Maafiù 17:4 - WƆŊ FƐ̀Ì EBÒ SÌÀŊ DAYÀA

⁴ Kpeiŋ wo Pììlɛ naŋ gbòò yèè wò naŋ wòò wo Jisɛ̀ wààŋ, “Kanaà è yaà tɛ̀ɛ̀ wèè eiŋ kià nɔ̀ŋ. Tɔ̀ e nyɛ̀lɛ̀iŋ kià maŋ vààyà taai, kè guùŋ weèum, kè guùŋ wèè wo Mòòze, yèè kè guùŋ wèè wo Ìlaajà.”

Maafiù 17:4 ပူးပေါင်းရင်းမြစ်များ

Maafiù 17:3

Kpeiŋ anyùùŋ màŋjɛ̀wɛ̀ taai nyàŋ naŋ yɛ̀mɛ̀ wo Mòòze yèè wo Ìlaajà àŋ yaà gbùùyè wo Jisɛ̀ kɔɔ.

Luù 9:33

Nààŋ aŋ felaa nyàŋ yaà wa naàŋ jòa sùà wo Jisɛ̀, wo Pììlɛ naŋ woò wààŋ, “Kààmɔɔŋ, è yaà tɛ̀ɛ̀ wèè eiŋ kià nɔ̀ŋ. Tɔ̀ e nyɛ̀lɛ̀iŋ kià maŋ vààyà taai, kè guùŋ weèum, kè guùŋ wèè wo Mòòze, yèè kè guùŋ wèè wo Ìlaajà.” Kɛɛ wo Pììlɛ nyimààŋ kɛ̀ kiìŋ wò yaà wa woo.

Jɔ̀ɔŋ 17:24

“Dèda, mìŋ zoolà wèè anyùùŋ nyaŋ gbiŋ mùŋ naim kiɛ̀ŋ nyaŋ aŋ nɔ̀ŋ koɓɛ̀i mìŋ do nàŋ nɔ̀ŋ lɛ. Kpeiŋ kɛ̀ àŋ do nàŋ yɛ̀mɛ̀ e dɛ̀ɛ̀kɛɛ̀ mùŋ naim kiɛ̀ŋ lɛ, esaɓù kɛ̀ mùŋ naim wa mɔ̀nɔ̀ŋ paŋgàà e ɗuunyaàŋ naŋ wa nɔ̀ŋ bàne niŋ.

Jɔ̀ɔŋ 7:2

E teengaà wa naàŋ gbɛ̀ɛ̀ wèè wɔŋ ɗàà gè aŋ Juùù nyaŋ wɔŋ yèɔ àŋ nyaaŋ nyààŋ wɔŋ Ɗàà Maŋ Vààyà Saaŋ màŋ wɔŋ haì.

Fèle 1:23

Mìŋ sia maŋ dòmàŋ gbààmàŋ tìyèe. Mìŋ manaŋ wèè ka jòà e ɗuunyaŋ lɛɛ̀ wèè ka nɔ̀ŋ koɓɛ̀ Jisɛ̀ Kulaìi, e yèɛ do nàŋ nɔ̀ŋ tɛ̀ɛ̀ e nìàŋ wèè ka nɔ̀ŋ wɔŋ nyiiŋ gèeɔ̀ sùà.

1Jɔ̀ɔŋ 3:2

Dàwi mànaim nyàŋ, è yààìŋ naàŋ aŋ jɔ̀à Dayà. Yèè kòò è nyìmèìŋ weè janjai kɛ̀ ɓòò è doiŋ nàŋ nɔ̀ŋ, kɛɛ èiŋ nyìmàŋ kɛ̀ sèè wo Jisɛ̀ hnàŋ wa nàwèè è doiŋ nàŋ nɔ̀ŋ màànààŋ wò yaà lɛ. Yèè è douŋ nàŋ yɛmɛ̀ màànààŋ wò yaà lɛ.

Maŋ kèì nyɛɛnɛŋ 21:23

Ko jawa gbeeì, esaɓù bà fè wa wèè è gɔɛɛ̀ ɔ̀ɔ̀ wɔ̀ŋ wààa mao dè, fòfoo e jòòwò Dayàa nàŋ mɛɛŋ ko jawaì, e kìlà wo Ɓaawaaà nàŋ yaà e laumpòɛ wèè ko jawa gbeeì.