wo kenàaŋ naŋ ɓɛìŋ kɔ̀ e bòliɛ̀ sùà e tèèngà e gɔɛɛ gbòà nɔɔnɔɛ̀ŋ e koya gɔɛɛ. Wò nao ɓɛìŋ mɛ̀ɛ̀ŋ anyuùŋ jɛ̀kɛ bà àŋ siao. Yèè wò naŋ nyiŋ dawè wààŋ, ‘Wèè kiìŋ nìŋ sia kià foo niŋ fè nyìnìè è nɛ̀ŋ gbiŋ?’

Maafiù 20:6 ပူးပေါင်းရင်းမြစ်များ

Maafiù 20:5

Yèè àŋ nao kɔ̀. Wo kenàaŋ naŋ ɓɛìŋ kɔ̀ e bòliɛ̀ sùà e gɔɛɛ gbòà zììyà jɛ̀wɛ̀ tìyèeɛ̀, yèè wò naŋ ɓɛìŋ kɔ̀ e gɔɛɛ gbòà taaà diɛŋ e koya gɔɛɛ. Wò naŋ ɓɛìŋ yɛ̀mɛ̀ anyùùŋ àŋ siao foo yèè wò naŋ nyiŋ ɓɛìŋ wòò e kèì guùŋ nɛ.

Maafiù 20:7

Yèè anyùùŋ nyaŋ naŋ wòò wo kenàaŋ nyààŋ, ‘È sìàìŋ kià foo esaɓù kɛ̀ wo nyùùŋ gbiŋ kòò wò kìɛ̀ŋ wì è tòmo.’ Yèè wò naŋ nyiŋ woò wààŋ kɛ̀, ‘Kɔ̀àaìŋ niŋ tomo ko ɓù gbɛɛwɛ̀jɛ̀wɛ̀ miìŋ.’

Maafiù 20:9

Àŋ naŋ wa pààwà anyùùŋ nyaŋ naŋ wa tɔ̀ɔ̀tù tòmo e gɔɛɛ gbòà è nɔɔnɔɛ̀ŋ nyaŋ ke kaiŋ fua nɛɛnɛŋ wèè wo nyùùŋ guùŋ gbiŋ.

Jɔ̀ɔŋ 9:4

Nààŋ è yɛmɛ̀ìŋ wɔŋ niìsìaà lɛ, è kuwa eiŋ nyɛ̀nɛ̀ŋ e yèɛ wo nyùnɔ̀ɔŋ naim tùɔ̀ŋ wɔ manaŋ wèè ka nyɛ̀nɛ̀ŋ lɛ. Wo nyùùŋ gbiŋ fè ɓɛ̀nɛ̀ŋ tòmo sèè e dùùm kuwo.

Nyɛ̀nɛ̀ŋ 17:21

Eɓìèmàŋjɛ̀wɛ̀ e keì ɗewe gbiŋ, aŋ jɔ̀à kùmìàŋ ko Atɛ̀ìŋ nyaŋ yèè aŋ nyùùnèènyɛiŋ nyàŋ joào nyàŋ manaŋ e keì jɛ̀ì kòmaŋ yèè aŋ wòò kii niŋ.

Hiɓu 6:12

E manàŋ wèè naŋ nɔ̀ŋ ànyuùŋ jɛ̀kɛ, kɛɛ nɔ̀iŋ mààŋ aŋ yè nyaŋ kuwa hààwe e kìlà àŋ kuwa maŋ jii tɔumtɔ̀ùm e jèèsùà wo Dayà woiŋ kìɛ̀ŋ e yèɛ wò naŋ ɓèmè ɗààhiì wèè woiŋ kiɛ̀ŋ lɛ.