Maafiù 18:8 - WƆŊ FƐ̀Ì EBÒ SÌÀŊ DAYÀA

⁸ “Sèè wɔŋ kuàŋ mɔɔ̀ŋ ɔ̀ɔ̀ ke golò mɔɛ̀ŋ nɔ̀ŋ esaɓù wèè maŋ nyɛ̀nɛ̀ŋ e keì naanààŋ, kɛɛ̀ wuŋ noo muŋ gò! È yaà tɛ̀ɛ̀ wèè maŋ kɔ̀à wɔŋ kùàŋ guùŋ ɔ̀ɔ̀ ke gòlò guùŋ ko jàwà Dayà wɔŋ nyiiŋ gèe gò jùà sùà, wèè maŋ kùwìè maŋ kùàŋ tìyèe yèè maŋ gòlò tìyèe aum gbìàŋ ko jàhamaŋ koɓɛ̀ e hmɔ̀ɔ̀ɛŋ e yèɛ fè nyime wèè julɔfɔ lɛ̀.

Maafiù 18:8 ပူးပေါင်းရင်းမြစ်များ

Maafiù 17:27

Kɛɛ e manàŋ wèè ànyùùŋ nyɛɛ̀ŋ aŋ wi tùù sìwè. Weètii kɔ̀à wɔŋ juwoɔ̀ muŋ dàào wɔŋ jàà yèè muŋ kùwà wo kɛì jiɛ̀jiɛ̀ɔ. Yìlè wo kɛìɔ nyààŋ, yèè mùŋ doo nàŋ mɛ̀ɛ̀ŋ ke kaiŋ fua nɛɛnɛŋ. Kɔ̀à muŋ kiɛ̀ŋ nyiŋ ke nɛɛnɛɛ̀ŋ wèè aŋ paawà nyiŋ weè wi ko Saaŋ Zòòlò Dayài.”

Maafiù 25:41

“Kpeiŋ mìŋ do nàŋ wòò aŋ yè nyaŋ sìàìm wɔŋ kùàŋ gbɔnɔŋ nyàŋ mìàŋ, ‘Yèwa nìim feìŋ, nìŋ yaà e gbòònò Dayàa dìì. Kɔ̀àaìŋ niŋ sɛɛ̀ e hmɔ̀ɔ̀ɛŋ e yèɛ fè nyime wèè julɔfɔ lɛ̀ sùà, e yèɛ àŋ naŋ banebànè wèè wo Sɛ̀tanàaŋ yaà aŋ màikàuŋ nyàŋ lɛ.

Maafiù 25:46

Yèè wo Jisɛ̀ naŋ woò wààŋ, àŋ do nàŋ tùɔ̀ŋ anyùùŋ nyɛɛ̀ŋ koɓɛ̀ e keì nyìnga gò jùà, kɛɛ anyùùŋ tɔ̀ɔ̀nyaàŋ nyaŋ do nàŋ kɔ̀ koɓɛ̀ wɔŋ nyiiŋ gèe gò jùà.”

Luù 14:33

Ko dìèmè e gbòauŋ nɛ̀, wo Jisɛ̀ naŋ woò wààŋ, “Weètii, nyɛ̀iŋ nyɛɛ̀ŋ bà gbiŋ fè ɓɛ̀nɛ̀ŋ nɔ̀ŋ wò nyùùŋ màŋjɛ̀wɛ̀im, sɔɔ̀ maŋ gè manɛ̀ŋ siwèum màŋ gbiŋ kùàŋ.”

Luù 16:24

Wo kenàŋ bàneɔ̀ naŋ wòò wo Eɓulɔhɛɛ̀ŋ wààŋ, ‘Dàa Eɓulɔhɛɛ̀ŋ, yɛ̀mɛ̀im ke nyowo! Tuàŋ wo Lazɔlɔ̀ wèè wo dè ke kiiòuŋ nɛɛ̀ŋ e wùìyè sùà yèè wo dè miŋ e milè, esaɓù kɛ̀ mìŋ yaà kùwìè e keì nyìnga zimgbe e hmɔ̀ɔ̀ŋ lɛɛ̀ sùà.’

Luùm 13:12

Wɔŋ dùmɔ̀ɔŋ joo tòloò wèè wɔŋ jùà, yèè sààmɛ e nììɛ do nàŋ sìè. Hɔ̀ànè wiìŋ nyɛ̀nɛ̀ŋ maŋ keì maŋ anyùùŋ nyaŋ nyɛnɛŋ ke nyìwìɛ sùà maŋ, yèè e nɔ̀iŋ bànèbane wi wèè e nɔ̀iŋ e gbolòùŋ nɛ sùà.

Maŋ kèì nyɛɛnɛŋ 14:10

wo Dayà do nyiŋ nàŋ kìɛ̀ŋ e keì nyìnga sèè wò tuù, e teenè mààŋ wò naŋ tìè maŋ tala muaŋ nyìnga maŋ yè maŋ wò naŋ gɔ̀àì wɔŋ kpòò ke jii fiìuŋ nɛɛ̀ŋ sùà maŋ. Anyùùŋ nyaŋ gbiŋ do tɛɛ̀ nàŋ nyɛ̀nɛ̀ŋ nyaŋ, àŋ do nàŋ kùwò e nimilà gbee e hmɔ̀ɔ̀ŋ yèè e sɔfɔ̀ sùà, ko fɛ̀ɛ̀fèìŋ aŋ màìkà nɛɛmaŋ nyàŋ yaà wo Ɓaawaaà.

Maŋ kèì nyɛɛnɛŋ 20:15

Anyùùŋ nyaŋ gbiŋ maŋ deè nyiŋ màŋ fè wa sìnga miŋ wɔ̀ŋ fɛ̀ì anyuùŋ gè nyiiŋ nyàŋ sùà nyaŋ, àŋ naŋ nyiŋ wa gbìɛ̀ŋ ko hmɔɔ̀ŋ gbee.

Maŋ kèì nyɛɛnɛŋ 21:8

Kɛɛ tɔ̀ miŋ woòiŋ e nɛ̀ɛŋ dò nàŋ kààìŋ koɓɛ̀ anyùùŋ nyaŋ kuwà jii tùlia nyàŋ, anyuùŋ gò kɛ̀ɛ̀nɛ̀ŋ tɔ̀ɔ̀nyaàŋ nyaŋ, anyuùŋ kùwìè maŋ jii naanààŋ nyaŋ, ɔ̀ɔ̀ nyuùŋ jìwà nyùùŋ nyaŋ, anyuùŋ nyɛ̀nɛ̀ŋ yɛɛ̀ hmɔŋtu naanààŋ nyaŋ, anyuùŋ fɔ̀ɔ̀wɔ̀ kɔìɗòlò nyaŋ, anyuùŋ zòòlò maŋ gòò nyaŋ, yaà anyuùŋ tòa nyàŋ, mìŋ do nyiŋ nàŋ gbìɛ̀ŋ e hmɔ̀ɔ̀ŋ kàànè sɔfɔ̀ sùà. Tɛɛ̀ nàŋ yaà e fàa dìà tìyèeɛ̀.”