Maafiù 20:2 - WƆŊ FƐ̀Ì EBÒ SÌÀŊ DAYÀA

² Wò naŋ wa nyimèè wèè wo nyiŋ pààwà ke kaiŋ fua nɛɛnɛŋ wèè ke ɗɔɔ, yèè wò naŋ nyiŋ tùɔ̀ŋ ko ɓù gbɛɛwɛ̀jɛ̀wɛ̀i wèè aŋ tomo.

Maafiù 20:2 ပူးပေါင်းရင်းမြစ်များ

Maafiù 18:28

“Kpeiŋ wo ɓɔìjɔ̀àa naŋ kɔ̀ yèè wò naŋ mɛ̀ɛ̀ŋ wo ɓɔìjɔ̀à dàwiuŋ nɔɔ̀ŋ bà guùŋ wo yèɔ kùwaùŋ wa e kpàŋ e kaiŋ fua nɛɛnɛŋ hɔ̀nɔ̀ɔ̀ guùŋ. Yèè wò naŋ kùwò wo felaaà ke gbèìŋ. Yèè wò naŋ tɔ̀ɔ̀tù nɔ̀à wo felaaà ke gbèìŋ yèè wò nauŋ woò wààŋ, ‘Pààwaà e nɛɛnɛɛ̀ŋ gbiŋ mùŋ kùwàìm kpàŋ lɛ.’

Maafiù 20:1

Wo Jisɛ̀ naŋ ɓɛìŋ woò wààŋ, “E Kànà àìjɛnɛ̀ɛŋ è yaà mààŋ, wo felaa bà naŋ wa kɔ̀ maŋ nyiìŋ tɛ̀tɛ̀ ko kààmè anyùùŋ wèè aŋ nyɛ̀nɛ̀ŋ e tòmo ko ɓù gbɛɛwɛ̀jɛ̀wɛ̀uŋ niìŋ.

Maafiù 20:13

Wo kɛ̀ɛ̀nɛ̀ŋ ɓùɔ naŋ nyiŋ woò wààŋ, ‘Dàwiim nyàŋ, miŋ gòiŋ kaaɓì. Wo nyùùŋ gbiŋ naŋ hnè wèè wo tomo wèè ke kaiŋ fua nɛɛnɛŋ wèè ke ɗɔɔɛ̀, yèè tɛɛ̀ yàwi nààŋ gbiŋ è naiŋ nyìmèè diɛŋ.

Maafiù 20:3

Wo kenàaŋ naŋ ɓɛìŋ kɔ̀ e bòliɛ̀ sùà e gɔɛɛ gbòà nɔɔnɔŋ le tiinàaŋ maŋ nyiìŋ miiŋ yèè wò naŋ yɛ̀mɛ̀ anyuùŋ jɛ̀kɛ bà àŋ siao aŋ fè nyìnìè è nɛ̀ŋ gbiŋ.

Maafiù 20:9

Àŋ naŋ wa pààwà anyùùŋ nyaŋ naŋ wa tɔ̀ɔ̀tù tòmo e gɔɛɛ gbòà è nɔɔnɔɛ̀ŋ nyaŋ ke kaiŋ fua nɛɛnɛŋ wèè wo nyùùŋ guùŋ gbiŋ.

Maafiù 22:19

Hìaìŋ nìim ke nɛɛnɛɛ̀ŋ nìŋ kiɛ̀ŋ wèè e nɛ̀ɛ̀nɛ̀ŋ fuɔɔ̀ŋ lɛ miŋ yɛmɛ̀ nyiŋ.” Yèè àŋ nauŋ hìɛ̀ŋ ke kaiŋ fua nɛɛnɛɛ̀ŋ,

Maafiù 9:37

Kpeiŋ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Maŋ nɛ̀ŋjè ɓù maŋ ko ɓùi naŋ gàŋ, kɛɛ anyuùŋ tòmo nyàŋ gò gàŋ wèè aŋ miŋ gbònògbònò koɓɛ̀ guùŋ.

Luù 1:15

Wo Jɔ̀ɔŋ do nàŋ nɔ̀ŋ wo ɓɔ̀ìjɔ̀à nɛɛmaŋ wèè wo Kanaà Dayà. Julɔfɔ ɓɔ̀ wò tìà màŋ tala muaŋ ɔ̀ɔ̀ è biyà, yèè e gààŋ wo Jìnàŋ Nɛɛmaàŋ douŋ nàŋ nɔ̀ŋ diɛŋ e yìwìà ke ɗɔɔɛ̀ àŋ douŋ nàŋ kòmò lɛ.

Luù 10:35

Wɔŋ niìsìaà bàa wò naŋ gè e kaiŋ fua nɛɛnɛŋ è tìyèe yèè wò naŋ niŋ kìɛ̀ŋ koɓɛ̀ wo nyùnɔ̀ɔŋ toomàŋ ko sààŋ nyùnèè nyɛniìŋ wɔ. Wò nauŋ woò wààŋ, ‘Yɛ̀mɛ̀ e kiiuŋ nɛ̀ dìò sùà, mìŋ do nàŋ kɛɛ̀ maŋjɛ̀wɛ wɔŋ fàà wɛɛ̀ŋ, kɛ̀ kàum paawà wèè e yèɛ gbiŋ mùŋ naŋ maàŋ e weèuŋ lɛ̀.’ ”

Luù 20:24

“Hìaìŋ nìim ke kaiŋ fua nɛɛnɛŋ miŋ yɛmɛ̀ nyiŋ.” Kpeiŋ wò naŋ nyiŋ dawè wààŋ, “Ɗèwà ɓòò wɛɛ̀ŋ yèè dèè ɓòò lɛɛ̀ ke nɛɛnɛŋ yɛɛ̀?” Àŋ naŋ fasàì nyààŋ, “Wo Siisɔ̀, wo Kànà fùɔ̀ŋ anyùùŋ Luùm nyaŋ.”

2Time 3:15

yèè màŋ jàà jii kɛ̀ e gɔuo sùà, mùŋ yaà wa wo jɔ̀à, màŋ nyìmàŋ maŋ miè sìnga màŋ wɔŋ fɛ̀ì Dàyà sùà, wɔŋ yèɔ naum ɓɛ̀nɛ̀ŋ fè e jiikɛ̀ɛ naum ɓɛ̀nɛ̀ŋ jòèye yɛ̀, esàɓù e hààwe mɔ̀ɛ̀ wo Jisɛ̀ Kulaì sùà.

Maŋ kèì nyɛɛnɛŋ 6:6

Mìŋ naŋ kòmò ebò ke mìè gbòa mààŋ kè mìè nyuùŋkpùuŋ, e yìwìà maŋ ɗòlònɛ̀ŋ tiinàŋ maŋ e fèemàŋ, yèè kè naŋ woò wààŋ, “E sɔ̀ngɔ̀ e kpàlì sààmàìŋ tìyèe do nàŋ nɔ̀ŋ e pààwà e tòmò ke ɗɔ̀ɔ̀ guùŋ, yèè e sɔ̀ngɔ̀ e diidàà sààmàìŋ nɔɔnɔŋ dièguùŋ do nàŋ nɔ̀ŋ e pààwà e tòmò ke ɗɔ̀ɔ̀ guùŋ. Kɛɛ ɓɔ̀ nìŋ jìwà màŋ ɔlè kùù maŋ yaà maŋ gbɛ̀mɛ̀ɛ̀ŋ kuu màŋ, wèè e bù yaà maŋ tala muaŋ goiŋ nàŋ jùò sìwè.”