Maafiù 20:14 - WƆŊ FƐ̀Ì EBÒ SÌÀŊ DAYÀA

¹⁴ Weètii kùwaìŋ e nɛɛnɛiŋ nɛ̀ niŋ ka. Kiìŋ tɛɛ̀ è kuwa eiŋ nyiniàŋ, sèè mìŋ mɔnɔŋ wèè ka pààwà e nɛ̀ɛ̀nɛ̀ŋ guùŋ nɛ mìŋ naiŋ paawà lɛ koɓɛ̀ anyùùŋ nyɛɛ̀ŋ?

Maafiù 20:14 ပူးပေါင်းရင်းမြစ်များ

Maafiù 20:13

Wo kɛ̀ɛ̀nɛ̀ŋ ɓùɔ naŋ nyiŋ woò wààŋ, ‘Dàwiim nyàŋ, miŋ gòiŋ kaaɓì. Wo nyùùŋ gbiŋ naŋ hnè wèè wo tomo wèè ke kaiŋ fua nɛɛnɛŋ wèè ke ɗɔɔɛ̀, yèè tɛɛ̀ yàwi nààŋ gbiŋ è naiŋ nyìmèè diɛŋ.

Maafiù 20:15

Miŋ fè è nyaàŋ gè diɛm wèè ka tòòmò è nɛɛnɛŋ mɛ̀ è ɗeweɛ̀ mìŋ manaŋ lɛ̀? Wèè kiìŋ nìŋ giiyàìm le koo sèè mìŋ mɔnɔŋ ka kpùùmàŋ anyùùŋ?’ ”

Maafiù 6:16

“Sèè mùŋ kuwo ke tɔùŋ, ɓɔ̀ mùŋ nyɛ̀nɛ̀ŋ wò nyùùŋ gbiŋ wò do nyìmàŋ kɛ̀ mùŋ yaà kè tɔùŋ, màànààŋ anyuùŋ jàà fɛ̀ɛ̀ keì foo nyàŋ nyɛnɛŋ lɛ̀. Miŋ woòum e tɔɔɓaaà kɛ̀ sèè mùŋ nyɛnɛŋ tii, kɛ̀ màŋ kpɛ̀ɛ̀yɛ̀ e jìwààjɛ̀wɛ̀ mɔ̀ɛ̀ yɛ̀mɛ.

Maafiù 6:2

“Weètii sèè mùŋ kpuumàŋ wo nyuùŋ pɔ̀ɔɔ̀, ɓɔ̀ mùŋ fuunyàŋ niŋ è ɓuu diɛŋ. Tii nyùùŋ fɛ̀ɛ̀ ɗòònààkeì nyɛnɛŋ maŋ sààŋ zòòlò aŋ Juùù nyaŋ dìì, yaà maŋ dòmaŋ màŋ diɛŋ, esaɓù kɛ̀ àŋ manaŋ wèè anyùùŋ aŋ nyiŋ tɛnɛ̀ŋ. Miŋ woòum e tɔɔɓaaà kɛ̀ sèè mùŋ nyɛnɛŋ tii, kɛ̀ màŋ kpɛ̀ɛ̀yɛ̀ e jìwààjɛ̀wɛ̀ mɔ̀ɛ̀ yɛ̀mɛ.

Maafiù 6:6

Kɛɛ sèè mùŋ woà mààŋ muŋ zoolò, jɔ̀à ko saaŋ zɔ̀nù moo muŋ yìlà wɔŋ gbemgbeeɔ̀. Zòòloò koɓɛ̀ wo Dèda mɔɔ̀ŋ ke gbùnuo sùà. Yèè wo Dèda mɔɔ̀ŋ naŋ nyìmè e nɛ̀ɛŋ mùŋ naŋ nyɛ̀nɛ̀ŋ ke gbùnuo sùà lɛ, wò doum nàŋ kìɛ̀ŋ e jìwààjɛ̀wɛ̀ siaŋ.

Luù 15:31

Wo dèdauŋ nɔɔ̀ŋ nauŋ woò wààŋ, ‘Jɔ̀àfelaa miɔ̀ŋ, e teenga gbiŋ mùŋ yaà ko nɛ̀ɛ̀ŋ miìŋ, yèè muàŋ nàŋ kanaŋ e nɛ̀ɛ̀ŋ gbiŋ mìŋ kuwa lɛ̀.

Luù 16:25

Kɛɛ wo Eɓulɔhɛɛ̀ŋ nauŋ fasàì wààŋ, ‘Dàwi miɔ̀ŋ, kɛ̀ɛ̀nɛɛ̀ŋ ke jii jàa kɛ̀ mùŋ kuwa wa e tɛ̀ɛ̀tɛ̀ɛ̀ɛ gbiŋ e teengaà mùŋ yaà wa wɔŋ nyiiŋ gèeɔ̀ sùà lɛ, yèè mùŋ naŋ wa gè maŋhɛɛ wèè maŋ tɔ̀ɔ̀ ke nyowo koɓɛ̀ Lazɔlɔ̀i jòòpɛɛ wò yaà wa kùwìè e keì nyìngaà gbiŋ. Kɛɛ kòò wò yaà naàŋ ke jii fàa sùà, yèè muàŋ mùŋ yaà kùwìè e keì nyìnga.

Jɔ̀ɔŋ 17:2

Mùŋ naim kìɛ̀ŋ e gààŋ anyuùŋ kpùuŋ nyàŋ gbiŋ diɛŋ, wèè ka kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ mùŋ naim kiɛ̀ŋ nyaŋ.

Luùm 3:19

Èiŋ naàŋ nyìmàŋ kɛ̀ maŋ keì maŋ gbiŋ maŋ Sàwà Dayà maŋ sùà, naŋ wa nɔ̀ŋ sìnga miŋ wèè anyùùŋ nyaŋ yaà e gaàŋ miŋ nɛ̀ dìì nyaŋ, wèè wo nyùùŋ gbiŋ wo go nàŋ kìɛ̀ŋ ke kàfaì, yèè e nyɛ̀nɛ̀ŋ anyùùŋ nyaŋ gbiŋ e ɗuunyaàŋ aŋ nɔ̀ŋ e gbàì Dayàa dìì.

Luùm 3:4

Tii nààŋ e gò fasàì. Wo Dayà yaà tɔ̀ɔ̀nyaàŋ, jòòpɛɛ anyuùŋ kpùuŋ nyàŋ gbiŋ aŋ fè tɔ̀ɔ̀nyaàŋ. Wɔŋ fɛ̀ì Dayàa naŋ woò wààŋ, “Maŋ mìè gbòaum màŋ tɔɔ̀ kɛ̀ mùŋ yaà tɔ̀ɔ̀nyaàŋ sèè mùŋ woà e keì. Mùŋ kuwa maŋ kɛ̀ɛ̀nɛ̀ŋ gɛŋ sèè mùŋ nɔ̀ŋ kɔ̀ɔ̀yɛ̀ e gbài dìì.”