Maafiù 2:23 - WƆŊ FƐ̀Ì EBÒ SÌÀŊ DAYÀA

²³ Yèè wo Jòòsɛ naŋ kɔ̀ɔ̀ ke kpoouŋ nɛɛ̀ŋ yèè àŋ naŋ jɛ̀ì ko jawaì àŋ nyaaŋ ko Naazɔ̀ɛ̀ lɛ. Tɛɛ̀ naŋ wa kaaìŋ wèè kɛ̀ e nyɛ̀nɛ̀ŋ e nɛ̀ɛŋ wo wɛ̀ijìɔ naŋ wa woò lɛ e hɛɛnɛ̀ŋ kɛ̀, “Àŋ douŋ nàŋ nyààŋ wo jɔ̀à kùmìàŋ ko Naazɔ̀ɛ̀.”

Maafiù 2:23 ပူးပေါင်းရင်းမြစ်များ

Maafiù 1:22

Tɛɛ̀ gbiŋ naŋ wa kaaìŋ wèè e nyɛ̀nɛ̀ŋ e yèɛ wo Kanaà naŋ wa woò lɛ, màànààŋ wò naŋ wa gbùùyè wo wɛ̀ijìɔ sùà lɛ e hɛɛnɛ̀ŋ.

Maafiù 21:11

Anyùùŋ nyaŋ e faaàŋ sùà naŋ fasàì nyààŋ, “Wo Jisɛ̀ wɛɛ̀, wo wɛ̀ijìɔ e yìwìà ko Naazɔ̀ɛ̀ wɔŋ fùɔ̀ŋ Galaliìɔ.”

Maafiù 26:71

Kpeiŋ nààŋ wò naŋ fòlò wò naŋ kɔ̀ ekàmààŋ wɔŋ gbàngiɔ̀ yɛmgbɛ̀, wo jɔùŋ ɓɔìjɔ̀àa bà guùŋ nauŋ noo yɛmɛ̀ wò siao yèè wò naŋ tɔ̀ɔ̀tù anyùùŋ nyaŋ siao nyàŋ wòo wààŋ, “Wo felaa wɛɛ̀ yaà wo Jisɛ̀ e yìwìà ko Naazɔ̀ɛ̀ yaà weè koɓɛ̀ guùŋ!”

Luù 1:26

Nààŋ wo Ìlesebɛ̀ɛ̀ yaà wa naàŋ e sùà maŋ wàà nɔɔnɔŋ diè gunùuŋ, wo Dayà naŋ tùɔ̀ŋ wo màikàa àŋ nyaaŋ Geeɓulɛ̀ wɔ, ko jawaì àŋ nyaaŋ Naazɔ̀ɛ̀ wɔŋ fùɔ̀ŋ Galaliìɔ sùà.

Luù 18:37

Yèè anyùùŋ nyaŋ naŋ woò nyààŋ, “Wo Jisɛ̀ e yìwìà ko Naazɔ̀ɛ̀ nàŋ yaà màaŋ sùà.”

Luù 2:39

Nààŋ àŋ naŋ wa kpɛ̀ɛ̀yɛ̀ nyɛ̀nɛ̀ŋ e langiɛ̀ ke Sàwà Kanaà naŋ woò lɛ, àŋ naŋ kɛ̀ɛ̀ maŋjɛ̀wɛ ko Galaliì, ko jawa nyiŋ niìŋ Naazɔ̀ɛ̀.

Jɔ̀ɔŋ 18:5

Yèè àŋ naŋ fasàì wo Jisɛ̀ nyààŋ, “È yààìŋ kààmè wo Jisɛ̀ e yìwìà ko Naazɔ̀ɛ̀.” Yèè wo Jisɛ̀ naŋ nyiŋ fasàì wààŋ, “Miàŋ nàŋ yaà wo Jisɛ̀.” Wo Juɗà, wo yèɔ naŋ wa mààŋ wo Jisɛ̀ wɔ sìà nyiìŋ wa kɔɔ.

Jɔ̀ɔŋ 18:7

Yèè wo Jisɛ̀ naŋ nyiŋ ɓɛìŋ dawè wààŋ, “Ɓòò nìŋ yaà kaame?” Yèè àŋ naŋ ɓɛìŋ fàsàì wo Jisɛ̀ nyààŋ, “È yààìŋ kààmè wo Jisɛ̀ e yìwìà ko Naazɔ̀ɛ̀.”

Jɔ̀ɔŋ 19:19

Wo Paalè naŋ wa kpùùnyɛ̀ŋ wɔŋ fɛi kpuu wɔŋ vànèkpaaà wo Jisɛ̀ kpuunyaŋ wa diɛŋ wɔ̀ŋ wààŋ, “Wo Jisɛ̀ e yìwìà ko Naazɔ̀ɛ̀, wo Kànà aŋ Juùù nyaŋ.”

Nyɛ̀nɛ̀ŋ 2:22

Wo Pììlɛ naŋ ɓɛìŋ woò wààŋ, “Nyɛ̀iŋ nààŋ nyùùŋ Ezɔ̀ɛ̀ nyaŋ, kùmiaìŋ e yèɛ mìŋ yaà hinie kaiŋ woò lɛ! Wo Jisɛ̀ e yìwìà ko Naazɔ̀ɛ̀ yaà wa wo felaa wo yèɔ wo Dayà naiŋ wa tɔɔ̀ kɛ̀ wuŋ nauŋ tùɔ̀ŋ, e yìwìà maŋ kèè mèè gbeegbèè yaà maŋ tɔ̀ɔ̀màŋsìè maŋ keì maŋ wo Dayà wuŋ bi naŋ wa nyɛ̀nɛ̀ŋ màŋ naŋ kaaìŋ maŋ esàɓù wo Kanaà Jisɛ̀ sùà. Nyɛ̀iŋ bi nàŋ tɛɛ̀ nyìmàŋ, esaɓù kɛ̀ è naiŋ wa kià kàìŋ ko fɛɛ̀fenìiŋ.

Nyɛ̀nɛ̀ŋ 24:5

Wo felaa wɛɛ̀ yaà wo nyuùŋ dàà ke gbòà yèè ke kpùùnɛɛ̀ wèè aŋ Juùù nyuuŋ nyaŋ e ɗuunyaàŋ gbiŋ sùà. Wò yaà ɓɛìŋ wo ɓɛ̀màŋɗì ke gbòò bà e yìwìà ko Naazɔ̀ɛ̀.