Maafiù 19:21 - WƆŊ FƐ̀Ì EBÒ SÌÀŊ DAYÀA

²¹ Wo Jisɛ̀ nauŋ woò wààŋ, “Sèè mùŋ mɔnɔŋ wèè maŋ nɔ̀ŋ wo nyùùŋ tɔ̀ɔ̀nyaàŋ, kɔ̀à mààŋ manɛ̀ŋ siwèum màŋ gbiŋ muŋ kiɛ̀ŋ e nɛɛnɛɛ̀ŋ anyuùŋ pɔ̀ɔ nyàŋ, kɛ̀ màŋ kɛ̀ɛ̀nɛ̀ŋ e sùlò ko àìjɛnɛ̀ŋ. Kpeiŋ muŋ hnàŋ muŋ dèim maŋjɛ̀wɛ.”

Maafiù 19:21 ပူးပေါင်းရင်းမြစ်များ

Maafiù 16:24

Kpeiŋ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Sèè wo nyùùŋ gbiŋ manaŋ wèè woim dè maŋjɛ̀wɛ, sɔɔ̀ wo gììyà wuŋ bi maŋhɛɛ, wo ɓèmè wɔŋ vànèkpaauŋ nɔɔ̀ŋ, yèè woim dè maŋjɛ̀wɛ.

Maafiù 19:20

Wo kɔmɔŋ jɔaà naŋ woò wààŋ, “Kààmɔɔŋ, kà kùwà maŋ sàwà mɛɛ̀ŋ gbiŋ. Kiìŋ naŋ ɓɛìŋ joo wèè ka nyɛ̀nɛŋ?”

Maafiù 19:22

Nààŋ wo kɔmɔŋ jɔaà naŋ wa tɛɛ̀ kòmò, wò naŋ nɔ̀ŋ ɗoomɛɛŋ yèè wò naŋ kɔ̀ɔ̀ ke jii mɔ̀ɔ̀nɛŋ, esaɓù kɛ̀ wò kuwa wa e bàne zimgbe.

Maafiù 19:28

Wo Jisɛ̀ naŋ nyiŋ fasàì wààŋ, “Tɔ̀ miŋ woòiŋ e tɔɔɓaaà kɛ̀, nìŋ yaà anyùùŋ màŋjɛ̀wɛ̀im. Yèè e ɗuunyaŋ jɛiɛ̀ do nàŋ hnè lɛ, sèè miàim wo Jɔ̀àfèlàà Nyuùŋ Kpùnɔɔ̀ŋ mìŋ jaà wa nàwèè ke kpùà e jòòwo gbee miɛ̀ŋ diɛŋ wèè ka kɛ̀ɛ̀ kana, nìŋ do nàŋ jɛ̀ì maŋ kpùà kana diɛŋ, màŋ zììyà jɛ̀wɛ̀ tìyèe wèè naŋ gbàì maŋ zìì ɗì zììyà jɛ̀wɛ̀ tìyèe màŋ ko Ezɔ̀ɛ̀.

Maafiù 4:19

Wo Jisɛ̀ naŋ nyiŋ woò wààŋ, “Dè nìim maŋjɛ̀wɛ, mìŋ doiŋ nàŋ nyɛ̀nɛ̀ŋ naŋ hìàŋ anyùùŋ koɓɛ̀ Dayài.”

Maafiù 5:48

Nìŋ kuwa naŋ nɔ̀ŋ anyùùŋ tɔ̀ɔ̀nyaàŋ, màànààŋ nɔŋ wo Dèdaiŋ nɔɔ̀ŋ ko àìjɛnɛ̀ŋ yaà lɛ.

Maafiù 8:22

Wo Jisɛ̀ naŋ fasàì wààŋ, “Dèim maŋjɛ̀wɛ, dàngè anyùùŋ nyaŋ naŋ gàngà wèè aim dè maŋjɛ̀wɛ nyàŋ, nààŋ àŋ yaà fàa nyiŋ wo Jinàaŋ sùà nyaŋ, aŋ sìà anyuùŋ fàa nyiŋ nyàŋ.”

