Maafiù 19:20 - WƆŊ FƐ̀Ì EBÒ SÌÀŊ DAYÀA

²⁰ Wo kɔmɔŋ jɔaà naŋ woò wààŋ, “Kààmɔɔŋ, kà kùwà maŋ sàwà mɛɛ̀ŋ gbiŋ. Kiìŋ naŋ ɓɛìŋ joo wèè ka nyɛ̀nɛŋ?”

Maafiù 19:20 ပူးပေါင်းရင်းမြစ်များ

Maafiù 19:19

Jɔ̀ɔ̀lɔɔ̀ wo dèda mɔɔ̀ŋ yèè wo yèye mɔɔ̀ŋ dìì. Yèè manàŋ wo nyuùŋkpùuŋ dàwi mɔɔ̀ŋ màànààŋ mùŋ manaŋ muàŋ bi lɛ̀.”

Maafiù 19:21

Wo Jisɛ̀ nauŋ woò wààŋ, “Sèè mùŋ mɔnɔŋ wèè maŋ nɔ̀ŋ wo nyùùŋ tɔ̀ɔ̀nyaàŋ, kɔ̀à mààŋ manɛ̀ŋ siwèum màŋ gbiŋ muŋ kiɛ̀ŋ e nɛɛnɛɛ̀ŋ anyuùŋ pɔ̀ɔ nyàŋ, kɛ̀ màŋ kɛ̀ɛ̀nɛ̀ŋ e sùlò ko àìjɛnɛ̀ŋ. Kpeiŋ muŋ hnàŋ muŋ dèim maŋjɛ̀wɛ.”

Luù 15:29

Kɛɛ wò naŋ wòò wo kɛ̀ɛ̀ wààŋ, ‘Yɛ̀mɛ̀, kà tomo e weèum mààŋ wo ɗo maŋ doa mɛɛ̀ŋ gbiŋ, yèè miŋ gò gììyà kè mìè gbòa mɔɛ̀ŋ màŋhɛɛ kè ɗɔ̀ɔ̀ guùŋ. Kiìŋ mùŋ naim wa kiɛ̀ŋ? Kòò mùŋ kìɛ̀ìm pɛɛ wò diì jɔ̀à wèè yàwi nààŋ dàwiim nyàŋ eiŋ gììyà è zɔlɔ̀ kòɓɛ̀ guùŋ!

Luù 15:7

Wo Jisɛ̀ naŋ nyiŋ ɓɛìŋ woò wààŋ, “Yɛi nɔŋ e zɔlɔ̀ do nàŋ nɔ̀ŋ ko àìjɛnɛ̀ŋ sèè wo nyùùŋ maŋ tùwo naanààaŋ bà guùŋ fè maŋ tùwo naanààuŋ màŋ jɛwɛ, e nìàŋ anyùùŋ tɔ̀ɔ̀nyaàŋ gbànaŋ kpɛ̀ɛ̀ùŋ tiinàŋ jɛ̀wɛ̀ zììyà jɛ̀wɛ̀ nɔɔnɔŋ le tiinàŋ nyaŋ diɛŋ aŋ yè nyaŋ kuwà màŋ tùwò naanààŋ wèè aŋ miŋ fè jɛwɛ nyàŋ.”

Jɔ̀ɔŋ 8:7

Nààŋ àŋ naŋ wa kpèènè wo Jisɛ̀ dàwe e nyaàiŋ dè wò nìeɔ̀, wo Jisɛ̀ naŋ sie yèè wò naŋ nyiŋ woò wààŋ, “Nyɛ̀iŋ nyɛɛ̀ŋ gbiŋ sùà, wo nyùnɔ̀ɔŋ kòò wò nyɛ̀nɛ̀ŋ wa è jùumù wɔ wo nɔ̀ŋ wo jiɛ̀jiɛ̀ɔ wo hɔ̀wàuŋ ke dùò.”

Luùm 7:9

Miàŋ bi mìŋ yaà wa wɔŋ nyiiŋ gèeɔ̀ sùà paŋgàà mìŋ naŋ wa nyìmè e kèè ke sàwàa. Kɛɛ nààŋ ke sàwà naŋ naàŋ nɔ̀ŋ, e jùumù naŋ kɛ̀ɛ̀nɛ̀ŋ gààŋ wɔŋ nyiiŋ gèe diɛŋ,

Gàla 3:24

Tɔɔɓaa ngèè, ke Sàwàa hewa wèè nàŋ nɔ̀ŋ wo kààmɔɔŋ wiɔ̀ e jèèsùà wo Jisɛ̀ Kulaì wo hnàŋ. Kpeiŋ kɛ̀, è doiŋ weè nàŋ ɓɛ̀nɛ̀ŋ kɛ̀ɛ̀nɛ̀ŋ e hààwe, e kìlà wo Dayà wo wi jàà kùàŋ dìì e tɔ̀ɔ̀nyaàŋ sùà.

Fèle 3:6

E wànàŋ zimgbe yààìm wa wèè ka nìmìlà ke gbòò anyuùŋ hààwe nyàŋ. Nààŋ nɔŋ wo nyùùŋ naŋ ɓɛ̀nɛ̀ŋ nɔ̀ŋ wo nyùùŋ tɔ̀ɔ̀nyaàŋ nààŋ wò jɔɔlɔ̀ maŋ keì maŋ wo Dayà naŋ woò maŋ ke Sàwàa sùà lɛ, miŋ gò wa nyɛ̀nɛ̀ŋ è keì naanààŋ.