Maafiù 20:27 - WƆŊ FƐ̀Ì EBÒ SÌÀŊ DAYÀA

²⁷ Yèè wo yèɔ gbiŋ mɔnɔŋ wo nɔ̀ŋ wo sìèfenɔ̀ɔŋ wɔ̀ wò kuwa wo nɔ̀ŋ wo ɗo wèè nyɛ̀iŋ gbiŋ.

Maafiù 20:27 ပူးပေါင်းရင်းမြစ်များ

Maafiù 18:4

Wo gbeeɔ̀ e Kànà àìjɛnɛ̀ɛŋ sùà nàŋ yaà wo nyùnɔ̀ɔŋ deeyà wuŋ bi yèè wo nɔ̀ŋ mààŋ wo jɔ̀àkàiŋ jɔa mààŋ wɛɛ̀.

Maafiù 20:26

Kɛɛ ɓɔ̀ è nɔ̀iŋ yɛi fèemàŋ. Wo nyùnɔ̀ɔŋ gbiŋ mɔnɔŋ wo kùwìè e gààŋ dìɛiŋ wɔ̀, wò kuwa wo nɔ̀ŋ wo ɓɔìjɔ̀à anyuùŋ gbànaŋ nyàŋ dìì.

Maafiù 20:28

Màànààŋ nɔŋ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ gò wa hnàŋ wèè ànyùùŋ aim tòòmò dìì lɛ, mìŋ naŋ wa hnè wèè ka nɔ̀ŋ wo ɗo, e kìlà wèè ka fè wɔŋ nyiiŋ miɔ̀ŋ wèè ka jòèyè maŋ nyììŋ anyuùŋ zimgbe.”

Luù 22:26

Kɛɛ ɓɔ̀ nìŋ nɔ̀ŋ mààŋ nyiŋ. Wo nyùnɔ̀ɔŋ manaŋ wo Dayà wouŋ ɓemè wèè wo nɔ̀ŋ wo gbeeɔ̀ e tɛɛiŋ wɔ̀, sɔɔ̀ wo ɓèmè wuŋ bi wo nɔ̀ŋ mààŋ wo tòloòɔ wo tomo wèè anyùùŋ nyaŋ sìaùŋ feìŋ nyaŋ. Wo nyùnɔ̀ɔŋ gbiŋ yaà wo sìèfenɔ̀ɔŋ wɔ̀, wo nɔ̀ŋ wo ɓɔìjɔ̀àa wo tomo wèè anyuùŋ gbànaŋ nyàŋ.

Luùm 1:14

È yaà e kpàŋ è kɔɔim, koɓɛ̀ anyùùŋ nyaŋ gbiŋ, e kpùlìà anyùùŋ nyaŋ fè àŋ Juùù nyaŋ, anyùùŋ maŋ fuɔŋ joo, anyuùŋ nyìmàŋ keì fèemàŋ nyaŋ yaà anyuùŋ gò nyìmàŋ keì fèemàŋ nyaŋ, anyùùŋ nyaŋ naŋ nyìmè nɛ̀ŋ nyaŋ, yaà anyuùŋ gò nyìmàŋ nɛ̀ŋ nyaŋ.

2 Kɔliìŋ 11:5

Mìŋ naŋ gongò kɛ̀ mìŋ yaà nɔŋ wo keela tàeɗùù siaàŋ bà guùŋ mààŋ àŋ keela gbànàŋ nyàŋ àŋ nyaaŋ aŋ keela tàeɗùù titi nyàŋ lɛ.

2 Kɔliìŋ 12:15

Ke jii doim nàŋ fɔ̀ wèè ka mààŋ e nɛ̀ɛŋ gbiŋ mìŋ kuwa lɛ̀ e hàwè miàŋ bi diɛŋ, wèè maŋ nyiiiŋ màŋ. Sèè mìŋ kuwìà e mànaŋ zimgbe weèiŋ, nìŋ do nàŋ kùwìè e mànaŋ jɔa weèim?

2 Kɔliìŋ 4:5

E fè wòò è kèè yàwi bi, è yààìŋ wòò e kèè Jisɛ̀ Kulaì mààŋ wo Kana, yèè e wèè yàwi, mààŋ aŋ ɓɔìjɔ̀àiŋ nyàŋ esàɓù Jisɛ̀ Kulaì sùà.