Maafiù 18:31 - WƆŊ FƐ̀Ì EBÒ SÌÀŊ DAYÀA

³¹ Nààŋ aŋ ɓɔìjɔ̀à gbànaŋ nyàŋ naŋ yɛ̀mɛ̀ e yèɛ naŋ wa kaaìŋ lɛ, àŋ naŋ wa tuù, yèè àŋ naŋ kɔ̀ koɓɛ̀ wo kanaà àŋ nauŋ gbàì e keì bi jìì.

Maafiù 18:31 ပူးပေါင်းရင်းမြစ်များ

Maafiù 14:9

Ke mìè yɛɛ̀ naŋ wa nyɛ̀nɛ̀ŋ wo kanaà wo nɔ̀ŋ jɔ̀ùŋ e kɔɔuŋ nɛ̀ sùà, kɛɛ wo fè wa ɓɛìŋ ɓɛ̀nɛ̀ŋ màŋhɛɛ gèe esàɓù maŋ kààmgbɛ̀ nyìnga màŋ wò naŋ wa ɓemè maŋ aŋ dàwiuŋ nyàŋ gbiŋ ko fɛɛ̀feìŋ. Kpeiŋ wò naŋ tùɔ̀ŋ wo kààlò guùŋ wèè wo hiàŋ e ɗì Jɔ̀ɔɛ̀ŋ fiò.

Maafiù 18:28

“Kpeiŋ wo ɓɔìjɔ̀àa naŋ kɔ̀ yèè wò naŋ mɛ̀ɛ̀ŋ wo ɓɔìjɔ̀à dàwiuŋ nɔɔ̀ŋ bà guùŋ wo yèɔ kùwaùŋ wa e kpàŋ e kaiŋ fua nɛɛnɛŋ hɔ̀nɔ̀ɔ̀ guùŋ. Yèè wò naŋ kùwò wo felaaà ke gbèìŋ. Yèè wò naŋ tɔ̀ɔ̀tù nɔ̀à wo felaaà ke gbèìŋ yèè wò nauŋ woò wààŋ, ‘Pààwaà e nɛɛnɛɛ̀ŋ gbiŋ mùŋ kùwàìm kpàŋ lɛ.’

Maafiù 18:30

Kɛɛ wo ɓɔìjɔ̀àa naŋ gè maŋhɛɛ wèè wo jùùyà wo dàwiuŋ nɔɔ̀ŋ hakɛ̀, yèè wò nauŋ gbìɛ̀ŋ ko sààŋ nyìwì wèè woo jeèè e jèèsùà wo pààwà e nɛɛnɛɛ̀ŋ wò kùwaùŋ e kpàŋ lɛ.

Maafiù 18:32

Yèè wo kanaà naŋ nyààŋ wo ɓɔìjɔ̀àa ko nɛ̀ɛ̀uŋ niìŋ yèè wò nauŋ woò wààŋ, ‘Mùŋ yaà wo nyuùŋ kɛ̀ɛ̀nɛ̀ŋ ke kpèè naanààŋ! Mùŋ naim dawè wèè kaum jùùyà hakɛ̀ wèè e kpàaŋ mùŋ kùwàìm lɛ, mìŋ naum jùùyè hakɛ̀ yèè mìŋ naŋ dàngè e kèè e nɛɛnɛɛ̀ŋ gbiŋ mùŋ kùwàìm kpàŋ lɛ.

Luù 14:21

Wo ɓɔìjɔ̀àa naŋ kɛ̀ɛ̀ maŋjɛ̀wɛ yèè wò naŋ wòò tɛɛ̀ gbiŋ koɓɛ̀ wo kààmɔɔuŋ nɔɔ̀ŋ. Wo kààmɔɔuŋ nɔɔ̀ŋ naŋ wa tuù yèè wò naŋ wòò wo ɓɔìjɔ̀àa wààŋ, ‘Kɔ̀à fiò maŋ dòmaŋ màŋ diɛŋ yaà e jawaà sùà muŋ hiàŋ anyuùŋ pɔ̀ɔ nyàŋ, anyuùŋ kpɔ̀ɔ̀kpɔɔ nyàŋ, anyuùŋ zììlè fɛ̀ɛ̀ nyaŋ, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ.’

Luù 19:41

Nààŋ wo Jisɛ̀ naŋ gbɛ̀ɛ̀ yèè wò naŋ yɛ̀mɛ̀ ko Jùlusɛ̀làm, wò naŋ gòlò.

Luùm 12:15

Sèè mùŋ yɛmɛ̀ anyùùŋ àŋ nɔ̀ŋ zɔlɔ̀ sùà, muàŋ pɛɛ nɔ̀ŋ zɔlɔ̀ sùà weè nyiŋ. Sèè mùŋ yɛmɛ̀ anyùùŋ aŋ nɔ̀ŋ gulie, muàŋ pɛɛ golà weè nyiŋ.

2 Kɔliìŋ 11:21

E sàngè yààìm nyinie wèè ka woò mìàŋ è naiŋ yɔkpɔ̀ wèè eiŋ nyɛ̀nɛ̀ŋ maŋ keì mààŋ mɛɛ̀ŋ! Sèè àŋ ɓɛ̀nɛ̀ŋ kɛ̀ɛ̀ maŋ nyòngà, miàŋ pɛɛ kà ɓɛnɛ̀ŋ, kɛɛ è yaà e zùwo wèè wo nyùùŋ woiŋ nyɛ̀nɛ̀ŋ.

Hiɓu 13:17

Jɔ̀ɔ̀lɔìŋ anyuùŋ gbeegbèèiŋ nyàŋ dìì, e kìlà niŋ nyɛ̀nɛ̀ŋ e nɛ̀ɛŋ àŋ woàìŋ lɛ. Àŋ naiŋ jàà fɛ̀ɛ̀ diɛŋ e kèè Dayàa sùà, yèè àŋ kuwa aŋ kìɛ̀ŋ e jìwààjɛ̀wɛ̀ koɓɛ̀ Dayài wèè e tòmoɛ̀ àŋ naŋ nyɛ̀nɛ̀ŋ lɛ. Ɓɔ̀ nìŋ nyɛ̀nɛ̀ŋ màŋ jii nyiŋ màŋ do mɔɔnɛ̀ŋ sèè àŋ nɔ̀ŋ nyìnìè e tòmo nyiŋ nɛ̀, kɛɛ nyɛ̀nɛìŋ nyiŋ àŋ nɔ̀ŋ zɔlɔ̀ sùà. Sèè nìŋ go niŋ nyɛ̀nɛ̀ŋ, aŋ naàŋ ɓɛnɛ̀ŋ wèè aiŋ kpuumàŋ.

Hiɓu 13:3

Jàaìŋ anyùùŋ Kanaà Jisɛ̀ nyaŋ jii aŋ yè nyaŋ yaà ko sààŋ nyìwì nyaŋ yèè niŋ kpuumàŋ nyiŋ, e teenè mààŋ maŋ kpùnàŋ nyɛ̀iŋ bi nàŋ yaà weè ko sààŋ nyìwì. Jàaìŋ anyùùŋ nyaŋ yaà kɔ̀ɔ̀yɛ̀ mɔ̀ɔ̀nɛŋ dìì nyaŋ jii yèè niŋ kpuumàŋ nyiŋ, e teenè mààŋ nyɛ̀iŋ bi nàŋ yaà weè kɔ̀ɔ̀yɛ̀ e mɔ̀ɔ̀nɛŋ dìì.