Maafiù 9:9

Nààŋ wo Jisɛ̀ naŋ wa yèwè koɓɛ̀ wii wò yaà kɔɔyɛ, wò naŋ yɛ̀mɛ̀ wo Maafiù, wo nyuùŋ kùwà nɛ̀ɛ̀nɛ̀ŋ fuɔɔ̀ŋ, wò jaa ko saaŋ kùwìà nɛ̀ɛ̀nɛ̀ŋ fuɔɔ̀ŋ. Wo Jisɛ̀ nauŋ woò wààŋ, “Dèim maŋjɛ̀wɛ.” Wo Maafiù naŋ yèwè dìì yèè wò nauŋ dè maŋjɛ̀wɛ.

Luù 12:33

Mààaìŋ manɛ̀ŋ siwèiŋ màŋ gbiŋ niŋ kiɛ̀ŋ e nɛɛnɛɛ̀ŋ koɓɛ̀ anyuùŋ pɔ̀ɔ nyàŋ. Bàneìŋ maŋ ɓùù sùlò nɛɛnɛŋ hàa wèè nyɛ̀iŋ bi maŋ yè maŋ naàŋ pɔɔpɔ̀ɔ̀ maŋ. Sèè nìŋ nyɛnɛŋ tii, è do nàŋ nɔ̀ŋ mààŋ nìŋ yaà bàànè maŋ pɔsɛ̀ hàa wèè nyɛ̀iŋ bi, maŋ yè maŋ e nɛɛnɛŋ naàŋ jùò sùà maŋ, e kìlà wo Dayà doiŋ nàŋ kìɛ̀ŋ e sùlò ko àìjɛnɛ̀ŋ e yèɛ doo nàŋ nɔ̀ŋ e teenga gbiŋ. Kuuŋ, wo nyuùŋ wùa naàŋ hnè wèè wo niŋ wùà, e kìlà aŋ gbiimiŋ naàŋ nìŋ pɔɔpɔ̀ɔ̀.

Luù 14:33

Ko dìèmè e gbòauŋ nɛ̀, wo Jisɛ̀ naŋ woò wààŋ, “Weètii, nyɛ̀iŋ nyɛɛ̀ŋ bà gbiŋ fè ɓɛ̀nɛ̀ŋ nɔ̀ŋ wò nyùùŋ màŋjɛ̀wɛ̀im, sɔɔ̀ maŋ gè manɛ̀ŋ siwèum màŋ gbiŋ kùàŋ.”

Luù 16:9

Yèè wo Jisɛ̀ naŋ ɓɛìŋ woò wààŋ, “Weètii tɔ̀ miŋ woòiŋ, tòòmoìŋ e nɛɛnɛɛ̀ŋ nìŋ naŋ yɛmɛ̀ e kàaɓì sùà lɛ e ɗuunyaàŋ lɛɛ̀ wèè niŋ kpuumàŋ anyùùŋ, wèè aŋ nɔ̀ŋ anyuùŋ mɔ̀ɔ̀nɔiŋ. Kpeiŋ sèè nìŋ fà e yèɛ niŋ fè ɓɛ̀nɛ̀ŋ kòà è nɛɛnɛŋ lɛ̀, kɛ̀ wo Dayà yaà aŋ màikàuŋ nyaŋ doiŋ nàŋ ɓeè aiŋ jàà kùàŋ dìì aiŋ kìɛ̀ŋ maŋ vààyà saaŋ ko yè dò nàŋ nɔ̀ŋ wèè julɔfɔ lɛ̀ ko àìjɛnɛ̀ŋ.

Luù 18:22

Nààŋ wo Jisɛ̀ naŋ tɛɛ̀ kòmò, wò nauŋ woò wààŋ, “E kèì ɗì guùŋ naŋ ɓɛìŋ joo wèè maŋ nyɛ̀nɛ̀ŋ. Kɔ̀à mààŋ manɛ̀ŋ siwèum màŋ gbiŋ muŋ kiɛ̀ŋ e nɛɛnɛɛ̀ŋ anyuùŋ pɔ̀ɔ nyàŋ, kɛ̀ màŋ kɛ̀ɛ̀nɛ̀ŋ e sùlò ko àìjɛnɛ̀ŋ. Kpeiŋ muŋ hnàŋ muŋ dèim maŋjɛ̀wɛ.”

