Maafiù 2:13 - WƆŊ FƐ̀Ì EBÒ SÌÀŊ DAYÀA

¹³ E teengaà anyuùŋ kɛ̀ɛ̀jii nyàŋ naŋ wa kɛ̀ɛ̀ maŋjɛ̀wɛ lɛ̀, wo màìkà wo Kanaà Dayà naŋ fòlò wo Jòòsɛ feìŋ e gɔagòo sùà yèè wò nauŋ woò wààŋ, “Wo Hɛɛlɔ̀ do nàŋ nɔ̀ɔ̀ŋ kààmè wo jɔ̀àa wèè wouŋ jìwà. Weètii yewà dìì muŋ ɓemè wo jɔ̀àa yaà wo yèyeuŋ nɔɔ̀ŋ niŋ ka wɔŋ fùɔ̀ŋ Ijèɔ sùà maŋ dùaŋ dùaŋ. Yèè jèeiŋ noo e jèèsùà kaiŋ woò kɛ̀ kiìŋ nìŋ do nàŋ nyɛ̀nɛ̀ŋ.”

Maafiù 2:13 ပူးပေါင်းရင်းမြစ်များ

Maafiù 1:20

E teengaà wo Jòòsɛ yaà wa goongo wèè wo tɛɛ̀ nyɛ̀nɛ̀ŋ lɛ, wo màìkà Kanaà Dayà nauŋ fòlò feìŋ e gɔagòo sùà yèè wò naŋ wòò wo Jòòsɛ wààŋ, “Jòòsɛ, jɔ̀àfèlàà Dèèweɔ̀, e jùù ɓɔ̀ è nyɛ̀nɛ̀um wèè mùŋ do ɓèmè wò Mèèle wò do nɔ̀ŋ wò jawèum. Esaɓù kɛ̀, e gààŋ Jìnàŋ Nɛɛmaàŋ sùà wò naŋ ɓèmè le sùà.

Maafiù 10:23

Yèè sèè anyùùŋ aiŋ nimilà ko jàwà ɗì guùŋ, dùaàŋ niŋ ka ko jawa joo. Yèè tɔ̀ miŋ woòiŋ e tɔɔɓaaà kɛ̀, niŋ naàŋ kpɛ̀ɛ̀yɛ̀ è tòmoiŋ nɛ̀ màŋ jawa màŋ gbiŋ wɔ̀ŋ fùɔ̀ŋ Ezɔ̀ɛ̀ɔ sùà paŋgàà miàim wò Jɔ̀àfèlàà Nyuùŋ Kpùnɔɔ̀ŋ mìŋ hnàŋ.

Maafiù 2:12

Yèè wo màìkà Dayàa naŋ kìɛ̀ŋ anyuùŋ kɛ̀ɛ̀jii nyàŋ e go e gɔagòo sùà kɛ̀ ɓɔ̀ àŋ kɛɛ̀ ɓɛìŋ kòɓɛ̀ Hɛɛlɔ̀i, yèè àŋ naŋ wa ɓèmè ke dòmaŋ joo àŋ naŋ kɔ̀ fuɔŋ nyiŋ.

Maafiù 2:14

Wo Jòòsɛ naŋ yèwè dìì yèè wò naŋ ɓèmè wo jɔ̀àa yaà wo yèyeuŋ nɔɔ̀ŋ wɔŋ dùùm wiiŋ yèè àŋ naŋ kɔ̀ ko Ijè.

Maafiù 2:16

Nààŋ wo Hɛɛlɔ̀ naŋ wa nyìmè kɛ̀ anyuùŋ kɛ̀ɛ̀jii nyàŋ àuŋ zuwò, wò naŋ wa tuù. Yèè wò naŋ kìɛ̀ŋ e gààŋ koɓɛ̀ aŋ kààlòòɗùàuŋ nyàŋ wèè aŋ jìwà aŋ felaajɔa nyàŋ gbiŋ e fèèmàŋ maŋ dòà tìyèe e dèyà koɓɛ̀ aŋ kòmaŋ jɛ̀ì nyaŋ ko Bɛfilehɛɛ̀ŋ yèè maŋ kpàlàùŋ kpàlàùŋ maŋ gbiŋ sùà ko Bɛfilehɛɛ̀ŋ. Tɛɛ̀ zà naŋ wa kaaìŋ esàɓù e nɛ̀ɛŋ aŋ nyuùŋ kɛ̀ɛ̀jii nyàŋ naŋ wa wòò wo Hɛɛlɔ̀ lɛ e nyaàiŋ dè e teengaà àŋ naŋ wa yɛ̀mɛ̀ wɔŋ ɗuɔ̀ ko fùlìè gɔɛɛ lɛ.

Maafiù 2:22

Kɛɛ nààŋ wo Jòòsɛ naŋ wa kòmò kɛ̀ wo Àkiiliɔ̀ dè ebɛ̀ŋ wo dèdauŋ nɔɔ̀ŋ Hɛɛlɔ̀, wèè wo nɔ̀ŋ wo kànà fuɔɔ̀ŋ wèè wɔŋ fùɔ̀ŋ Jùdiàa, e jùùɛ naŋ wa nyɛ̀nɛ̀ŋ wo Jòòsɛ wèè woo ka. Kpeiŋ e gɔagòo sùà, wo Dayà nauŋ woò wààŋ wo ka wɔŋ fùɔ̀ŋ Galaliìɔ sùà.

