Maafiù 2:6 - WƆŊ FƐ̀Ì EBÒ SÌÀŊ DAYÀA

⁶ ‘Nyɛ̀iŋ nààŋ nyùùŋ nyaŋ ko Bɛfilehɛɛ̀ŋ e dìì wɔŋ fùɔ̀ŋ Juɗàa diɛŋ, nyìmaìŋ kɛ̀ wo Dayà gò nììngè è jawaiŋ nɛ̀ fɛ̀ɛ̀ màŋ jawa gbeegbèè maŋ è fèemàŋ wɔ̀ŋ fùɔ̀ŋ Juɗàa sùà. Esaɓù kɛ̀, e yìwìà nyɛ̀iŋ ko sùà wo ɓɛ̀màŋɗì doo nàŋ fòlò wèè wo yɛ̀mɛ̀ anyunùim nyàŋ diɛŋ ko Ezɔ̀ɛ̀.’ ”

Maafiù 2:6 ပူးပေါင်းရင်းမြစ်များ

Maafiù 2:1

Àŋ naŋ wa kùmìè wo Jisɛ̀ ko jawaì àŋ nyaaŋ ko Bɛfilehɛɛ̀ŋ wɔŋ fùɔ̀ŋ Jùdiàa sùà, e teengaà wo Hɛɛlɔ̀ yaà wa wo kana lɛ̀. E tèèngà guùŋ bi sùà, anyuùŋ kɛ̀ɛ̀jii bà aŋ yè nyaŋ naŋ wa nyìmè yèè àŋ kiɛ̀ŋ e fàsai e nyaàiŋ dè e ɗewe kiiɛ̀ maŋ ɗu màŋ jaà ke nyiliɛ̀ lɛ naŋ hnè. Anyùùŋ bi naŋ wa e yìwìà e tèèngà ko fùlìè gɔɛɛ̀ yèè àŋ naŋ yɛ̀mɛ̀ e jɛ̀ì kìì maŋ ɗu màŋ ke nyiliɛ̀ yèè àŋ naŋ hnè ko Jùlusɛ̀làm,

Maafiù 28:18

Wo Jisɛ̀ naŋ nyiŋ bɔ̀mɔ̀ŋ kɔɔ wò naŋ nyiŋ woò wààŋ, “E gààaŋ gbiŋ ko àìjɛnɛ̀ŋ yèè e ɗuunyaàŋ è nɔ̀ŋ kìɛŋ niŋ ko nɛ̀ɛ̀ŋ miìŋ.

Jɔ̀ɔŋ 21:16

E dìà tìyèeɛ̀ wo Jisɛ̀ naŋ ɓɛìŋ dàwè wo Saimɔ̀ŋ wo jɔ̀àfèlàà Jɔ̀ɔɔ̀ŋ wààŋ, “Saimɔ̀ŋ, kòò mùŋ mànàìm?” Wo Saimɔ̀ŋ naŋ ɓɛìŋ fasàì wààŋ, “Hɛ̀ɛɛ̀ŋ Kanaà, màŋ nyìmàŋ kɛ̀ mìŋ mànàùm.” Yèè wo Jisɛ̀ nauŋ ɓɛìŋ woò wààŋ, “Yɛ̀mɛ̀ aŋ ɓaawaaim nyàŋ diɛŋ.”

Jɔ̀ɔŋ 7:42

Wɔŋ fɛ̀ì Dayàa naŋ woò wààŋ wo Tàèɗùù Dayàa do nàŋ fòlò ke kpòò Kanaà Dèèweɛ̀ sùà. Yèè wò do nàŋ nɔ̀ŋ kùmiauŋ ko jàwà Dèèweì àŋ nyaaŋ ko Bɛfilehɛɛ̀ŋ lɛ.”

Ɛfesɔ̀ 1:22

Wo Dayà naŋ kìɛ̀ŋ wo Jisɛ̀ Kulaì e gààŋ manɛ̀ŋ maŋ gbiŋ diɛŋ, yèè wèè e tɛ̀ɛ̀tɛ̀ɛ̀ ke gbòò anyuùŋ hààwe nyàŋ wò nauŋ nyɛ̀nɛ̀ŋ wo sìèfeìŋ wèè manɛ̀ŋ maŋ gbiŋ.

Kòlo 1:18

Wuŋ nàŋ yaà wo ɓɛ̀màŋɗì ke kpùnauŋ nɛɛ̀ŋ, ke gbòò anyuùŋ hààwe nyàŋ. Wuŋ nàŋ yaà ko tɔ̀ɔ̀tù wɔŋ nyììŋ ke gbòò anyuùŋ hààwe nyàŋ. Wuŋ nàŋ yaà wo Jɔ̀àfelaa jiɛ̀jiɛ̀ɔ naŋ nɔ̀ŋ kòmauŋ wɔ̀, wo yèɔ wo Dayà naŋ wa gè e fàaà dìì wɔŋ nyiiŋ gèeɔ̀ sùà, wèè e nyɛ̀nɛ̀ŋ wuŋ guùŋ wo ɓemè ko jɛ̀i jiɛ̀jiɛ̀i manɛ̀ŋ maŋ gbiŋ diɛŋ.

Hiɓu 7:14

Anyùùŋ nyaŋ gbiŋ àŋ nyìmàŋ kɛ̀ wo Kana wiɔ̀ Jisɛ̀ naŋ yìwìè e zìì Juɗàa sùà, kɛɛ wo Mòòze gò wa woò wààŋ wò sìèfèìŋ zòòlo do wa nàŋ nɔ̀ŋ e ziì lii sùà.

Maŋ kèì nyɛɛnɛŋ 11:15

Wo màìkà nɔɔnɔŋ letìyèeɔ̀ naŋ fùɔ̀ŋ e pòtanàuŋ nɛ̀, yèè mìŋ naŋ kòmò maŋ mìè gbɔ̀ɔ gbee e yìwìà ko àìjɛnɛ̀ŋ màŋ yaà woo wààŋ, “E kànà ɗuunyaàŋ è yaà naàŋ wèè wo Kana wiɔ̀ Dayà yèè wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ, yèè wò do nàŋ nɔ̀ŋ wo kana wèè julɔfɔ yèè julɔfɔ.”

Maŋ kèì nyɛɛnɛŋ 7:17

esaɓù kɛ̀ wo Ɓaawaaà jaa ke kpùà kanaà tɛɛ tɛɛ wɔ̀, wuŋ nàŋ do nàŋ nɔ̀ŋ wo nyuùŋ yɛ̀mɛ̀ diɛŋ nyiŋ nɔɔ̀ŋ, e kìlà wò do nyiŋ nàŋ kɔ̀ɔ̀ koɓɛ̀ e wùìyè wɔŋ nyiiŋ gèe. Wo Dayà do nyiŋ nàŋ hààngè maŋ fɛɛ̀màì maŋ gbiŋ fɛ̀ɛ̀.”