Maafiù 20:30 - WƆŊ FƐ̀Ì EBÒ SÌÀŊ DAYÀA

³⁰ Aŋ fèlàà tìyèe zììlè le fɛ̀ɛ̀ bà jaa wa ko dòmaàŋ kɔɔì. Yèè nààŋ àŋ naŋ wa kòmò kɛ̀ wo Jisɛ̀ yaà wa hìnìè e tèèngà koɓɛ̀i àŋ jaa wa lɛ̀, àŋ naŋ tɔ̀ɔ̀tù kpàaŋ nyààŋ, “Jɔ̀àfèlàà Kanaà Dèèweɔ̀! Muàŋ nàŋ yaà wo yèɔ wo Dayà naŋ tàeɗùù wèè muŋ joeyè e ɗuunyaàŋ. Yɛ̀mɛ̀ wi ke nyowo hee!”

Maafiù 20:30 ပူးပေါင်းရင်းမြစ်များ

Maafiù 13:4

Nààŋ wò yaà wa vàài sùà manɛ̀ŋ koei màŋ, maŋ bà naŋ sɔ̀ɔ̀ ke dòmaàŋ diɛŋ, yèè aŋ wòì nyaŋ naŋ hnè àŋ naŋ miŋ mìè.

Maafiù 15:22

Ko fɛɛ̀feìŋ wo nìe bà, wo nyùùŋ e yìwìà ko Kenàŋ wo yèɔ hewa jòò wɔŋ fuɔŋ wiiŋ sùà wɔ, naŋ hnè ko nɛ̀ɛ̀uŋ niìŋ. Wò naŋ kpààŋ wààŋ, “Kanaà, Jɔ̀àfèlàà Dèèweɔ̀, tɔ̀ɔ̀im ke nyowo! Wo jɔ̀àjɔùŋ miɔ̀ŋ kuwa wo jinàŋ naanààŋ maŋjɛ̀wɛuŋ, yèè kòò wò yaà e keì nyìnga dìì.”

Maafiù 20:31

Anyùùŋ nyaŋ naŋ nyiŋ kpiinyɛ̀ŋ nyààŋ aŋ kumiàŋ. Kɛɛ àŋ naŋ wa ngèè ɓɛìŋ kpààŋ sɛiŋ nyààŋ, “Kanaà yèè Jɔ̀àfèlàà Dèèweɔ̀, yɛ̀mɛ̀ wi ke nyowo hee!”

Maafiù 21:14

Anyuùŋ zììlè le fɛ̀ɛ̀ nyaŋ yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ naŋ hnè koɓɛ̀ Jisɛ̀i ko Saaŋ Zòòlò Dayài, yèè wò naŋ nyiŋ sùngò.

Maafiù 21:9

Anyùùŋ nyaŋ yàaùŋ wa ko feìŋ nyaŋ yaà aŋ yè nyaŋ kùwaùŋ wa maŋjɛ̀wɛ nyàŋ, yaà wa kpàaŋ sùà àŋ yaà woo nyààŋ, “Tɛ̀nɛ̀ŋ wiìŋ wo Jɔ̀àfèlàà Kanaà Dèèwe! Wo Dayà kpuumàŋ wo nyùnɔ̀ɔŋ hnàŋ e dèè Kanaà diɛŋ wɔ̀! E tɛ̀nɛŋ nɔ̀ŋ koɓɛ̀ Dayài ko àìjɛnɛ̀ŋ!”

Maafiù 22:42

“Diè nìŋ gongà e kèè wo yèɔ wo Dayà naŋ tàeɗùù wɔ, wo Kulaìɔ? Yèè kpòò ɓòò wò naŋ fòlò sùà?” Àŋ naŋ fasàì nyààŋ, “Wò folo ke kpòò Dèèweɛ̀ sùà.”

Luù 4:18

“Wo Jìnàŋ Kànà È Gunɔ̀ɔŋ kòò wò yààìm diɛŋ, esaɓù kɛ̀ wòim tàeɗùù wèè ka wòò ebò siaàŋ koɓɛ̀ anyuùŋ pɔ̀ɔ nyàŋ. Wo Kanaà naim tɔ̀ùŋ wèè ka wòò anyùùŋ nyaŋ yaà e ɗo dìì nyaŋ kɛ̀ àŋ niŋ fòlà dìì, yèè wèè ka nyɛ̀nɛ̀ŋ anyuùŋ zììlè le fɛ̀ɛ̀ nyaŋ aŋ yɛ̀mɛ̀ dìì, e kìlà wèè ka nyɛ̀nɛ̀ŋ anyùùŋ nyaŋ jaa e kpòònàà maŋ keì nyìnga dìì nyaŋ aŋ miŋ fòlà dìì,

Luù 7:21

E teenga lii sùà wo Jisɛ̀ naŋ wa sùngò anyuùŋ zimgbe kɛ̀ɛ̀nɛ̀ŋ maŋ sàaŋ gɛ̀wɛɛ̀, wo gè aŋ jinàŋ naanààŋ anyùùŋ maŋjɛ̀wɛ, yèè wò naŋ kpuumò wo gbàì maŋ fɛ̀ɛ̀ anyuùŋ zììlè le fɛ̀ɛ̀ zimgbe.

Nyɛ̀nɛ̀ŋ 2:30

Wo Dèèwe yaà wa wo wɛ̀ijì, e kìlà wò nyìmàŋ kɛ̀ wo Dayà naŋ wa jɔ̀ɔ̀ ɗààhiì kɛ̀, wò do wa nàŋ jàà wo jɔ̀ɛ̀ jɔ̀ɛuŋ nɔɔ̀ŋ bà guùŋ ke kpùà kana diɛŋ e yìwìà ke kpoouŋ nɛɛ̀ŋ sùà e kìlà wo nɔ̀ŋ wo kana, màànààŋ wo Dèèwe wuŋ bi yaà wa lɛ̀.