Maafiù 18:32 - WƆŊ FƐ̀Ì EBÒ SÌÀŊ DAYÀA

³² Yèè wo kanaà naŋ nyààŋ wo ɓɔìjɔ̀àa ko nɛ̀ɛ̀uŋ niìŋ yèè wò nauŋ woò wààŋ, ‘Mùŋ yaà wo nyuùŋ kɛ̀ɛ̀nɛ̀ŋ ke kpèè naanààŋ! Mùŋ naim dawè wèè kaum jùùyà hakɛ̀ wèè e kpàaŋ mùŋ kùwàìm lɛ, mìŋ naum jùùyè hakɛ̀ yèè mìŋ naŋ dàngè e kèè e nɛɛnɛɛ̀ŋ gbiŋ mùŋ kùwàìm kpàŋ lɛ.

Maafiù 18:32 ပူးပေါင်းရင်းမြစ်များ

Maafiù 18:27

Wo kanaà naŋ wa kɛ̀ɛ̀nɛ̀ŋ ke nyowo wèè wo ɓɔìjɔ̀àa yèè wò nauŋ jùùyè hakɛ̀ wouŋ dangè wo ka foo. Yèè wo kanaà naŋ ngèè ɓɛìŋ dàngè e kpàaŋ wo ɓɔìjɔ̀àa kùwaùŋ wa lɛ.

Maafiù 18:31

Nààŋ aŋ ɓɔìjɔ̀à gbànaŋ nyàŋ naŋ yɛ̀mɛ̀ e yèɛ naŋ wa kaaìŋ lɛ, àŋ naŋ wa tuù, yèè àŋ naŋ kɔ̀ koɓɛ̀ wo kanaà àŋ nauŋ gbàì e keì bi jìì.

Maafiù 18:33

Mùŋ he weè nàŋ jùùyè wo ɓɔìjɔ̀à dàwi mɔɔ̀ŋ hakɛ̀, màànààŋ nɔŋ mìŋ naum tɔ̀ɔ̀ ke nyowo lɛ̀.’

Maafiù 25:26

Yèè wo kààmɔ̀ɔ̀ŋ wo ɓɔìjɔ̀àa nauŋ woò wààŋ, ‘Mùŋ naŋ jɛkɛ̀ yèè mùŋ siaŋ nɔŋ wèè foo! Màŋ nyìmàŋ kɛ̀ mìŋ kpaa manɛ̀ŋ komaŋ màŋ yè maŋ miŋ gò nyùàŋ maŋ, yèè mìŋ gbonàŋ manɛ̀ŋ komaŋ e yìwìà ko ɓùi miŋ gò vààì mànɛ̀ŋ komaŋ lɛ̀.

Luù 19:22

Wo kanaà nauŋ woò wààŋ, ‘Mùŋ yaà wo ɓɔìjɔ̀à naanààŋ! Maŋ mìè nyààŋ muàŋ bi mɛɛ̀ŋ mìŋ doum nàŋ kìlìè e kiti diɛŋ! Màŋ nyìmàŋ kɛ̀ mìŋ ɓemàŋ e nɛ̀ɛŋ miŋ kanàŋ lɛ yèè mìŋ kpaa maŋ nɛ̀ŋje ɓù maŋ miŋ gò nyùàŋ maŋ.

Luùm 3:19

Èiŋ naàŋ nyìmàŋ kɛ̀ maŋ keì maŋ gbiŋ maŋ Sàwà Dayà maŋ sùà, naŋ wa nɔ̀ŋ sìnga miŋ wèè anyùùŋ nyaŋ yaà e gaàŋ miŋ nɛ̀ dìì nyaŋ, wèè wo nyùùŋ gbiŋ wo go nàŋ kìɛ̀ŋ ke kàfaì, yèè e nyɛ̀nɛ̀ŋ anyùùŋ nyaŋ gbiŋ e ɗuunyaàŋ aŋ nɔ̀ŋ e gbàì Dayàa dìì.

Jìiiŋ 2:13

E kèì gbài Dayàa sùà wa nàwèè wo naàŋ kùwìè kè nyowo wèè wò nyùnɔ̀ɔŋ gò wa kùwìè kè nyowo wɔ̀, kɛɛ e keì gbàiɛ̀ sùà pɛɛ wo Dayà kuwa ke nyowo.