Maafiù 20:34 - WƆŊ FƐ̀Ì EBÒ SÌÀŊ DAYÀA

³⁴ Wo Jisɛ̀ naŋ nyiŋ wa yɛ̀mɛ̀ ke nyowo, yèè wò naŋ mɛ̀nlɛ̀ɛ̀ŋ le fɛɛ̀ nyiŋ nɛ̀. Yèè ko fɛɛ̀feìŋ àŋ naŋ yɛ̀mɛ̀ dìì, yèè àŋ naŋ dè wo Jisɛ̀ maŋjɛ̀wɛ.

Maafiù 20:34 ပူးပေါင်းရင်းမြစ်များ

Maafiù 14:14

Nààŋ wo Jisɛ̀ naŋ wa fòlò wɔŋ gɔɔ̀ sùà wò naŋ dè, wò naŋ mɛ̀ɛ̀ŋ e faaŋ gbee lɛɛ̀ sia koɓɛ̀i, ke nyowoɛ̀ nauŋ nyɛ̀nɛ̀ŋ weè nyiŋ, yèè wò naŋ sùngò anyuùŋ sàaŋ nyiŋ nyàŋ.

Maafiù 15:32

Wo Jisɛ̀ naŋ nyààŋ anyùùŋ màŋjɛ̀wɛ̀uŋ nyàŋ ko nɛ̀ɛ̀uŋ niìŋ yèè wò naŋ nyiŋ woò wààŋ, “Ke nyòwò anyùùŋ nyɛɛ̀ŋ yààìm nyinie esaɓù, àim naàŋ nɔ̀ŋ maŋjɛ̀wɛ wèè e gɔ̀ɛ̀ɛ̀ taai yèè aŋ kuwà è nɛ̀ŋje wèè aŋ jè. Miŋ manàŋ wèè ka nyiŋ dangè aŋ kòà èjìè màŋ gboo nyiŋ màŋ sùà, àŋ wɛ̀i ɓɛ̀nɛ̀ŋ fèngee ke dòmaàŋ diɛŋ sèè àŋ nɔ̀ŋ kɔɔyɛ.”

Maafiù 20:33

Anyuùŋ zììlè le fɛ̀ɛ̀ nyaŋ naŋ fasàì nyààŋ, “Kanaà, è manaŋ maŋ yìlè le fɛɛ̀ wilɛ̀ wèè e yɛmɛ̀ dìì.”

Maafiù 21:1

Nààŋ wo Jisɛ̀ yèè anyùùŋ màŋjɛ̀wɛ̀uŋ nyàŋ yaà wa gbɛ̀ɛ sùà ko Jùlusɛ̀làm, e gbɛ̀ɛ̀ ko jawaì àŋ nyaaŋ nyààŋ Bɛfejì, àŋ naŋ hnè koɓɛ̀ wɔŋ tòò maŋ Ɔlè Kùùɔ, kpeiŋ wo Jisɛ̀ naŋ tùɔ̀ŋ anyùùŋ màŋjɛ̀wɛ̀uŋ nyàŋ àŋ tìyèe ko feìŋ.

Maafiù 8:15

Wò naŋ kɔ̀ ko nɛ̀ɛ̀uŋ niìŋ, wò nauŋ mɛ̀nlɛ̀ɛ̀ŋ kùàŋ, yèè e kɔɔ bìaà naŋ jùò wo nìeɔ̀ kɔɔ sùà, kpeiŋ wò naŋ yèwè dìì wo kìɛ̀ŋ wo Jisɛ̀ e nɛ̀ŋje.

Maafiù 9:29

Kpeiŋ wo Jisɛ̀ naŋ nyiŋ mɛ̀nlɛ̀ɛ̀ŋ le fɛ̀ɛ̀ yèè wò naŋ woò wààŋ, “Kɛ̀ tɔ̀ e hɛɛnɛ̀ŋ màànààŋ nɔŋ nìŋ naŋ haawè lɛ!”

