Maafiù 18:19 - WƆŊ FƐ̀Ì EBÒ SÌÀŊ DAYÀA

¹⁹ “Yèè miŋ woòiŋ e tɔɔɓaaà, sèè nyɛ̀iŋ nààŋ nyùùŋ tìyèe nyɛɛ̀ŋ e ɗuunyaàŋ naŋ nyimèè wèè naŋ zoolò wèè e nɛ̀ŋ titi bà, wo Dèda miɔ̀ŋ ko àìjɛnɛ̀ŋ do niŋ nàŋ nyɛ̀nɛ̀ŋ weèiŋ.

Maafiù 18:19 ပူးပေါင်းရင်းမြစ်များ

Maafiù 21:22

Sèè mùŋ kɛɛnɛ̀ŋ e hààwe, wo Dayà doum nàŋ kìɛ̀ŋ e nɛ̀ɛŋ gbiŋ mùŋ dawàuŋ weè niŋ lɛ̀ e zòòlo sùà.”

Maafiù 5:24

joà e nɛ̀ŋ saaà mɔ̀ɛ̀ wɔŋ gbɛ̀gbɛ̀ zòòloɔ̀ feìŋ. Kɔ̀à koɓɛ̀ wo wùìya mɔɔ̀ŋ niŋ banè e keì bi ke jii fàa sùà, kpeiŋ muŋ kɛɛ̀ ngàà maŋjɛ̀wɛ muŋ gè e saaà mɔ̀ɛ̀ koɓɛ̀ Dayài.

Maafiù 7:7

“Dàweìŋ wo Dayà wèè e nɛ̀ɛŋ nìŋ naŋ kpɛɛ̀ŋ weè niŋ lɛ̀. Sèè nìŋ nyɛnɛŋ tii, wò doiŋ niŋ nàŋ kiɛ̀ŋ. Kàmeìŋ koɓɛ̀i wo Dayà yaà lɛ, nìŋ douŋ nàŋ mɛɛ̀ŋ, kpùlaìŋ wɔŋ gbemgbeeɔ̀ koɓɛ̀i wo Dayà yaà lɛ, wò do wuŋ nàŋ yilè weèiŋ.

Jɔ̀ɔŋ 15:16

Nyɛ̀iŋ nàŋ gòim wa tàeɗùù. Miàŋ naiŋ wa tàeɗùù wèè naŋ hìàŋ anyùùŋ koɓɛ̀ guùŋ aŋ yè nyaŋ do nàŋ jèè kpèè miɛ̀ŋ sùà yèè wèè naŋ ka naŋ gbòà ke mìè Dayà koɓɛ̀ anyùùŋ nyaŋ gbiŋ e ɗuunyaàŋ yèè naŋ mànàŋ aŋ dàwi nyiŋ nyàŋ wèè julɔfɔ. Yèè sèè nìŋ nyɛnɛŋ tɛɛ̀, wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè weè niŋ lɛ̀ e deè mɛ̀ diɛŋ.

Jɔ̀ɔŋ 15:7

Sèè nìŋ jeeà aŋ bàimbà nɔ̀ɔŋ yèè maŋ mìè gbìaim màŋ maŋ jèè maŋ nyiiŋ geiŋ màŋ sùà, kɛ̀ wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè wèè woiŋ kiɛ̀ŋ lɛ.

Jɔ̀ɔŋ 16:23

“Sèè e teenga lii haì wa nàwèè, niŋ naàim ɓɛìŋ dawè wèè è nɛ̀ŋ gbiŋ. Miŋ woòiŋ e tɔɔɓaaà kɛ̀ wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè weè niŋ lɛ̀ e deè mɛ̀ diɛŋ.

Nyɛ̀nɛ̀ŋ 1:14

Anyuùŋ hààwe nyàŋ e kpùlìà aŋ jɔùŋ nyaŋ yaà wo Mèèle wo nààŋ Jisɛ̀ɔ yèè aŋ wùìyà Kanaà Jisɛ̀ nyaŋ hewa dèènè koɓɛ̀ guùŋ e teenga gbiŋ wèè aŋ zòòlò koɓɛ̀ guùŋ.

Nyɛ̀nɛ̀ŋ 12:5

Wò naŋ wa gbìɛ̀ŋ wo Pììlɛ ko sààŋ nyìwì, kɛɛ anyuùŋ hààwe nyàŋ naŋ wa nɔ̀ŋ zoolo koɓɛ̀ Dayài wèè Pììlɛ.

Nyɛ̀nɛ̀ŋ 16:10

Nààŋ wo Pɔɔ̀ naŋ gò e gɔa lɛɛ̀, è naiŋ tɔ̀ɔ̀tù e ɗewe kàme wèè eiŋ kà ko Mɛ̀sèdonià. È naiŋ wa haawè kɛ̀ wo Dayà naŋ wi wa nyààŋ wèè e ka e daanèiŋ Ebò Siaàŋ koɓɛ̀ anyùùŋ nyaŋ koɓɛ̀ bi.

Nyɛ̀nɛ̀ŋ 6:4

Kpeiŋ yàwi bi, è doiŋ naŋ kìlè e gòngo wilɛ̀ gbiŋ koɓɛ̀ e zòòlo yèè e tòmò ke mìè Dayàa gbòa.”

Fèle 1:19

esaɓù kà nyìmàŋ kɛ̀ e zòòloiŋ nɛ̀ yèè e kpùùmaàŋ yewe wo Jìnàŋ Jisɛ̀ Kulaìɔ sùà lɛ, mìŋ do nàŋ nɔ̀ŋ e bìlɛim.

1Jɔ̀ɔŋ 3:22

Wò do wi nàŋ kìɛ̀ŋ e yèɛ gbiŋ è hùmoùŋ lɛ, e fèfoo è jɔɔlɔ̀ maŋ sàwàuŋ màŋ dìì yèè è nyɛnɛŋ e yèɛ fɔɔyɛ̀ wuŋ ke jii lɛ̀.