Maafiù 20:5 - WƆŊ FƐ̀Ì EBÒ SÌÀŊ DAYÀA

⁵ Yèè àŋ nao kɔ̀. Wo kenàaŋ naŋ ɓɛìŋ kɔ̀ e bòliɛ̀ sùà e gɔɛɛ gbòà zììyà jɛ̀wɛ̀ tìyèeɛ̀, yèè wò naŋ ɓɛìŋ kɔ̀ e gɔɛɛ gbòà taaà diɛŋ e koya gɔɛɛ. Wò naŋ ɓɛìŋ yɛ̀mɛ̀ anyùùŋ àŋ siao foo yèè wò naŋ nyiŋ ɓɛìŋ wòò e kèì guùŋ nɛ.

Maafiù 20:5 ပူးပေါင်းရင်းမြစ်များ

Maafiù 20:4

Yèè wò naŋ nyiŋ woò wààŋ, ‘Nyɛ̀iŋ pɛɛ kɔ̀àaìŋ niŋ tomo ko ɓù gbɛɛwɛ̀jɛ̀wɛ̀i miìŋ, yèè mìŋ doiŋ nàŋ kìɛ̀ŋ e yèɛ naiŋ sɔ̀ dèè lɛ e tɔ̀ɔ̀nyaàŋ sùà.’

Maafiù 20:6

Ko diemeì, wo kenàaŋ naŋ ɓɛìŋ kɔ̀ e bòliɛ̀ sùà e tèèngà e gɔɛɛ gbòà nɔɔnɔɛ̀ŋ e koya gɔɛɛ. Wò nao ɓɛìŋ mɛ̀ɛ̀ŋ anyuùŋ jɛ̀kɛ bà àŋ siao. Yèè wò naŋ nyiŋ dawè wààŋ, ‘Wèè kiìŋ nìŋ sia kià foo niŋ fè nyìnìè è nɛ̀ŋ gbiŋ?’

Maafiù 27:45

E gɔɛɛ hàì ɗìò tɛɛ, e dììɛ wɔŋ fuɔɔ̀ŋ gbiŋ naŋ wa kùwò nyìwì. Ke nyìwìɛ nao wa nɔ̀ŋ wèè e hààwà taai.

Jɔ̀ɔŋ 1:39

Wo Jisɛ̀ naŋ nyiŋ fasàì wààŋ, “Hnaìŋ niŋ yɛmɛ̀ kɛ̀ kòò mìŋ joà!” Aŋ nauŋ dè maŋjɛ̀wɛ yèè àŋ naŋ kɔ̀ aŋ yɛ̀mɛ̀ koɓɛ̀i wò joà lɛ. Kɛɛ nààŋ e gɔɛɛ̀ yaà wa naàŋ jùàsùà fùùŋ, àŋ naŋ jàwè wo Jisɛ̀ le gòlò ke ɗɔɔ yii.

Jɔ̀ɔŋ 11:9

Yèè wo Jisɛ̀ naŋ nyiŋ fasàì wààŋ, “Sɔ̀ɔ̀ è kùwàìŋ è hààwà zììyà jɛ̀wɛ̀ tìyèe kè ɗɔɔ gbiŋ sùà? Sèè mùŋ kaaìŋ maŋ gɔɛɛ, mùŋ do nàŋ kààìŋ e gbòlòùŋ e gɔɛɛ mɛ̀ɛɛ̀ŋ e ɗuunyaŋ lɛɛ̀, yèè mùŋ do nàŋ yɛ̀mɛ̀ dìì e kìlà muŋ naàŋ duonò.

Jɔ̀ɔŋ 4:6

Wɔŋ gòòmàmàì Jègɔɔ̀ kòò wɔ̀ŋ yaà wa nɔŋ koɓɛ̀ bi, yèè nààŋ wo Jisɛ̀ naŋ wa naàŋ kaaìŋ yèè wò naŋ yɔkpɔ̀, wò naŋ wuŋ haì yèè wò naŋ wuŋ jɛ̀ì kɔɔ wèè wo gè nyiiŋ. È yaà wa e tèèngà e gɔɛɛ hàì ɗìò tɛɛ nààŋ wò nao wa haì.

Nyɛ̀nɛ̀ŋ 10:3

Ke ɗɔ̀ɔ̀ guùŋ bà e gɔɛɛ gbòà taaà e koya gɔɛɛ, wo Kɔ̀nilìɔ̀ naŋ gò e gɔa, yèè wò naŋ yɛ̀mɛ̀ wo màìkà Dayà wò naŋ hnè ko nɛ̀ɛ̀uŋ niìŋ wò nauŋ woò wààŋ, “Kɔ̀nilìɔ̀!”

Nyɛ̀nɛ̀ŋ 10:9

Wɔŋ niìsìaà bàa, nààŋ anyùùŋ nyɛɛ̀ŋ yaà wa dòmaŋ àŋ yaà hinie yèè àŋ naŋ gbɛ̀ɛ̀ ko Jɔpà, wo Pììlɛ naŋ jòwò ke saaàŋ dìmɛ̀ e gɔɛɛ gɛ̀ɛ̀ ɗìò tɛɛɛ̀ wèè wo zoolò.

Nyɛ̀nɛ̀ŋ 3:1

Ke ɗɔ̀ɔ̀ guùŋ wo Pììlɛ yaà wo Jɔ̀ɔŋ naŋ kɔ̀ ko Saaŋ Zòòlò Dayài e tèèngà zòòloɛ̀ e gɔ̀ɛ̀ɛ̀ gbòà è taaà diɛŋ, e gɔɛɛ kìla.