Maafiù 2:2 - WƆŊ FƐ̀Ì EBÒ SÌÀŊ DAYÀA

² yèè àŋ naŋ dawè nyààŋ, “Kàmààŋ kòò àŋ naŋ kùmìè wo jɔ̀àa wo yèɔ do nàŋ nɔ̀ŋ wo kànà aŋ Juùù nyaŋ wɔ̀? È naiŋ yɛ̀mɛ̀ wɔŋ ɗuuŋ nɔɔ̀ŋ ko fùlìè gɔɛɛ̀ yèè è naiŋ hnè wèè euŋ kìɛ̀ŋ ɓɛ̀ɛ̀jàa.”

Maafiù 2:2 ပူးပေါင်းရင်းမြစ်များ

Maafiù 2:3

E teengaà wo Kanaà Hɛɛlɔ̀ naŋ wa tɛɛ̀ kòmò lɛ, ke jiiuŋ nɛɛ̀ŋ naŋ wa mɔɔnɛ̀ŋ e hààwè anyùùŋ nyaŋ gbiŋ ko Jùlusɛ̀làm e nyaàiŋ dè ebò bi.

Maafiù 21:5

“Wòoìŋ anyùùŋ nyaŋ ko jawa gbee Zanyɔ̀ŋ nààŋ, ‘Yɛ̀mɛìŋ, wo kanaiŋ nɔɔ̀ŋ kòò wò yaà hìnìè ko nɛ̀ɛ̀iŋ niìŋ. Wò naŋ dèèyè wuŋ bi yèè wò jaa wo sòo bɔwɔ jɔa diɛŋ wo jɔ̀à ɗòsòo.’ ”

Maafiù 27:11

Wo Jisɛ̀ naŋ sìè wo kànà anyùùŋ ko Luùm nyaŋ ko fɛɛ̀feìŋ yèè wo Paalè nauŋ dawè wààŋ, “Muàŋ nàŋ yaà wo kànà aŋ Juùù nyaŋ?” Wo Jisɛ̀ naŋ fasàì wààŋ, “Nyɛ̀iŋ naŋ yɛi woò.”

Luù 19:38

Àŋ yaà wa kpàaŋ sùà àŋ yaà woo nyààŋ, “Wo Dayà kpuumàŋ wo kanaà hnàŋ e dèè Kanaà diɛŋ wɔ̀! Ke jii fàa nɔ̀ŋ ko àìjɛnɛ̀ŋ yèè e jòòwo nɔ̀ŋ koɓɛ̀ Dayài!”

Luù 2:11

Nàaŋ ke ɗɔɔ yɛɛ̀ ko jàwà Dèèweì, àŋ kòmàŋ wo Nyuùŋ Jòèyeiŋ nɔɔ̀ŋ, wuŋ nàŋ yaà wo Jisɛ̀ Kulaì wo Kanaà.

Luù 23:3

Kpeiŋ wo Paalè naŋ dawè wo Jisɛ̀ wààŋ, “Muàŋ nàŋ yaà wo kànà aŋ Juùù nyaŋ?” Wo Jisɛ̀ naŋ fasàì wààŋ, “E yaà màànààŋ mùŋ naŋ woò lɛ.”

Luù 23:38

E sìnga wɔŋ fɛi kpuu diɛŋ sɛɛ wa wɔŋ vànèkpàà Jisɛ̀ɔ diɛŋ è naŋ woò wààŋ, “Wɛɛ̀ nàŋ yaà wo Kànà aŋ Juùù nyaŋ.”

Jɔ̀ɔŋ 1:49

Wo Nàntanyàŋ naŋ fàsàì wo Jisɛ̀ wààŋ, “Kààmɔɔŋ, muàŋ nàŋ yaà wo Jɔ̀àfèlàà Dayàa yèè wo Kanaà wèè ko Ezɔ̀ɛ̀.”

Jɔ̀ɔŋ 12:13

Anyuùŋ zimgbe naŋ wa kɛ̀ɛ̀ maŋ sie saŋ e yìwìà maŋ sie kuu màŋ sùà yèè àŋ naŋ kɔ̀ wèè aŋ ɓeè wo Jisɛ̀ ko dòmaìŋ. Anyùùŋ nyaŋ yaà wa kpàaŋ sùà nyààŋ, “Tɛ̀nɛ̀ŋ wiìŋ wo Dayà! Wo Dayà kpuumàŋ wo nyùnɔ̀ɔŋ hnàŋ e dèè kanaà diɛŋ wɔ̀! Wo Dayà kpuumàŋ wo Kànà Ezɔ̀ɛ̀ɔ!”