Luù 5:27

Eɓìèmàŋjɛ̀wɛ̀ tɛɛ̀ wo Jisɛ̀ naŋ yèwè ko jawa wii wò yaà kɔɔyɛ, yèè wò naŋ yɛ̀mɛ̀ wo nyuùŋ kùwà nɛ̀ɛ̀nɛ̀ŋ fuɔɔ̀ŋ àŋ nyaaŋ Liivaà wɔ, wò jaa ko saaŋ kùwìà nɛ̀ɛ̀nɛ̀ŋ fuɔɔ̀ŋ. Wo Jisɛ̀ nauŋ woò wààŋ, “Dèim maŋjɛ̀wɛ.”

Luù 6:40

Aŋ kààjɔa gbiŋ kuwà è gààŋ àŋ do nìàŋ wò kààmɔɔŋ nyiŋ nɔɔ̀ŋ. Kɛɛ sèè aŋ kààjɔa aŋ gbeè e kìlà aŋ kpɛ̀ɛ̀yɛ̀ e gɔ̀ɔ̀yɛ nyiŋ nɛ̀, àŋ do nàŋ nɔ̀ŋ mààŋ wo kààmɔɔŋ nyiŋ nɔɔ̀ŋ.

Luù 9:23

Kpeiŋ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Sèè wo nyùùŋ gbiŋ manaŋ wèè woim dè maŋjɛ̀wɛ, sɔɔ̀ wo gììyà wuŋ bi maŋhɛɛ, wo nyɛ̀ɛ̀nɛ̀ŋ e kèè wɔŋ bi, wo ɓèmè wɔŋ vànèkpaauŋ nɔɔ̀ŋ ke ɗɔɔ gbiŋ, woim dè maŋjɛ̀wɛ.

Jɔ̀ɔŋ 10:27

Aŋ ɓaawaaim nyàŋ nyìmàŋ ke miè miɛ̀ŋ, yèè kà nyiŋ nyìmàŋ yèè àŋ dèìm maŋjɛ̀wɛ.

Jɔ̀ɔŋ 12:26

Sèè nyɛ̀iŋ nààŋ bà gbiŋ nìŋ mɔnɔŋ wèè naŋ tomo weèim, kɛ̀ sɔɔ̀ naŋ dè ke kpèè siaŋ miɛ̀ŋ maŋjɛ̀wɛ. Kpeiŋ sèè mìŋ fà, koɓɛ̀i mìŋ do nàŋ nɔ̀ŋ lɛ, kuuŋ nɔŋ wo ɓɔìjɔ̀à miɔ̀ŋ wò do nàŋ nɔ̀ŋ. Wo Dèda miɔ̀ŋ do nàŋ dɛ̀ɛ̀kɛ̀ wo nyùnɔ̀ɔŋ gbiŋ tomàŋ weèim wɔ̀.”

Nyɛ̀nɛ̀ŋ 2:45

Àŋ hewa mààŋ manɛ̀ŋ siwè nyiŋ màŋ e kìlà aŋ gòònò e nɛ̀ɛ̀nɛ̀ŋ nyiŋ biɛ̀ e fèemàŋ e ɗeweɛ̀ wo nyùùŋ gbiŋ manaŋ wa lɛ̀.

Hiɓu 10:34

Nìŋ kuwa wa ke nyowo, yèè nìŋ naŋ tuwò tɛ̀ɛ̀ koɓɛ̀ anyùùŋ nyaŋ yaà wa ko sààŋ nyìwì nyaŋ. Yèè àŋ naŋ wa nyimèè wèè anyùùŋ aŋ ɓèmè manɛ̀ŋ siwè nyiŋ màŋ gbiŋ esaɓù, nàŋ nyìmàŋ kɛ̀ nìŋ kuwa e nɛ̀ŋ kɛnɛ, e nɛ̀ŋ kɛnɛ e yèɛ do nàŋ nɔ̀ŋ wèè julɔfɔ lɛ̀.