Maafiù 18:11 - WƆŊ FƐ̀Ì EBÒ SÌÀŊ DAYÀA

¹¹ Esaɓù kɛ̀ miàim wo Jɔ̀àfèlàà Nyuùŋ Kpùnɔɔ̀ŋ naŋ hnè wèè ka jòèyè anyùùŋ nyaŋ naŋ go nyàŋ.]

Maafiù 18:11 ပူးပေါင်းရင်းမြစ်များ

Maafiù 10:6

Kɛɛ kɔ̀àìŋ nɔŋ koɓɛ̀ anyùùŋ nyaŋ ko Ezɔ̀ɛ̀, aŋ yè nyaŋ naŋ fè Dayà jɛwɛ nyàŋ, esaɓù kɛ̀ àŋ yaà mààŋ aŋ ɓaawaa naŋ go.

Maafiù 15:24

Kpeiŋ wo Jisɛ̀ naŋ nyiŋ fasàì wààŋ, “Wo Dayà naim wa nɔŋ tùɔ̀ŋ koɓɛ̀ anyùùŋ nyaŋ ko Ezɔ̀ɛ̀, esaɓù kɛ̀ àŋ yaà mààŋ ke gbòò aŋ ɓaawaa ke yèɛ naŋ go yɛ̀.”

Maafiù 18:12

“Kiìŋ mùŋ naŋ ɓɛ̀nɛ̀ŋ gòngo sèè wo nyùùŋ wo kɛ̀ɛ̀nɛ̀ŋ aŋ ɓaawaa hɔ̀nɔ̀ɔ̀ guùŋ (100) yèè wò guùŋ wo go? Wò do nàŋ jòò aŋ kpɛ̀ɛ̀ùŋ tiinàŋ jɛ̀wɛ̀ zììyà jɛ̀wɛ̀ nɔɔnɔŋ le tiinàŋ (99) gbànaŋ nyàŋ ko gbilie wɔŋ tolòɔ ɓula, wo kà ko kààmè wo jè gunɔ̀ɔŋ naŋ go wɔ̀.

Maafiù 9:12

Wo Jisɛ̀ naŋ kòmò e nɛ̀ɛŋ àŋ naŋ wa woò lɛ, kpeiŋ wò naŋ nyiŋ fasàì wààŋ, “Anyuùŋ ɓòù nyaŋ fè kàmè wò zòòlègòò, sɔɔ̀ nɔŋ anyuùŋ sàaŋ nyàŋ.

Luù 15:24

Esaɓù kɛ̀ wo jɔ̀àfelaaim wɛɛ̀ naŋ wa fɔ̀, kɛɛ wò yaà naàŋ wɔŋ nyiiŋ gèeɔ̀ sùà. Wò naŋ wa go, kɛɛ kàuŋ naàŋ mɛɛ̀ŋ.’ Yèè wɔŋ ɗaaà naŋ tɔɔtù.

Luù 15:32

Kɛɛ è kuwa eiŋ gè zɔlɔ̀ esaɓù kɛ̀ wo wùìyà mɔɔ̀ŋ naŋ mɛ̀iŋ fɔ̀, kɛɛ kòò wò yaà naàŋ wɔŋ nyiiŋ gèeɔ̀ sùà, wò naŋ wa go, èuŋ mɛɛ̀ŋ.’ ”

Luù 19:10

Miàim wo Jɔ̀àfèlàà Nyuùŋ Kpùnɔɔ̀ŋ naŋ hnè wèè ka kàmè e kìlà ka jòèyè anyùùŋ nyaŋ naŋ go nyàŋ.”

Luù 9:56

Yèè wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ kɔ̀ ko vàa joo bà.

Jɔ̀ɔŋ 10:10

Wo nyuùŋ wùaà wò hnàŋ nɔŋ wèè wo wùà, wo jìwà wo nyùùŋ, yèè wo pɔ̀ɔ̀pɔ̀ɔ̀ maŋ nɛ̀ŋ. Kɛɛ mìŋ naŋ hnè wèè kɛ̀ anyùùŋ nyaŋ gbiŋ aŋ kɛɛnɛ̀ŋ wɔŋ nyiiŋ gèe, yèè aŋ wɔŋ kɛɛnɛ̀ŋ e dìa suà wuŋ kpaŋ.

Jɔ̀ɔŋ 12:47

Miàŋ nààŋ naàŋ gbàì ànyùùŋ nyaŋ naŋ gè màŋhɛɛ wèè aŋ hààwè kè miè gbìaàŋ mìŋ naŋ nyiŋ woò lɛ. Mìŋ naŋ hnè wèè ka jòèyè anyùùŋ e ɗuunyaŋ lɛɛ̀, kɛɛ miŋ gò hnàŋ wèè ka nyiŋ gbaì.

Jɔ̀ɔŋ 3:17

E teengaà wo Dayà naŋ wa tùɔ̀ŋ wo Jɔ̀àfelaauŋ nɔɔ̀ŋ koɓɛ̀ anyùùŋ nyaŋ e ɗuunyaàŋ lɛ, e fè wa wèè wo nyiŋ kìlìà è kiti diɛŋ. Wo Dayà nauŋ wa tùɔ̀ŋ ko nɛ̀ɛ̀ŋ nyiŋ niìŋ wèè wo nɔ̀ŋ wo Nyuùŋ Jòèye nyiŋ nɔɔ̀ŋ.

1Time 1:15

E keì wòo lɛɛ̀ yaà e tɔ̀ɔ̀nyaàŋ, wèè maŋ niŋ jàà kùàŋ dìì yèè maŋ niŋ haawè tɛ̀ɛ̀. Wò Jisɛ̀ Kulaì naŋ wa hnè e ɗuunyaàŋ wèè wo jòèyè anyùùŋ maŋ jùumù. Maŋ jùumùim maŋ naŋ nìè maŋ jè anyuùŋ gbànaŋ nyàŋ gbiŋ,