Maafiù 18:10 - WƆŊ FƐ̀Ì EBÒ SÌÀŊ DAYÀA

¹⁰ “Ɓɔ̀ mùŋ jàà wò jɔ̀àkàiŋ jɔa wɛɛ̀ bà gbiŋ è keì keekèè. Miŋ woòum, aŋ màikà nyiŋ nyàŋ ko àìjɛnɛ̀ŋ àŋ yaà ko fɛ̀ɛ̀fèìŋ wo Dèda miɔ̀ŋ e teenga gbiŋ ko àìjɛnɛ̀ŋ. [

Maafiù 18:10 ပူးပေါင်းရင်းမြစ်များ

Maafiù 1:20

E teengaà wo Jòòsɛ yaà wa goongo wèè wo tɛɛ̀ nyɛ̀nɛ̀ŋ lɛ, wo màìkà Kanaà Dayà nauŋ fòlò feìŋ e gɔagòo sùà yèè wò naŋ wòò wo Jòòsɛ wààŋ, “Jòòsɛ, jɔ̀àfèlàà Dèèweɔ̀, e jùù ɓɔ̀ è nyɛ̀nɛ̀um wèè mùŋ do ɓèmè wò Mèèle wò do nɔ̀ŋ wò jawèum. Esaɓù kɛ̀, e gààŋ Jìnàŋ Nɛɛmaàŋ sùà wò naŋ ɓèmè le sùà.

Maafiù 12:20

Wo naàŋ nyìmè kè seìŋ fùngo, wo naàŋ nyìmè è laumpò kùwìè wɔ̀ŋ wikì kùwa bɔɔmììŋ. Wò do niŋ nàŋ jèè diɛŋ e jèèsùà e tɔ̀ɔ̀nyaàaŋ e jèè ko diɛìŋ,

Maafiù 18:14

E ɗèwè guùŋ lɛɛ̀ sùà wo Dèdaiŋ nɔɔ̀ŋ ko àìjɛnɛ̀ŋ wo manàŋ wèè wò jɔ̀àkàiŋ jɔa wɛɛ̀ bà guùŋ pɛɛ wò doò go.

Maafiù 18:6

Wo Jisɛ̀ naŋ ɓɛìŋ woò wààŋ, “Sèè wo nyùùŋ gbiŋ nɔ̀ŋ esaɓù wèè wo tòloòjɔ̀à wɛɛ̀ bà guùŋ naim yaà haawè wɔ, wo nyɛ̀nɛ̀ŋ e keì naanààŋ, è henàŋ nɔ̀ŋ tɛ̀ɛ̀ wèè auŋ sɛ̀ɛ̀ ke duò gbee ke gbèìŋ auŋ gbìàŋ wɔŋ juwoɔ̀ sùà.

Maafiù 2:13

E teengaà anyuùŋ kɛ̀ɛ̀jii nyàŋ naŋ wa kɛ̀ɛ̀ maŋjɛ̀wɛ lɛ̀, wo màìkà wo Kanaà Dayà naŋ fòlò wo Jòòsɛ feìŋ e gɔagòo sùà yèè wò nauŋ woò wààŋ, “Wo Hɛɛlɔ̀ do nàŋ nɔ̀ɔ̀ŋ kààmè wo jɔ̀àa wèè wouŋ jìwà. Weètii yewà dìì muŋ ɓemè wo jɔ̀àa yaà wo yèyeuŋ nɔɔ̀ŋ niŋ ka wɔŋ fùɔ̀ŋ Ijèɔ sùà maŋ dùaŋ dùaŋ. Yèè jèeiŋ noo e jèèsùà kaiŋ woò kɛ̀ kiìŋ nìŋ do nàŋ nyɛ̀nɛ̀ŋ.”

Maafiù 2:19

Nààŋ wo Hɛɛlɔ̀ naŋ wa naàŋ fɔ̀, wo màìkà wo Kanaà Dayà naŋ fòlò wo Jòòsɛ feìŋ e gɔagòo sùà ko Ijè,

Maafiù 24:31

Kpeiŋ àŋ do nàŋ fùɔ̀ŋ e pòtanàŋ gbeeɛ̀, kɛ̀ wò tùàŋ aŋ màikàuŋ nyàŋ e yìwìà ko àìjɛnɛ̀ŋ koɓɛ̀ maŋ zɔ̀nù tiinàŋ maŋ e ɗuunyaàŋ wèè aŋ gbonogbònò aŋ nyuùŋ tàèɗùùim nyàŋ ko tɔ̀ɔ̀tù e ɗuunyaàŋ e hàì ko dìaì.”

