Maafiù 18:15 - WƆŊ FƐ̀Ì EBÒ SÌÀŊ DAYÀA

¹⁵ “Sèè wo wùìya mɔɔ̀ŋ wò jààùm e nànàŋ, kɔ̀à ko nɛ̀ɛ̀uŋ niìŋ muŋ woòuŋ niŋ. Kɛɛ nyɛnɛ̀ŋ niŋ ke gbùnuo sùà nyɛiŋ tìyèe fèemàŋ. Sèè wò kumiàŋ e yèɛ mùŋ naŋ woò lɛ, kɛ̀ wò kìlà ko nɛ̀ɛ̀ŋ muìŋ.

Maafiù 18:15 ပူးပေါင်းရင်းမြစ်များ

Maafiù 18:14

E ɗèwè guùŋ lɛɛ̀ sùà wo Dèdaiŋ nɔɔ̀ŋ ko àìjɛnɛ̀ŋ wo manàŋ wèè wò jɔ̀àkàiŋ jɔa wɛɛ̀ bà guùŋ pɛɛ wò doò go.

Maafiù 18:21

Kpeiŋ wo Pììlɛ naŋ hnè koɓɛ̀ Jisɛ̀i yèè wò nauŋ dawè wààŋ, “Kanaà, sèè wo wùìya miɔ̀ŋ wò jààìm e nànàŋ, sùà kiìŋ mìŋ nauŋ ɓɛ̀nɛ̀ŋ jùùyà hakɛ̀? E sùà nɔɔnɔŋ le tìyèe è yaà tɛ̀ɛ̀?”

Maafiù 18:35

Yɛi wo Jisɛ̀ naŋ wa kpɛ̀ɛ̀yɛ̀ gbòa wààŋ, “E ɗèwè guùŋ lii sùà wo Dèda miɔ̀ŋ ko àìjɛnɛ̀ŋ do wa nàwèè nàŋ nyɛ̀nɛ̀ŋ nyɛ̀iŋ nààŋ bà guùŋ gbiŋ sèè mùŋ go jùùyà wo wùìya mɔɔ̀ŋ hakɛ̀ e yìwìà kè jii mɔɛ̀ŋ sùà.”

Luùm 12:21

Ɓɔ̀ nìŋ nyimèè wèè è gààŋ è keì naanààŋ è doiŋ gbùwò diɛŋ, kɛɛ ɓùlaìŋ niŋ e yìwìà e keì sìàŋ nyɛ̀nɛŋ sùà.

1 Kɔliìŋ 8:12

Sèè mùŋ nɛɛmùŋ wo wùìya kùwìè e gòngo yɔ̀kpɔ mɔɔ̀ŋ, màuŋ ɓèèmè e jùumù diɛŋ, yèè màŋ ɓèmè e jùumù wo Jisɛ̀ Kulaì diɛŋ.

2 Kɔliìŋ 7:12

E wèètii, jòòpɛɛ mìŋ naŋ sìngè wɔŋ fɛiɔ̀, kɛɛ e fè wèè wò nyùnùɔŋ naŋ nyɛ̀nɛ̀ŋ è nànàaŋ wɔ̀ ɔ̀ɔ̀ wò nyùnùɔŋ àŋ naŋ kaaɓì wɔ. Kɛɛ mìŋ naŋ sìngè wèè kaiŋ nyɛ̀nɛ̀ŋ sengei ko nɛ̀ɛ̀ŋ niìŋ, ko fɛ̀ɛ̀fèìŋ Dayà, wèè e ɗeweɛ̀ e wuanàŋ wi yààìŋ, yèè nìŋ naŋ kai kpɛɛ̀ŋ weè wilɛ̀.

Gàla 6:1

Wùìyaim nyàŋ, sèè wo nyùùŋ gbiŋ naŋ sɛ̀ɛ̀ ke gbàù maŋ kei naanààŋ sùà, nyɛ̀iŋ nyàŋ wo Jìnàŋ Nɛɛmaàŋ yaà sùà nyaŋ kɛ̀lɛɛìŋ wo nyùùŋ bi maŋjɛ̀wɛ e ɓɛ̀ɛ̀jàa sùà ke dòmàŋ tɔ̀ɔ̀nyaàaŋ diɛŋ. Kɛɛ yɛ̀mɛìŋ nyɛiŋ bi diɛŋ wèè niŋ go nàŋ sɛ̀ɛ̀ e wàà keì jùumù sùà.

Kòlo 3:13

Jàaìŋ aŋ dàwiiŋ nyàŋ kùàŋ dìì, e kìlà niŋ juuyà wo nyùùŋ gbiŋ hakɛ̀ sèè wò jààùm è nànàŋ. Nìŋ kuwa naŋ jùùyà aŋ dàwi hakɛ̀ màànààŋ nɔŋ wo Kanaà Jisɛ̀ Kulaì naiŋ jùùyè hakɛ̀ lɛ.

1Tɛsè 4:6

E keì lɛɛ̀ sùà, e fèèmàŋ felaa yaà jɔùŋ, wo bà gbiŋ ɓɔ̀ wò kaaɓì àŋ wùìya hààwè Dayà dàwiuŋ nyàŋ ɔ̀ɔ̀ wo nyiŋ nììngè fɛ̀ɛ̀. Èiŋ wa tɛɛ̀ woò gɔu, yèè è yààìŋ fè sùà e gòo nyìnga esaɓù kɛ̀ wo Kanaà Jisɛ̀ do nàŋ ngàìnɓù anyùùŋ nyaŋ nyɛnɛŋ maŋ keì miiŋ nyàŋ.

2Tɛsè 3:15

Kɛɛ ɓɔ̀ nìŋ kùwà nyiŋ è kùwà è joo, kìɛìŋ nyiŋ e gòo mààŋ aŋ wùìya.

Taitɔ̀ 3:10

Anyuùŋ kàmè nyaàtàaŋ nyàŋ, mùŋ kiɛ̀ŋ nyiìŋ e gòo e sɔ̀ngɔ̀ sùà tìyèe maŋ gè kùàŋ e kii nyiŋ sùà.

1Pììlɛ 3:1

Sèè mùŋ nɔ̀ŋ wo jɔùŋ kùwìè felaa, jɔ̀ɔ̀lɔɔ̀ wo faniŋ mɔɔ̀ŋ dìì. Sèè pɛɛ wo gò jɔ̀ɔ̀lɔ̀ kè mìè Dayàa dìì, e jɔ̀ɔ̀lɔ mɔ̀ɛ̀ ko nɛ̀ɛ̀uŋ niìŋ douŋ nàŋ nyɛ̀nɛ̀ŋ wo jɔɔlɔ̀, wo nyùùŋ gbiŋ naùŋ ɓɛìŋ gbòò kɔɔ wèètii.