Maafiù 9:36

Nààŋ wo Jisɛ̀ naŋ wa yɛ̀mɛ̀ e faaàŋ, ke nyowo naŋ sɛ̀ɛ̀ ke jiiuŋ nɛɛ̀ŋ sùà weè nyiŋ, esaɓù kɛ̀ e jiikɛ̀ɛ nyiŋ nɛ̀ naŋ wa gɔ̀àgɔ̀à sùà, yèè e zɔ̀kpɔ̀ naŋ sɛ̀ɛ̀ e kɔɔ nyiŋ nɛ̀ sùa, mààŋ aŋ ɓaawaa gò kùwìè wò nyuùŋ yɛ̀mɛ̀ diɛŋ nyiŋ.

Luù 18:43

Ko fɛɛ̀feìŋ wo felaaà naŋ yɛ̀mɛ̀ dìì, yèè wò naŋ dè wo Jisɛ̀ maŋjɛ̀wɛ, wò yaà gììyè wo Dayà sɛ̀. Nààŋ anyùùŋ nyaŋ naŋ wa yɛ̀mɛ̀ e nɛ̀ɛŋ naŋ kaaìŋ lɛ, aŋ gbiŋ naŋ tɛ̀nɛ̀ŋ gè Dayà.

Luù 22:51

Kɛɛ wo Jisɛ̀ naŋ woò wààŋ, “E dìà yɛi!” Yèè wò naŋ mɛ̀lɛ̀ɛ̀ŋ ke nùŋ felaaà wouŋ sùngà.

Luù 7:13

Nààŋ wo Kanaà Jisɛ̀ nauŋ wa yɛmɛ̀, ke nyowo nauŋ nyɛ̀nɛ̀ŋ yèè wò naŋ wòò wo nìeɔ̀ wààŋ, “Ɓɔ̀ mùŋ gòlà.”

Nyɛ̀nɛ̀ŋ 26:18

Mìŋ manaŋ maŋ yìlè le fɛɛ̀ nyiŋ nɛ̀, wèè kɛ̀ aŋ yèwà ke nyìwìɛ sùà aŋ ka koɓɛ̀ e gbolòùŋ lɛ, e kìlà maŋ nyiŋ gè e gààŋ Sɛ̀tanàaŋ dìì aŋ kìlà anyùùŋ nɛɛmaŋ koɓɛ̀ Dayài. Kpeiŋ kɛ̀ maŋ jùumù nyiŋ màŋ nɔ̀ŋ hakɛ̀ jùùya miŋ, yèè sèè àŋ kɛɛnɛ̀ìm e hààwe sùà àŋ do nàŋ nɔ̀ŋ aŋ bà nyiŋ bà anyùùŋ nɛ̀ɛ̀màŋ Dayà nyaŋ tɛɛ.’ ”

Hiɓu 2:17

Tɛɛ̀ naŋ tɔɔ̀ kɛ̀ wò kuwa wa wo nɔ̀ŋ mààŋ aŋ wùìyauŋ nyàŋ e ɗèwè kìì guùŋ nɛ àŋ yaà lɛ, wèè wo nɔ̀ŋ wo nyuùŋ tùlìà jii nyiŋ nɔɔ̀ŋ yèè wo Kànà Sìèfèìŋ Zòòlo Gbee kɛ̀ɛ̀nɛ̀ŋ ke nyowo e tòmò Dayàa sùà, wèè wo Dayà juuyà maŋ jùùmù nyiŋ màŋ hakɛ̀.

1Pììlɛ 3:8

Ko diemeì nàŋ yaà, nyɛ̀iŋ nààŋ gbiŋ nɔ̀ɔìŋ mìèsùàguùŋ niŋ kuwìè ke jìì nyowo, yèè e mànaŋ wèè aŋ dàwiiŋ. Nyɛ̀nɛìŋ aŋ dàwiiŋ nyàŋ tɛ̀ɛ̀, yèè niŋ deeyè nyɛ̀iŋ bi koɓɛ̀ aŋ dàwiiŋ nyàŋ.