Maafiù 20:21 - WƆŊ FƐ̀Ì EBÒ SÌÀŊ DAYÀA

²¹ Yèè wo Jisɛ̀ nauŋ dawè wààŋ, “Kiìŋ mùŋ manaŋ?” Yèè wo nìeɔ̀ nauŋ woò wààŋ, “Mìŋ manaŋ sèè mùŋ kɛɛ̀ wa nàwèè e Kana mɔ̀ɛ̀ sùà, kɔ̀nɛɛ̀ŋ wèè maŋ nyimèè yèè maŋ wòò aŋ jɔ̀àfelaaim nyàŋ wò guùŋ woum jɛ̀ì wɔŋ kùàŋ jìka yèè wo bàa woum jɛ̀ì wɔŋ kùàŋ gbɔnɔŋ.”

Maafiù 20:21 ပူးပေါင်းရင်းမြစ်များ

Maafiù 18:1

E teenga lii sùà anyùùŋ màŋjɛ̀wɛ̀ nyaŋ naŋ hnè koɓɛ̀ Jisɛ̀i yèè àŋ nauŋ dawè nyààŋ, “Ɓòò nàŋ yaà wo gbeeɔ̀ e Kànà Dayàa sùà ko àìjɛnɛ̀ŋ?”

Maafiù 19:28

Wo Jisɛ̀ naŋ nyiŋ fasàì wààŋ, “Tɔ̀ miŋ woòiŋ e tɔɔɓaaà kɛ̀, nìŋ yaà anyùùŋ màŋjɛ̀wɛ̀im. Yèè e ɗuunyaŋ jɛiɛ̀ do nàŋ hnè lɛ, sèè miàim wo Jɔ̀àfèlàà Nyuùŋ Kpùnɔɔ̀ŋ mìŋ jaà wa nàwèè ke kpùà e jòòwo gbee miɛ̀ŋ diɛŋ wèè ka kɛ̀ɛ̀ kana, nìŋ do nàŋ jɛ̀ì maŋ kpùà kana diɛŋ, màŋ zììyà jɛ̀wɛ̀ tìyèe wèè naŋ gbàì maŋ zìì ɗì zììyà jɛ̀wɛ̀ tìyèe màŋ ko Ezɔ̀ɛ̀.

Maafiù 20:22

Wo Jisɛ̀ naŋ nyiŋ woò wààŋ, “Niŋ nyimààŋ è nɛ̀ɛŋ nìŋ yaà dààwè kii niŋ lɛ̀. Nàŋ ɓɛ̀nɛ̀ŋ tììyà wɔŋ kpòò keì nyìngaà mìŋ yaà hinie wèè ka tììyà sùà wɔŋ?” Àŋ naŋ woò nyààŋ, “È ɓɛnɛ̀ŋ.”

Maafiù 20:32

Wo Jisɛ̀ naŋ sie yèè wò naŋ nyiŋ nyààŋ ko nɛ̀ɛ̀uŋ niìŋ. Yèè wò naŋ nyiŋ dawè wààŋ, “Kiìŋ nìŋ manaŋ wèè ka nyɛ̀nɛ̀ŋ weèiŋ?”

Luù 18:41

“Kiìŋ mùŋ manaŋ kà nyɛ̀nɛ̀ŋ e weèum?” Wo felaaà naŋ fasàì wààŋ, “Kanaà, mìŋ manaŋ wèè ka ɓɛìŋ yɛ̀mɛ̀ dìì.”

Luù 19:11

Nààŋ àŋ yaà wa gbɛ̀ɛ̀ sùà ko Jùlusɛ̀làm, anyùùŋ nyaŋ kuwa wa wo Jisɛ̀ maŋjɛ̀wɛ naŋ kòmò maŋ kàɓanè maŋ wò yaà wa giiye màŋ, naŋ gongò kɛ̀ sèè wò haì wa nɔŋ ko Jùlusɛ̀làm fà wò nɔ̀ŋ wo kana nyiŋ nɔɔ̀ŋ.

Luù 22:24

E kpàànè kpaane naŋ sɛ̀ɛ̀ anyùùŋ màŋjɛ̀wɛ̀ nyaŋ e fèemàŋ kɛ̀ ɓòò e tɛɛ nyiŋ nàŋ yaà wo gbeeɔ̀.

Jɔ̀ɔŋ 15:7

Sèè nìŋ jeeà aŋ bàimbà nɔ̀ɔŋ yèè maŋ mìè gbìaim màŋ maŋ jèè maŋ nyiiŋ geiŋ màŋ sùà, kɛ̀ wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè wèè woiŋ kiɛ̀ŋ lɛ.

Nyɛ̀nɛ̀ŋ 1:6

Nààŋ aŋ keela tàeɗùù nyaŋ naŋ wa dèènè koɓɛ̀ guùŋ wo Kanaà Jisɛ̀ kɔɔ, àŋ nauŋ dawè nyààŋ, “Kanaà, e teenga lɛɛ̀ sùà mùŋ do nàŋ gè anyùùŋ Ezɔ̀ɛ̀ nyaŋ nyààŋ diɛŋ wèè aŋ ɓɛìŋ kɛ̀ɛ̀ e Kànà nyiŋ biɛ̀?”

Luùm 12:10

Mànaìŋ aŋ dàwi tɛ̀ɛ̀ mààŋ aŋ wùìyà ke kpòò guùŋ. Yèè nɔ̀iŋ e wùànàŋ sùà wèè niŋ tɔɔ̀ e ɓɛ̀ɛ̀jàa koɓɛ̀ aŋ dàwiiŋ nyàŋ.

Luùm 8:34

Ɓòò nàŋ do nyiŋ naàŋ nàŋ hèè e kiti diɛŋ? E naàŋ nɔ̀ŋ wò Jisɛ̀ Kulaì, wo yèɔ naŋ fɔ̀ e kìlà wo Dayà nauŋ gè e fàaà dìì wɔ, yèè kòò wò jaa naàŋ wɔŋ kùàŋ jìkà Dayàa, wò yàaùŋ pɔɔwɔ weè wi.

Kòlo 3:1

Wo Dayà naiŋ wa gè e fàaà dìì nyɛ̀iŋ wo Jisɛ̀ Kulaì koɓɛ̀ guùŋ, weètii jàaìŋ maŋ jiiŋ màŋ koɓɛ̀ manɛ̀ŋ maŋ yaà ko àìjɛnɛ̀ŋ maŋ, ko yèi wo Jisɛ̀ Kulaì jaa ke kpùà kanauŋ nɛɛ̀ŋ diɛŋ wɔŋ kùàŋ jìkà Dayàa lɛ̀.