Maafiù 20:22 - WƆŊ FƐ̀Ì EBÒ SÌÀŊ DAYÀA

²² Wo Jisɛ̀ naŋ nyiŋ woò wààŋ, “Niŋ nyimààŋ è nɛ̀ɛŋ nìŋ yaà dààwè kii niŋ lɛ̀. Nàŋ ɓɛ̀nɛ̀ŋ tììyà wɔŋ kpòò keì nyìngaà mìŋ yaà hinie wèè ka tììyà sùà wɔŋ?” Àŋ naŋ woò nyààŋ, “È ɓɛnɛ̀ŋ.”

Maafiù 20:22 ပူးပေါင်းရင်းမြစ်များ

Maafiù 26:35

Kɛɛ wo Pììlɛ naŋ ɓɛìŋ fasàì wààŋ, “Miŋ naàŋ tii woò julɔfɔ, sèè è tɛɛwɛ̀ pɛɛ wèè yàwuum e fɔ̀ɔ̀yɛ̀ koɓɛ̀ guùŋ!” Yèè anyùùŋ màŋjɛ̀wɛ̀ gbànaŋ nyàŋ gbiŋ naŋ wòò e kèì guùŋ bi.

Maafiù 26:39

Wò naŋ ɓɛìŋ bɔ̀mɔ̀ŋ ko fènòo tòloò, wo dè maŋ gɛ̀ɛ̀ŋ nùuŋ màŋ dììnaŋ wo gbùwà wɔŋ feìŋ ko dììnaŋ, yèè wò naŋ zoolò wààŋ, “Dèda miɔ̀ŋ, sèè è naŋ ɓɛ̀nɛ̀ŋ hɛ̀ɛ̀nɛŋ, kɛ̀ gìim wɔŋ kpòò è keì nyìnga wɛɛ̀ŋ diɛŋ. Kɛɛ miŋ sɔ̀ɔ̀ è yèɛ mìŋ manaŋ lɛ̀, kɛɛ è yèɛ muàŋ mùŋ manaŋ lɛ̀.”

Maafiù 26:42

Wo Jisɛ̀ naŋ ɓɛìŋ kɔ̀ wo zoolò wààŋ, “Dèda miɔ̀ŋ, sèè mààŋ wɔŋ kpòò e keì nyìnga wɛɛ̀ŋ wɔŋ fèim ɓɛ̀nɛ̀ŋ kɔ̀ɛ̀ɛ̀ diɛŋ sɔɔ̀ nɔŋ ka wɔŋ tììyà sùà, kɛ̀ tɔ̀ e yèɛ mùŋ manaŋ lɛ̀ e hɛɛnɛ̀ŋ.”

Maafiù 26:56

Kɛɛ e nɛ̀ɛŋ wɔŋ fɛ̀ì Dayàa naŋ woò lɛ kuwa e hɛɛnɛ̀ŋ nààŋ aŋ wɛ̀ijì nyaŋ naŋ niŋ wa sìngè lɛ.” Kpeiŋ anyùùŋ màŋjɛ̀wɛ̀uŋ nyàŋ gbiŋ nauŋ ɓàà e kɔɔ aŋ dùàŋ auŋ jòà.

Luù 12:50

Mìŋ yaà hinie wèè ka kà e gùà keì nyìnga dìì. Mìŋ do nàŋ kɔ̀ e keì nyìnga zimgbe dìì e jèèsùà e keì bi e jùà jɛ̀wɛ̀.

Luù 22:42

Wò naŋ zoolò wààŋ, “Dèda, sèè mùŋ mɔnɔŋ, gèim wɔŋ kpòò keì nyìnga wɛɛ̀ŋ diɛŋ. Kɛɛ miŋ sɔ̀ɔ̀ è yèɛ mìŋ manaŋ lɛ̀, kɛɛ è yèɛ muàŋ mùŋ manaŋ e kaaìŋ lɛ̀.”

Jɔ̀ɔŋ 18:11

Yèè wo Jisɛ̀ naŋ wòò wo Pììlɛ wààŋ, “Hoà e koya mɔ̀ɛ̀ wɔŋ ɓuùiŋ nɔɔ̀ŋ sùà. Mìŋ naŋ nyimèè wèè ka kɔ̀ɛ̀ e keì nyìngaà dìì, e yèɛ wo Dèda miɔ̀ŋ naŋ banebànè wèè ka niŋ kɔ̀ɛ̀ sùà lɛ.”

Luùm 8:26

E ɗèwè guùŋ bi sùà wo Jìnàŋ Kanaà Dayà wò hnàŋ wèè wo wi kpuumàŋ, jòòpɛɛ è yààìŋ zɔ̀kpɔ̀ wèè eiŋ zòòlò Dayà. Esaɓù kɛ̀ e nyimàìŋ kɛ̀ kiìŋ è zoolàìŋ weè niŋ, kɛɛ wo Jìnàŋ Kanaà Dayà zoolà Dayà weè wi maŋ mìè bà sùà maŋ yè maŋ wo nyùùŋ gbiŋ fè ɓɛ̀nɛ̀ŋ gbòa màŋ.

Jìiiŋ 4:3

Nìŋ dawà wo Dayà, kɛɛ wo fèiŋ miŋ kiɛ̀ŋ, esaɓù kɛ̀ nìŋ kuwìà maŋ ɗèwe naanààŋ. Nìŋ dawà wèè manɛ̀ŋ wèè naŋ miŋ gbìàŋ e gbànà nyɛ̀iŋ biɛ̀ sùà.