Jɔ̀ɔŋ 18:37

Kpeiŋ wo Paalè nauŋ dawè wààŋ, “Weètii mùŋ yaà wo kana?” Wo Jisɛ̀ naŋ fasàì wààŋ, “Nyɛ̀iŋ naŋ woò nààŋ mìŋ yaà wo kana. Mìŋ naŋ wa hnè e ɗuunyaŋ lɛɛ̀ wèè ka nɔ̀ŋ wo kana, yèè ɓɔɔɓɔɔ wèè ka wòò anyùùŋ nyaŋ e ɗuunyaŋ lɛɛ̀ e tɔ̀ɔ̀nyaàaŋ. Anyùùŋ tɔ̀ɔ̀nyaàŋ nyaŋ komo ke miè miɛ̀ŋ yèè àŋ jɔɔlɔ̀ nyiìŋ dìì nyaŋ.”

Jɔ̀ɔŋ 19:19

Wo Paalè naŋ wa kpùùnyɛ̀ŋ wɔŋ fɛi kpuu wɔŋ vànèkpaaà wo Jisɛ̀ kpuunyaŋ wa diɛŋ wɔ̀ŋ wààŋ, “Wo Jisɛ̀ e yìwìà ko Naazɔ̀ɛ̀, wo Kànà aŋ Juùù nyaŋ.”

Jɔ̀ɔŋ 20:28

Wo Tàmaŋ naŋ fàsàì wo Jisɛ̀ wààŋ, “Muàŋ nàŋ yaà wo Kana miɔ̀ŋ yèè wo Dayà miɔ̀ŋ!”

Jɔ̀ɔŋ 5:23

Wo Dèda miɔ̀ŋ manaŋ anyùùŋ nyaŋ gbiŋ aŋ kìɛ̀ŋ miàim wo Jɔ̀àfelaauŋ nɔɔ̀ŋ e ɓɛ̀ɛ̀jàa, màànààŋ nɔŋ àŋ kiɛ̀uŋ e ɓɛ̀ɛ̀jàa lɛ̀. Sèè wo nyùùŋ gbiŋ gè maŋhɛɛ wèè wo kìɛ̀ŋ miàim wo Jɔ̀àfelaauŋ nɔɔ̀ŋ e ɓɛ̀ɛ̀jàa, kɛ̀ wò gè maŋhɛɛ wèè wo kìɛ̀ŋ e ɓɛ̀ɛ̀jàa koɓɛ̀ wo Dèda miɔ̀ŋ naim tɔ̀ùŋ wɔ.

Jɔ̀ɔŋ 9:38

Wo felaaà naŋ fasàì wààŋ, “Kanaà, kàum sìà e hààwe mɛ̀ ko sùà!” wò naŋ dè maŋ gɛ̀ɛ̀nùuŋ màŋ ko dììnaŋ yèè wò naŋ kìɛ̀ŋ wo Jisɛ̀ e ɓɛ̀ɛ̀jàa.

Hiɓu 1:6

Kɛɛ wèè paŋ wo Dayà tùàŋ wa wo Jɔ̀àfelaa kòmaŋ jiɛjiɛɛ̀uŋ nɔɔ̀ŋ koɓɛ̀ anyùùŋ nyaŋ e ɗuunyaàŋ, wò naŋ woò wààŋ, “Aŋ màìkà Dayà nyaŋ gbiŋ kuwa auŋ zoolò.”

Maŋ kèì nyɛɛnɛŋ 22:16

“Miàim Jisɛ̀, Kà tùàŋ wo màikà miɔ̀ŋ wèè wo woò ke mìè seì yɛɛ̀ ko nɛ̀ɛ̀iŋ niìŋ nyɛ̀iŋ nààŋ anyuùŋ hààwe nyàŋ gbiŋ. Mìŋ yaà e gùlò e yìwìà ke kpòò Dèèweɛ̀ sùà. Miàŋ nàŋ yaà wɔŋ ɗù maŋ nyiìŋ tɛ̀tɛ̀ɔ mɛɛŋ wɔ̀ŋ.”