Luù 1:19

Wo màikàa naŋ fasàì wààŋ, “Miàŋ nàŋ yaà wo Geeɓulɛ̀, mìŋ sia ko fɛ̀ɛ̀fèìŋ Dayài, wo yèɔ naim tùɔ̀ŋ ko nɛ̀ɛ̀ŋ muìŋ wèè kaum wòò ebò siaŋ lɛɛ̀.

Luù 10:16

Wo Jisɛ̀ naŋ ɓɛìŋ wòò anyùùŋ màŋjɛ̀wɛ̀uŋ nyàŋ wààŋ, “Wo nyùnɔ̀ɔŋ gbiŋ komo maŋ mìè gbòaiŋ màŋ wɔ, wo nyùùŋ bi wòim kumiàŋ. Wo nyùnɔ̀ɔŋ gbiŋ goiŋ jàà kùàŋ dìì wɔ, kɛ̀ wo nyùùŋ bì gòim jàà kùàŋ dìì. Wo nyùnɔ̀ɔŋ gbiŋ gòim jàà kùàŋ dìì wɔ kɛ̀ wo nyùùŋ bi gò jàà wò nyùnɔ̀ɔŋ naim tùɔ̀ŋ wɔ kùàŋ dìì.”

Luù 16:22

Wo felaa pɔ̀ɔɔ̀ naŋ wa fɔ̀ yèè aŋ màikà nyaŋ nauŋ kɔɔ̀ aŋ jàà wo Eɓulɔhɛɛ̀ŋ kɔɔ ko àìjɛnɛ̀ŋ. Wo kenàŋ bàneɔ̀ wuŋ pɛɛ naŋ wa fɔ̀ yèè àŋ nauŋ sìè.

Nyɛ̀nɛ̀ŋ 10:3

Ke ɗɔ̀ɔ̀ guùŋ bà e gɔɛɛ gbòà taaà e koya gɔɛɛ, wo Kɔ̀nilìɔ̀ naŋ gò e gɔa, yèè wò naŋ yɛ̀mɛ̀ wo màìkà Dayà wò naŋ hnè ko nɛ̀ɛ̀uŋ niìŋ wò nauŋ woò wààŋ, “Kɔ̀nilìɔ̀!”

Nyɛ̀nɛ̀ŋ 12:15

Kɛɛ anyùùŋ nyaŋ gbiŋ naŋ wa wòò wo jɔùŋ ɓɔìjɔ̀àa nyààŋ, “Mùŋ naŋ sààŋ ke gbòà!” Kɛɛ wò naŋ nyiŋ woò wààŋ e tɔɔɓaa wo Pììlɛ wo. Yèè àŋ naŋ woò nyààŋ, “Wo màikàuŋ nɔɔ̀ŋ wo.”

Nyɛ̀nɛ̀ŋ 12:23

Ko fɛɛ̀feìŋ, wo màikà Dayàa naŋ gbìɛ̀ŋ wo Hɛɛlɔ̀ e sàaŋ, esaɓù kɛ̀ wo gò wa jòòwò Dayà, yèè aŋ gbìiŋ nauŋ gbìlè.

Nyɛ̀nɛ̀ŋ 27:23

Nàaŋ dùùm mìŋ naŋ yɛ̀mɛ̀ wo màìkà wo Dayàa kànàìm yèè mìŋ zoolà wɔ wò sìàìm kɔɔ,

Nyɛ̀nɛ̀ŋ 5:19

Kɛɛ wɔŋ dùùm wiiŋ wo màìkà Kanaà Dayàa naŋ yìlè wɔŋ gbèmgbèè ko sààŋ nyìwìi, wo nyiŋ fulià, yèè wò naŋ nyiŋ woò wààŋ,

Luùm 14:10

Wèè kiìŋ muàum yèɔ jè nɔŋ manɛ̀ŋ jè ɓù wɔ gbaì anyuùŋ hààwe dàwium nyàŋ? E kìlà, wèè kiìŋ muàum yèɔ jè e nɛ̀ŋje gbiŋ wɔ̀, niingà wo yèɔ fè niŋ jè wɔ fɛ̀ɛ̀? Ke ɗɔ̀ɔ̀ gbàiɛ̀ kòò kè yaà hinie yèè wo Dayà do nàŋ jɛ̀ì ke kpùà kanauŋ nɛɛ̀ŋ diɛŋ wèè wo gbàì yàwi nààŋ gbiŋ.

