Maafiù 18:27 - WƆŊ FƐ̀Ì EBÒ SÌÀŊ DAYÀA

²⁷ Wo kanaà naŋ wa kɛ̀ɛ̀nɛ̀ŋ ke nyowo wèè wo ɓɔìjɔ̀àa yèè wò nauŋ jùùyè hakɛ̀ wouŋ dangè wo ka foo. Yèè wo kanaà naŋ ngèè ɓɛìŋ dàngè e kpàaŋ wo ɓɔìjɔ̀àa kùwaùŋ wa lɛ.

Maafiù 18:27 ပူးပေါင်းရင်းမြစ်များ

Maafiù 18:28

“Kpeiŋ wo ɓɔìjɔ̀àa naŋ kɔ̀ yèè wò naŋ mɛ̀ɛ̀ŋ wo ɓɔìjɔ̀à dàwiuŋ nɔɔ̀ŋ bà guùŋ wo yèɔ kùwaùŋ wa e kpàŋ e kaiŋ fua nɛɛnɛŋ hɔ̀nɔ̀ɔ̀ guùŋ. Yèè wò naŋ kùwò wo felaaà ke gbèìŋ. Yèè wò naŋ tɔ̀ɔ̀tù nɔ̀à wo felaaà ke gbèìŋ yèè wò nauŋ woò wààŋ, ‘Pààwaà e nɛɛnɛɛ̀ŋ gbiŋ mùŋ kùwàìm kpàŋ lɛ.’

Maafiù 18:32

Yèè wo kanaà naŋ nyààŋ wo ɓɔìjɔ̀àa ko nɛ̀ɛ̀uŋ niìŋ yèè wò nauŋ woò wààŋ, ‘Mùŋ yaà wo nyuùŋ kɛ̀ɛ̀nɛ̀ŋ ke kpèè naanààŋ! Mùŋ naim dawè wèè kaum jùùyà hakɛ̀ wèè e kpàaŋ mùŋ kùwàìm lɛ, mìŋ naum jùùyè hakɛ̀ yèè mìŋ naŋ dàngè e kèè e nɛɛnɛɛ̀ŋ gbiŋ mùŋ kùwàìm kpàŋ lɛ.

Luù 7:42

Aŋ fèlàà tìyèe nyàŋ kuwà wa è nɛɛnɛɛ̀ŋ wèè aŋ gè è kpàŋ kenàaŋ. Yèè wo kenàaŋ naŋ nyiŋ jùùyè hakɛ̀. Aŋ fèlàà tìyèe nyɛɛ̀ŋ e fèemàŋ, kòuŋ nàŋ dò nàŋ mɔ̀nɔ̀ŋ wo kenàaŋ zimgbe?”

Luù 7:43

Wo Saimɔ̀ŋ naŋ fasàì wààŋ, “Kà ɓɛ̀nɛ̀ŋ gòngo kɛ̀ wo yèɔ wò naŋ jùùyè e hàkɛ̀ wèè e kpàŋ nɛɛnɛŋ gbeeɛ̀ wɔ wo.” Wo Jisɛ̀ naŋ woò wààŋ, “Mùŋ naŋ gbàì tɔ̀ɔ̀nyaàŋ.”