Maafiù 2:4 - WƆŊ FƐ̀Ì EBÒ SÌÀŊ DAYÀA

⁴ Wò naŋ nyààŋ aŋ kànà sìèfeìŋ zòòlo nyàŋ yaà aŋ kààmɔ̀ɔ̀ŋ maŋ Sàwà Dayà nyaŋ yèè wò naŋ nyiŋ dawè wààŋ, “Kòò àŋ do naŋ kùmìè wo Kulaìɔ?”

Maafiù 2:4 ပူးပေါင်းရင်းမြစ်များ

Maafiù 13:52

Kpeiŋ wo Jisɛ̀ naŋ nyiŋ woò wààŋ, “Tɛɛ̀ naŋ tɔɔ̀ kɛ̀, wo kààmɔ̀ɔ̀ŋ maŋ Sàwà Dayàa bà gbiŋ wo yèɔ kile wo nɔ̀ŋ wo nyùùŋ màŋjɛ̀wɛ̀im wɔ̀ e Kànà àìjɛnɛ̀ɛŋ sùà wò yaà mààŋ wo kɛ̀ɛ̀nɛ̀ŋ ko gboo wo yèɔ fulià manɛ̀ŋ jɛi yèè manɛ̀ŋ gɔu e yìwìà ko saaŋ bàànè manɛ̀ŋ hàauŋ niìŋ.”

Maafiù 2:3

E teengaà wo Kanaà Hɛɛlɔ̀ naŋ wa tɛɛ̀ kòmò lɛ, ke jiiuŋ nɛɛ̀ŋ naŋ wa mɔɔnɛ̀ŋ e hààwè anyùùŋ nyaŋ gbiŋ ko Jùlusɛ̀làm e nyaàiŋ dè ebò bi.

Maafiù 2:5

Aŋ nàuŋ fasai nyààŋ, “Àŋ douŋ nàŋ kùmìè ko jawaì àŋ nyaaŋ ko Bɛfilehɛɛ̀ŋ lɛ, wɔŋ fùɔ̀ŋ Jùdiàa sùà, e fèfoo tɛɛ̀ wo kèèlà Dayàa naŋ wa sìngè wààŋ,

Maafiù 21:15

Aŋ kànà sìèfèìŋ zòòlo nyàŋ yèè aŋ kààmɔ̀ɔ̀ŋ maŋ Sàwà Dayà nyaŋ naŋ wa tuù, nààŋ àŋ naŋ wa yɛ̀mɛ̀ maŋ kèè mèè maŋ wo Jisɛ̀ yaà wa nyinie màŋ, yèè aŋ jɔ̀àkàiŋ jɔa nyàŋ yaà wa kpàaŋ sùà ko Saaŋ Zòòlò Dayài àŋ yaà woo nyààŋ, “E tɛ̀nɛŋ nɔ̀ŋ koɓɛ̀ wo Jɔ̀àfèlàà Dèèweɔ̀!”

Maafiù 21:23

Wo Jisɛ̀ naŋ wa kɛ̀ɛ̀ ko Saaŋ Zòòlò Dayài, yèè aŋ kànà sìèfèìŋ zòòlo nyàŋ yèè aŋ màmànkùmɛ̀ŋ fuɔŋ nyàŋ naŋ hnè ko nɛ̀ɛ̀uŋ niìŋ yèè àŋ nauŋ dawè nyààŋ, “Gààŋ ɓòò sùà mùŋ yaà nyìnìè maŋ keì mààŋ mɛɛ̀ŋ? Yèè ɓòò naum kìɛ̀ŋ e gààŋ bì?”

Maafiù 26:3

Kpeiŋ aŋ kànà sìèfèìŋ zòòlo nyàŋ yaà aŋ màmànkùmɛ̀ŋ fuɔɔ̀ŋ naŋ dèènè koɓɛ̀ guùŋ ko jɔ̀ɔ̀lègbèè ko gbòò Kaifɔ̀, wo Kànà Sìèfeìŋ Zòòlo Gbeeɔ̀.

Maafiù 26:47

E gò wa pɛɛ jùà wo Jisɛ̀ nyààŋ nààŋ wo Juɗà, wo nyùùŋ màŋjɛ̀wɛ̀ zììyà jɛ̀wɛ̀ tìyèeɔ̀ bà guùŋ, nao haì. Wò naŋ hìɛ̀ŋ anyuùŋ zimgbe àŋ kuwa maŋ kòyà ɗùà yèè maŋ kuù kpuu kpùù. Aŋ kànà sìèfèìŋ zòòlo gbee nyàŋ, yèè aŋ màmànkùmɛ̀ŋ nyàŋ naŋ nyiŋ wa tùɔ̀ŋ.

Maafiù 27:1

Maŋ nyiìŋ tɛ̀tɛ̀ aŋ kànà sìèfèìŋ zòòlo nyàŋ gbiŋ yèè aŋ màmànkùmɛ̀ŋ fuɔɔ̀ŋ, naŋ nyɛ̀nɛ̀ŋ e ɗèwe nyiŋ nɛ̀ wèè aŋ jìwà wo Jisɛ̀.

Maafiù 7:29

Wò naŋ nyiŋ wa kaà mààŋ wo nyuùŋ kùwìè e gààŋ. E kàauŋ nɛ̀ gò wa tèènè è kàà àŋ kààmɔ̀ɔ̀ŋ màŋ Sàwà Dayà nyaŋ bà.