Nyɛ̀nɛ̀ŋ 10:22

Aŋ felaa nyàŋ naŋ fasàì yèè àŋ naŋ kìɛ̀ŋ mìè seì nyààŋ, “Wo nyùùŋ gbèè aŋ kààlòòɗùà nyaŋ, wo Kɔ̀nilìɔ̀ naŋ wi tùɔ̀ŋ. Wò yaà wo nyùùŋ tɔ̀ɔ̀nyaàŋ yèè wò duɔŋ Dayà. Anyùùŋ nyaŋ gbiŋ wɔŋ fùɔ̀ŋ aŋ Juùù nyaŋ sùà mànaùŋ yèè àŋ kuwa ɓɛ̀ɛ̀jàa weèuŋ. Wo màìkà Dayàa nauŋ woò kɛ̀ wo tùàŋ weèum muŋ ka ko gboouŋ noo wèè wo kòmàŋ e yèɛ mùŋ kuwa mauŋ woò lɛ.”

Nyɛ̀nɛ̀ŋ 10:7

Yèè wo màikàa naŋ kɔ̀ nààŋ wò nauŋ kpɛ̀ɛ̀yɛ̀ kɔɔ gbòa. Wo Kɔ̀nilìɔ̀ naŋ nyààŋ aŋ ɓɔìjɔ̀à tòmouŋ nyàŋ àŋ tìyèe yèè wo kààlòòɗùàuŋ nɔɔ̀ŋ bà guùŋ, wo yèɔ hewa zòòlò Dayà wɔ.

Nyɛ̀nɛ̀ŋ 12:11

Yèè wo Pììlɛ naŋ ngàà hnè wuŋ bi sùà yèè wò naŋ woò wààŋ, “Kà ngàà nyìmàŋ tɔɔɓaa, kɛ̀ wo Kanaà naŋ tùɔ̀ŋ wo màikàuŋ nɔɔ̀ŋ wèè woim joeyè e yìwìà wo Hɛɛlɔ̀ yèè anyùùŋ gbèègbèè aŋ Juùù nyaŋ sìwè wèè e keì naanààaŋ kinɛiŋ àŋ naŋ ɗewè wèè aim kaaìŋ lɛ.”

Nyɛ̀nɛ̀ŋ 12:7

Ko fɛɛ̀feìŋ wo màìkà wo Kanaà nao haì, yèè e hmɔɔ̀ŋ mɛ̀ɛŋ naŋ dè ko sààŋ nyìwìi e gbàì ko gbiŋ. Wò naŋ mɛ̀ɛ̀mɛ̀ɛ̀ŋ wo Pììlɛ wɔŋ gbaŋ yèè wò nauŋ tùngò. Yèè wo màikàa nauŋ woò wààŋ, “Yewà dìì fiò.” Yèè maŋ jɔ̀ɔɔ màŋ yàùŋ maŋ kùàŋ maŋ naŋ filè maŋ sɔ̀à.

Nyɛ̀nɛ̀ŋ 16:36

Yèè wo nyùnɔ̀ɔŋ gbiɛŋ wo nyùùŋ ko sààŋ nyìwìi wɔ̀ naŋ wòò wo Pɔɔ̀ wààŋ, “Anyuùŋ gbeegbèè nyaŋ nyààŋ miŋ dangèiŋ niŋ ka. Weètii nàŋ ɓɛ̀nɛ̀ŋ kàa ke jii fàa sùà.”

Nyɛ̀nɛ̀ŋ 5:19

Kɛɛ wɔŋ dùùm wiiŋ wo màìkà Kanaà Dayàa naŋ yìlè wɔŋ gbèmgbèè ko sààŋ nyìwìi, wo nyiŋ fulià, yèè wò naŋ nyiŋ woò wààŋ,

Nyɛ̀nɛ̀ŋ 7:19

Wò kaaɓì wa aŋ nèwàènèwe wi nyàŋ yèè wo nyiŋ ɓùlà, wo nyiŋ nyɛ̀nɛ̀ŋ aŋ gbìàŋ aŋ jɔaa bɔwɔ nyiŋ nyàŋ ko jɔɔlèei wèè aŋ fà.

Maŋ kèì nyɛɛnɛŋ 12:14

Wo Dayà naŋ wa kìɛ̀ŋ wo nìeɔ̀ maŋ gbàŋ tìyèe, mààŋ maŋ jè wo gèègònyaaŋ gbee, wèè wo wòwà wo dùàŋ wo kaìɔ sìwè, wo ka ke fòùngà e diì wòaà sùà. Kuŋ wò do nàŋ nɔ̀ŋ wo Dayà wouŋ yɛ̀mɛ̀ diɛŋ wèè maŋ dòà taai gbànaŋ.

Maŋ kèì nyɛɛnɛŋ 12:4

Wo kaì gbeeɔ̀ naŋ wa tòòmò ke kiàuŋ nɛɛ̀ŋ yèè wò naŋ gɔ̀ɛ̀ɛ̀ maŋ ɗu màŋ, sèè àŋ goonàŋ miìŋ e ɗì taai, e ɗì guùŋ e yìwìà ke nyiliɛ̀ yèè wò naŋ miŋ dàà ko dììnaŋ. Wò naŋ sìè wo nìeɔ̀ fɛɛ̀feìŋ, wèè kɛ̀ sèè wo nìeɔ̀ komo nɔŋ fa, wo mìàŋ wo jɔ̀àuŋ nɔɔ̀ŋ.

Maŋ kèì nyɛɛnɛŋ 12:6

Wo nìeɔ̀ naŋ wa dùɔ̀ŋ yèè wò naŋ kɔ̀ koɓɛ̀ bà, ko yèi wo Dayà naŋ wa banebànè weèuŋ ke fòùngà e diì wòaà sùà. Kuŋ wò do wa nàŋ nɔ̀ŋ wo Dayà yàaùŋ yɛ̀ɛ̀mɛ̀ diɛŋ wèè maŋ ɗɔɔ tààsùùŋ guùŋ hɔ̀nɔ̀ɔ̀ tìyèe kpɛ̀ùŋ taai (1,260).