Maafiù 20:26 - WƆŊ FƐ̀Ì EBÒ SÌÀŊ DAYÀA

²⁶ Kɛɛ ɓɔ̀ è nɔ̀iŋ yɛi fèemàŋ. Wo nyùnɔ̀ɔŋ gbiŋ mɔnɔŋ wo kùwìè e gààŋ dìɛiŋ wɔ̀, wò kuwa wo nɔ̀ŋ wo ɓɔìjɔ̀à anyuùŋ gbànaŋ nyàŋ dìì.

Maafiù 20:26 ပူးပေါင်းရင်းမြစ်များ

Maafiù 20:27

Yèè wo yèɔ gbiŋ mɔnɔŋ wo nɔ̀ŋ wo sìèfenɔ̀ɔŋ wɔ̀ wò kuwa wo nɔ̀ŋ wo ɗo wèè nyɛ̀iŋ gbiŋ.

Maafiù 25:44

Kpeiŋ àŋ do nàŋ fasàì nyààŋ, ‘Kanaà, kiìŋ è teenga è naum wa yɛmɛ̀ e jìè yààùm, ɔ̀ɔ̀ ke jòòmàì yààùm, ɔ̀ɔ̀ mùŋ yaà wo nyùùnèènyɛiŋ, ɔ̀ɔ̀ mùŋ yaà ke kpanja, ɔ̀ɔ̀ mùŋ yaà siinyɛŋ ɔ̀ɔ̀ ko sààŋ nyìwì yèè e gòum kpuumàŋ?’

Maafiù 27:55

Aŋ jɔùŋ nyùùŋ zimgbe bà sia wa fauŋ àŋ yaào yɛɛmɛ. Aŋ jɔùŋ bi naŋ wa dè wo Jisɛ̀ maŋjɛ̀wɛ̀ e yìwìà ko Galaliì yèè àŋ yàùŋ wa kpuumo.

Luù 18:14

Kpeiŋ wo Jisɛ̀ naŋ woò wààŋ, “Nààŋ aŋ fèlàà tìyèe nyàŋ naŋ wa kɔ̀ maŋ gboo nyiŋ màŋ sùà, e kèè e tɔ̀ɔ̀nyààŋ wo nyuùŋ kùwà e nɛ̀ɛ̀nɛ̀ŋ fuɔɔ̀ŋ naŋ wa fɔ̀ɔ̀yɛ̀ wo Dayà jii, kɛɛ e fè wa wò Fɛlosiìɔ. Anyùùŋ nyaŋ joowà nyiŋ bi nyàŋ, wo Dayà do nyiŋ nàŋ deeyè. Anyùùŋ nyaŋ deeyà nyiŋ bi nyàŋ, wo Dayà do nyiŋ nàŋ joowò.”

Luù 22:26

Kɛɛ ɓɔ̀ nìŋ nɔ̀ŋ mààŋ nyiŋ. Wo nyùnɔ̀ɔŋ manaŋ wo Dayà wouŋ ɓemè wèè wo nɔ̀ŋ wo gbeeɔ̀ e tɛɛiŋ wɔ̀, sɔɔ̀ wo ɓèmè wuŋ bi wo nɔ̀ŋ mààŋ wo tòloòɔ wo tomo wèè anyùùŋ nyaŋ sìaùŋ feìŋ nyaŋ. Wo nyùnɔ̀ɔŋ gbiŋ yaà wo sìèfenɔ̀ɔŋ wɔ̀, wo nɔ̀ŋ wo ɓɔìjɔ̀àa wo tomo wèè anyuùŋ gbànaŋ nyàŋ.

Jɔ̀ɔŋ 18:36

Yèè wo Jisɛ̀ naŋ woò wààŋ, “E kana mɛ̀ fè wèè ànyùùŋ nyaŋ è ɗuunyaŋ lɛɛ̀. Sèè è nɔ̀ŋ yɛi weè, anyùùŋ màŋjɛ̀wɛ̀im nyàŋ henàŋ sòmò wèè aŋ ɓɔìjɔ̀àiŋ nyàŋ goim weè nàŋ hìɛ̀ŋ koɓɛ̀ anyùùŋ gbèègbèè aŋ Juùù nyaŋ. Kɛɛ e kana mɛ̀ fè wèè ànyùùŋ nyaŋ è ɗuunyaŋ lɛɛ̀.”