Luùm 14:21

È henàŋ nɔ̀ŋ tɛ̀ɛ̀ kɛ̀ ɓɔ̀ mùŋ gbìlà yilì, ɓɔ̀ mùŋ tìà màŋ juumuaŋ, ɔ̀ɔ̀ maŋ nyɛ̀nɛ̀ŋ e keì bà gbiŋ e yèɛ do nàŋ nyɛ̀nɛ̀ŋ wo wùìya mɔɔ̀ŋ bà wo ɓà ke dòmaŋ siaŋ yèè wo sɛ̀ɛ̀ maŋ jùumù sùà.

Luùm 15:1

Yàwiiŋ nyàŋ e hààwe wilɛ̀ naŋ nyìngè sùà nyaŋ, è kuwa eiŋ kìɛ̀ŋ kpùùmaŋ koɓɛ̀ anyùùŋ nyaŋ e hààwe nyiŋ nɛ̀ gò nyìngà sùà nyaŋ. Ɓɔ̀ è nyɛ̀nɛ̀iŋ è keì è doiŋ fɔ̀ɔ̀yɛ̀ yàwi bi jii.

1 Kɔliìŋ 11:22

Niŋ kuwà màŋ gboo kuaŋ màŋ yè maŋ nìŋ jiiyà nɛ̀ŋ e kìlà naŋ tìà nɛ̀ŋ lɛ? Nìŋ naŋ wùɔ̀ŋ ke gbòò anyuùŋ hààwè Dayà nyaŋ, e kìlà nìŋ manaŋ naŋ sìà anyuùŋ gò kɛ̀ɛ̀nɛ̀ŋ nɛ̀ŋ nyaŋ e sàngè? Tɔɔɓaa miŋ fèiŋ tɛnɛ̀ŋ.

1 Kɔliìŋ 16:11

Wo nyùùŋ gbiŋ ɓɔ̀ wò kɔɔyɛ̀uŋ fɛ̀ɛ̀ sùà, kɛɛ kpùùmaŋ nìuŋ e kàaiuŋ nɛ̀ sùà ke jii fàa diɛŋ, wèè wo kɛɛ̀ maŋjɛ̀wɛ ko nɛ̀ɛ̀ŋ miìŋ. Mìŋ yàaùŋ yɛ̀ɛ̀mɛ̀ dòmaŋ wèè wo kɛɛ̀ yaà aŋ wùìya nyàŋ.

1 Kɔliìŋ 9:22

Sèè mìŋ nɔ̀ŋ anyùùŋ nyaŋ naŋ yɔkpɔ̀ e hààweɛ̀ sùà nyaŋ e tɛɛ, mìŋ yɔkpɔ̀ mààŋ wo bà, wèè ka nyiŋ hiàŋ koɓɛ̀ Dayài. Wèètii kà nɔ̀ŋ e nɛ̀ŋ gbiŋ koɓɛ̀ anyùùŋ nyaŋ gbiŋ, wèè miŋ joeyè aŋ bà nyiŋ e ɗeweɛ̀ gbiŋ mìŋ naŋ ɓɛnɛ̀ŋ lɛ sùà.

2 Kɔliìŋ 10:1

Esàɓù ke jìì sìàŋ Jisɛ̀ Kulaì yaà e tɛ̀ɛ̀tɛ̀ɛ̀uŋ nɛ̀ sùà, è yaà e dàwe titi miàim Pɔɔ̀ mìŋ yààìŋ dàwe sùà, miàŋ wo yèɔ àŋ wòà nyààŋ mìŋ yaà e jùù, yèè mìŋ naŋ tɔumtɔ̀ùm sèè mìŋ nɔ̀ìŋ nèè tɛɛ̀, kɛɛ mìŋ nɔ̀ŋ e hmɔ̀ɔ̀ŋ weèiŋ sèè mìŋ nɔ̀ŋ koɓɛ̀ dii mìŋ goiŋ gbɛ̀ɛ̀ wɔ.

