Maafiù 18:24 - WƆŊ FƐ̀Ì EBÒ SÌÀŊ DAYÀA

²⁴ Wo kanaà naŋ wa nɔŋ tɔ̀ɔ̀tù e keì bi kinɛiŋ àŋ hìàŋ wo nyùùŋ e kpàauŋ nɔɔ̀ŋ wò gùuŋ wo yèɔ kùwaùŋ wa e kpàŋ e pàtaà meenyɔ̀ùŋ jika.

Maafiù 18:24 ပူးပေါင်းရင်းမြစ်များ

Maafiù 18:23

Ke kàɓanè yɛɛ̀ kè doum nàŋ woò kɛ̀ diè e Kànà àìjɛnɛ̀ɛŋ è yaà. Ke ɗɔ̀ɔ̀ guùŋ wo kana bà manaŋ wa wo kpɛ̀nɛ̀ŋ e nɛɛnɛŋ jikaà kinɛiŋ aŋ ɓɔìjɔ̀àuŋ nyàŋ kuwa wa lɛ̀.

Maafiù 18:25

Kɛɛ wo ɓɔìjɔ̀àa wo kùwà wa è nɛɛnɛŋ wèè wo pààwà è kpàauŋ nɛ̀. Kpeiŋ wo kanaà naŋ woò wààŋ aŋ maàuŋ e ɗo dìì, e hààwè wo jàwè yèè aŋ jɔ̀àuŋ nyàŋ e kpùlìà e nɛ̀ɛŋ gbiŋ wò kuwa wa lɛ̀ wèè wo paawà e kpàaŋ.

Maafiù 25:15

Wò naŋ wa kìɛ̀ŋ wo bà guùŋ gbiŋ e nɛɛnɛŋ jika, nààŋ wò naŋ wa nyìmè e ɗèwè e nɛ̀ŋ nyɛ̀nɛŋ kiiuŋ nɛ̀ lɛ. Wò naŋ kìɛ̀ŋ wò guùŋ e pàtaà tààsùùŋ nɔɔnɔŋ (5,000), wò naŋ ɓɛìŋ kìɛ̀ŋ wò guùŋ e pàtaà tààsùùŋ tìyèe (2,000), yèè wò naŋ kìɛ̀ŋ wò guùŋ e pàtaà tààsùùŋ guùŋ (1,000). Kpeiŋ wò naŋ kɔ̀ wɔŋ fuɔŋ joo bà sùà.

Maafiù 25:16

Wo yèɔ naŋ wa yɛ̀mɛ̀ e pàtaà tààsùùŋ nɔɔnɔɛ̀ŋ wɔ, naŋ kɔ̀ yèè wò naŋ niŋ nyìnìè ebòli, yèè wò naŋ ɓɛìŋ yɛ̀mɛ̀ e tààsùùŋ nɔɔnɔŋ e nɛɛnɛuŋ nɛ̀ diɛŋ.

Maafiù 25:20

Wo ɓɔìjɔ̀àa àŋ naŋ wa kìɛ̀ŋ e pàtaà tààsùùŋ nɔɔnɔɛ̀ŋ wɔ, naŋ niŋ hiɛ̀ŋ e hààwè e tààsùùŋ nɔɔnɔɛ̀ŋ wò naŋ yɛmɛ̀ e geenìŋ sùà lɛ. Yèè wò naŋ woò wààŋ, ‘Kààmɔɔŋ, mùŋ naim mɛ̀iŋ kìɛ̀ŋ e pàtaà tààsùùŋ nɔɔnɔŋ, kɛɛ mìŋ naŋ yɛ̀mɛ̀ e gèènìŋ e tààsùùŋ nɔɔnɔŋ ɓɛìŋ.’

Maafiù 25:22

Kpeiŋ, wo ɓɔìjɔ̀àa àŋ naŋ wa kìɛ̀ŋ e pàtaà tààsùùŋ tìyèeɛ̀ wɔ naŋ niŋ hiɛ̀ŋ e hààwè e tààsùùŋ tìyèeɛ̀ wò naŋ yɛmɛ̀ e geenìŋ sùà lɛ. Yèè wò naŋ woò wààŋ, ‘Kààmɔɔŋ, mùŋ naim mɛ̀iŋ kìɛ̀ŋ e pàtaà tààsùùŋ tìyèe, kɛɛ mìŋ naŋ yɛ̀mɛ̀ e gèènìŋ e tààsùùŋ tìyèe ɓɛìŋ.’

Maafiù 25:24

Kpeiŋ, wo ɓɔìjɔ̀àa àŋ naŋ wa kìɛ̀ŋ e pàtaà tààsùùŋ guùŋ nɛ wɔ̀ naŋ hnè yèè wò naŋ woò wààŋ, ‘Kààmɔɔŋ, kà nyìmàŋ kɛ̀ e tùwo mɔ̀ɛ̀ è naŋ nyìngè. Mùŋ kpaa manɛ̀ŋ komaŋ màŋ yè maŋ muŋ gò nyùàŋ maŋ, yèè mùŋ gbonàŋ manɛ̀ŋ komaŋ e yìwìà ko ɓùi muŋ gò vààì mànɛ̀ŋ komaŋ lɛ̀.

Luù 13:4

Diè zà e kèè anyùùŋ zììyà jɛ̀wɛ̀ nɔɔnɔŋ le taai nyàŋ ke sààŋ fùùɛŋ naŋ wa sɔ̀ɔ̀ diɛŋ yèè àŋ naŋ fɔ̀ nyaŋ ko Sìloùm nyaŋ? Nìŋ gongà kɛ̀ anyùùŋ nyiiŋ naŋ wa nyɛ̀nɛ̀ŋ maŋ jùumù naanààŋ e nìàŋ anyuùŋ gbànaŋ nyàŋ gbiŋ ko Jùlusɛ̀làm?

Luù 16:5

Kpeiŋ wò naŋ nyààŋ anyùùŋ nyaŋ gbiŋ kuwa wo kààmɔɔuŋ nɔɔ̀ŋ e kpàŋ nyaŋ. Wò naŋ dàwè wo nyuùŋ jiɛ̀jiɛ̀ɔ wààŋ, ‘Kpàŋ kiìŋ mùŋ kuwa wo kààmɔɔŋ miɔ̀ŋ?’

Luù 16:7

Kpeiŋ wo ɓɔìjɔ̀àa naŋ ɓɛìŋ dàwè wo nyuùŋ kùwìè kpàaŋ bà guùŋ wààŋ, ‘Muàŋ zà, kpàŋ kiìŋ mùŋ kuwa?’ Yèè wuŋ wò naŋ woò wààŋ, ‘Mìŋ kùwaùŋ e kpàŋ e kpàli pòum tààsùùŋ guùŋ (1,000).’ Yèè wo ɓɔìjɔ̀à yɛ̀mɛ̀ manɛ̀ŋ diɛɔ̀ŋ nauŋ woò wààŋ, ‘Ɓèmè wɔŋ fɛ̀ì kpàŋ mɔɔ̀ŋ muŋ sìngào e kpàŋ e kpàli pòum hɔ̀nɔ̀ɔ̀ nɔɔnɔŋ le taai (800).’