Luù 20:19

Aŋ kààmɔ̀ɔ̀ŋ maŋ Sàwà Dayà nyaŋ yaà aŋ kànà sìèfèìŋ zòòlo nyàŋ, naŋ kàmè ɗewe wèè aŋ kùwà wo Jisɛ̀ ko fɛɛ̀feìŋ, esaɓù àŋ wa nyìmàŋ kɛ̀ ke kàɓanèɛ wò naŋ gè lɛ, kɛ̀ nyiiŋ wò sɔ̀à. Kɛɛ àŋ duɔŋ wa e faaàŋ.

Luù 23:10

Kpeiŋ aŋ kànà sìèfèìŋ zòòlo nyàŋ yèè aŋ kààmɔ̀ɔ̀ŋ maŋ Sàwà Dayà nyaŋ naŋ sie yèè àŋ naŋ gbùwò wo Jisɛ̀ maŋ keì naanààŋ zimgbe ɗi.

Jɔ̀ɔŋ 18:3

Nààŋ wo Juɗà naŋ wa jɔ̀ɔ̀ e ɗààhiì wèè wo maàŋ wo Jisɛ̀, wò naŋ wa kɔ̀ ko kpòkpòi. Kɛɛ wò naŋ wa kɔ̀ɔ̀ ke gbòò aŋ kààlòòɗùà Luùm nyaŋ bà, yèè anyuùŋ tùnìàŋ ke Saaŋ Zòòlò Dayà nyaŋ bà, aŋ yè nyaŋ aŋ kànà sìèfèìŋ zòòlo nyàŋ yèè Fɛlosiì nyaŋ naŋ wa tùɔ̀ŋ wèè aŋ kùwà wo Jisɛ̀. Nààŋ àŋ yaà wa kɔɔyɛ, àŋ naŋ kɔ̀ɔ̀ maŋ sìngà mɛ̀ɛŋ, maŋ laumpò, yèè manɛ̀ŋ sùmiaŋ ko kààmè Jisɛ̀.

Jɔ̀ɔŋ 3:10

Wo Jisɛ̀ nauŋ fasaì wààŋ, “Mùŋ yaà wo kààmɔɔŋ kɛnɛ anyùùŋ nyaŋ naŋ nyìmè ko Ezɔ̀ɛ̀ wèè maŋ maŋ Sàwà Dayà maŋ kàa, yèè mààŋ muŋ nyimààŋ tɛɛ̀?

Jɔ̀ɔŋ 7:32

Nààŋ aŋ Fɛlosiì nyaŋ naŋ kòmò e yèɛ anyùùŋ nyaŋ yaà wa woo lɛ̀ e nyaàiŋ dè wo Jisɛ̀, nyiŋ yèè aŋ kànà sìèfèìŋ zòòlo nyàŋ naŋ tùɔ̀ŋ anyuùŋ tùnìàŋ ke saaŋ zòòlò Dayà nyaŋ bà wèè aŋ kùwà wo Jisɛ̀.

Jɔ̀ɔŋ 8:3

Aŋ kààmɔ̀ɔ̀ŋ maŋ Sàwà Dayà nyaŋ yèè aŋ Fɛlosiì nyaŋ bà naŋ hìɛ̀ŋ wo nìe bà wo yèɔ àŋ naŋ kùwò wèè e hmɔŋtu nyɛ̀nɛŋ. Kpeiŋ àŋ naŋ sèèlè wo nìeɔ̀ nyiŋ gbiŋ ko fɛɛ̀feìŋ.

Nyɛ̀nɛ̀ŋ 23:9

Yèè maŋ mìè kpààŋ e nyaàŋ tàaŋ nyiŋ nɛ̀ naŋ dɛ̀kɛ̀ò sùà. Aŋ kààmɔ̀ɔ̀ŋ maŋ Sàwà Mòòze nyàŋ bà nyiŋ yaà wa aŋ Fɛlosiì. Ko diemeì, aŋ Fɛlosiì nyaŋ naŋ tuù yèè àŋ naŋ woò nyààŋ, “E gòiŋ yɛ̀mɛ̀ è keì naanààaŋ wò felaa wɛɛ̀ naŋ nyɛ̀nɛ̀ŋ lɛ. È wɛ̀i ɓɛ̀nɛ̀ŋ nɔ̀ɔŋ kɛ̀ wo jinàŋ ɔ̀ɔ̀ wo màikà naŋ gbòò ko nɛ̀ɛ̀uŋ niìŋ.”

Nyɛ̀nɛ̀ŋ 4:5

Wɔŋ niìsìaà bàa, anyùùŋ gbèègbèè aŋ Juùù nyaŋ, aŋ màmànkùmɛ̀ŋ fuɔŋ nyàŋ, yèè aŋ kààmɔ̀ɔ̀ŋ maŋ Sàwà Dayà nyaŋ naŋ dèènè ko Jùlusɛ̀làm.

Nyɛ̀nɛ̀ŋ 6:12

Tɛɛ̀ naŋ nyɛ̀nɛ̀ŋ anyùùŋ nyaŋ, aŋ màmànkùmɛ̀ŋ fuɔŋ nyàŋ yaà aŋ kààmɔ̀ɔ̀ŋ maŋ Sàwà Dayà nyaŋ, aŋ kɛ̀ɛ̀nɛ̀ŋ maŋ jii fiìì wèè Siiwììŋ. Àŋ naŋ kùwò wo Siiwììŋ yèè àŋ nauŋ kɔ̀ɔ̀ koɓɛ̀ anyùùŋ gbèègbèè fuɔŋ nyàŋ.