2 Kɔliìŋ 10:10

Wo nyùuŋ bà do nàŋ woò wààŋ, “Maŋ fɛ̀ì sìngà Pɔɔ̀ maŋ màŋ yaà ke haaŋ, yèè màŋ naŋ nyìngè sùà, kɛɛ sèè e kpùnuŋ nɛ̀ wuŋ bi wò nɔ̀ŋ wì e tɛɛ, wò naŋ yɔkpɔ̀, yèè maŋ mìè gbòauŋ màŋ fè nɛ̀ŋ bà gbiŋ sùà.”

Gàla 6:1

Wùìyaim nyàŋ, sèè wo nyùùŋ gbiŋ naŋ sɛ̀ɛ̀ ke gbàù maŋ kei naanààŋ sùà, nyɛ̀iŋ nyàŋ wo Jìnàŋ Nɛɛmaàŋ yaà sùà nyaŋ kɛ̀lɛɛìŋ wo nyùùŋ bi maŋjɛ̀wɛ e ɓɛ̀ɛ̀jàa sùà ke dòmàŋ tɔ̀ɔ̀nyaàaŋ diɛŋ. Kɛɛ yɛ̀mɛìŋ nyɛiŋ bi diɛŋ wèè niŋ go nàŋ sɛ̀ɛ̀ e wàà keì jùumù sùà.

1Tɛsè 4:8

E wèètii, sèè wo nyùùŋ gbiŋ wo gè kùàŋ e kaà lɛ dìì, wo fè gèe sùà wò nyuùŋkpùuŋ kùàŋ dìì, sɔɔ̀ wo Dayà, wo yèɔ naiŋ fè wo Jìnàŋ Nɛɛmauŋ nɔɔ̀ŋ wɔ.

1Time 4:12

Ɓɔ̀ mùŋ dangè wò nyùùŋ gbiŋ doim nììngè fɛ̀ɛ̀ esaɓù kɛ̀, mùŋ yaà wo nyuùŋ bɔwɔ, kɛɛ nɔ̀ŋ e tɔ̀ɔ̀màŋseì wèè anyuùŋ hààwe nyàŋ maŋ mìè gbòàum màŋ sùà, maŋ kpèèum màŋ sùà, e mànaŋ mɔ̀ɛ̀ sùà, e hààwe mɔ̀ɛ̀ sùà, yèè maŋ kpèè siaŋ sùà.

Hiɓu 1:14

Kiìŋ nàŋ yaà aŋ màikà nyaŋ? Aŋ màikà nyaŋ yaà aŋ jinàŋ aŋ yè nyaŋ tomàŋ wèè Dayà, e kìlà wò tùɔ̀ŋ nyiìŋ wèè aŋ kpuumàŋ anyùùŋ nyaŋ wò manaŋ wo joeyè nyaŋ.

Hiɓu 9:24

Wo Jisɛ̀ Kulaì gò wa jɔ̀à ko Nɛ̀nɛ̀ŋ Nɛɛmaìŋ àŋ nyuùŋkpùuŋ naŋ wa nyɛ̀lɛ̀ yɛ, ke yèɛ yaà wa wɔŋ mììmììŋ ke vààyà kɛnɛɛ̀ e yìwìà ko àìjɛnɛ̀ŋ. Wò naŋ wa kɔ̀ ko àìjɛnɛ̀ŋ kuŋ bi, ko yèi wò yaà naàŋ ko fɛ̀ɛ̀fèìŋ Dayài wèè wo wi kpuumàŋ.

Maŋ kèì nyɛɛnɛŋ 8:2

Mìŋ naŋ gè fɛ̀ɛ̀ dìì yèè mìŋ naŋ yɛ̀mɛ̀ aŋ màìkà nɔɔnɔŋ le tìyèe nyàŋ sia wo Dayà fɛɛ̀feìŋ nyaŋ, yèè wo Dayà naŋ nyiŋ kìɛ̀ŋ maŋ pòtànàŋ nɔɔnɔŋ le tìyèe.