Nyɛ̀nɛ̀ŋ 13:5

Nààŋ àŋ naŋ wa hài ko Salamì, àŋ naŋ tɔ̀ɔ̀tù ke mìè Dayàa gbòa ke sààŋ zòòlò aŋ Juùù nyaŋ dìì. Kuii wo Jɔ̀ɔŋ Mài naŋ wa nɔ̀ŋ wo ɓɔìjɔ̀à kpùùmaŋ nyiŋ ke nyɛ̀nɛŋ bi sùà.

2 Kɔliìŋ 1:24

E fè fɛ̀ɛ sùà wèè eiŋ tɔ̀ɔ̀ è nɛ̀ɛŋ nìŋ haawà lɛ, è nyìmàŋ kɛ̀ nìŋ sia gbàùŋ gbàùŋ e hààweɛ̀ sùà. Kɛɛ e gbio sùà, è yààìŋ tòòmò koɓɛ̀ guùŋ wèè e zɔ̀lɔ̀ nyɛ̀iŋ biɛ̀.

2Time 1:18

Tɔ̀ wo Kanaà wo yɛmɛ̀uŋ wa nàwèè ke nyowo ke ɗɔɔ dìàmaàŋ diɛŋ! Màŋ nyìmàŋ kɛ̀ kiìŋ è kpùùmaŋ wò naŋ nyɛ̀nɛ̀ŋ weèim ko Ɛfesɔ̀.

Felemɔ̀ŋ - PHM 1:13

Mìŋ do weè nàŋ mɔ̀nɔ̀ŋ wo kià nɔ̀ŋ ko nɛ̀ɛ̀ŋ miìŋ, wèè wo dè e ɓɛ̀iŋ e nyaàiŋ dè e kpùùmaàŋ nìŋ he weè nàŋ nyɛ̀nɛ̀ŋ e weèim e teengaà mìŋ yaà kià ko sààŋ nyìwìi wèè Ebò Siaàŋ dààne lɛ.

Hiɓu 1:14

Kiìŋ nàŋ yaà aŋ màikà nyaŋ? Aŋ màikà nyaŋ yaà aŋ jinàŋ aŋ yè nyaŋ tomàŋ wèè Dayà, e kìlà wò tùɔ̀ŋ nyiìŋ wèè aŋ kpuumàŋ anyùùŋ nyaŋ wò manaŋ wo joeyè nyaŋ.

1Pììlɛ 4:11

Anyùùŋ nyaŋ kuwa e kìɛ̀ŋ gbòa nyàŋ, aŋ woò ke mìè gbìàŋ Dayàa. Aŋ yè nyaŋ yaà aŋ ɓɔìjɔ̀à tòmo nyàŋ, aŋ toomò e gàaŋ wo Dayà naŋ nyiŋ kiɛ̀ŋ lɛ. E wèè kɛ̀ e gbio sùà wo Dayà yɛmɛ̀ e ɓɛ̀ɛ̀jàa esàɓù Jisɛ̀ Kulaì sùà wo yèɔ e gààŋ yèè e jòòwo yaà weèuŋ wèè julɔfɔ yèè julɔfɔ wɔ̀. Àmiinàŋ.

1Pììlɛ 5:3

Ɓɔ̀ nìŋ fɛ̀ɛ̀ wèè naŋ kìlìà kana ànyùùŋ nyaŋ yaà è gaàiŋ nɛ̀ dìì nyaŋ diɛ̀ŋ, kɛɛ nɔ̀iŋ e tɔ̀ɔ̀màŋseì koɓɛ̀ aŋ ɓààwàà Dayà nyaŋ.

Maŋ kèì nyɛɛnɛŋ 17:6

Mìŋ naŋ wa yɛmɛ̀ kɛ̀ maŋ mùàŋ naŋ wa kùwò wo nìeɔ̀ e yìwìà maŋ sɛ̀ìŋ anyùùŋ nɛɛmaŋ nyàŋ yèè maŋ sɛ̀ìŋ anyùùŋ nyaŋ àŋ naŋ wa jìwè nyaŋ, esaɓù kɛ̀ àŋ yaà wa aŋ seì yèè àŋ naŋ kìɛ̀ŋ maŋ nyiiŋ nyiŋ màŋ wèè Jisɛ̀. E teengaà mìŋ nauŋ wa yɛmɛ̀ lɛ, è naim wa foonò kpɛlɛmɛɛŋ.