Maafiù 17:3 - WƆŊ FƐ̀Ì EBÒ SÌÀŊ DAYÀA

³ Kpeiŋ anyùùŋ màŋjɛ̀wɛ̀ taai nyàŋ naŋ yɛ̀mɛ̀ wo Mòòze yèè wo Ìlaajà àŋ yaà gbùùyè wo Jisɛ̀ kɔɔ.

Maafiù 17:3 ပူးပေါင်းရင်းမြစ်များ

Maafiù 17:2

Nààŋ anyùùŋ màŋjɛ̀wɛ̀ nyaŋ yàaùŋ wa yɛɛmɛ, e nɔ̀ŋ kìì Jisɛ̀ɛ naŋ wa kìlè. Wɔŋ dewàuŋ nɔɔ̀ŋ yaà mɛ̀ɛ̀ŋ sùà mààŋ e gɔɛɛ̀, yèè maŋ dèè kɔɔuŋ màŋ naŋ fòò pepe, e nìàŋ maŋ yè maŋ wo nyùùŋ kpùùŋ ɗuunyaŋ naŋ weè ɓɛ̀nɛ̀ŋ sòa màŋ e ɗuunyaàŋ dìì.

Maafiù 17:4

Kpeiŋ wo Pììlɛ naŋ gbòò yèè wò naŋ wòò wo Jisɛ̀ wààŋ, “Kanaà è yaà tɛ̀ɛ̀ wèè eiŋ kià nɔ̀ŋ. Tɔ̀ e nyɛ̀lɛ̀iŋ kià maŋ vààyà taai, kè guùŋ weèum, kè guùŋ wèè wo Mòòze, yèè kè guùŋ wèè wo Ìlaajà.”

Luù 1:17

Wò do nàŋ kɔ̀ wo Kanaà ko feìŋ e yìwìà e gààŋ guùŋ nɛ yèè wo jìnàŋ gunɔ̀ɔŋ wo Ìlaajà kuwa wa wɔ. Yèè esàɓù wo Jɔ̀ɔŋ sùà, anyuùŋ kòmaŋ nyàŋ do nàŋ kɛ̀ɛ̀nɛ̀ŋ e gòngo wèè aŋ jɔ̀à nyiŋ nyàŋ. E kìlà anyùùŋ nyaŋ naŋ gììyè wo Dayà maŋhɛɛ nyàŋ do naàŋ nàŋ kɛ̀ɛ̀nɛ̀ŋ maŋ jìì e gòngo siaŋ, yèè aŋ dè ke dòmàŋ anyùùŋ tɔ̀ɔ̀nyaàŋ nyaŋ diɛŋ. E ɗeweɛ̀ lɛɛ̀ wo Jɔ̀ɔŋ do nàŋ nyɛ̀nɛ̀ŋ anyùùŋ aŋ nɔ̀ŋ bànèbane nyiŋ wèè wo Kanaà Dayà.”

Luù 16:16

“Anyùùŋ nyaŋ naŋ wa jɔ̀ɔ̀lɔ̀ maŋ Sàwà Dayà maŋ dìì yaà maŋ fɛi màŋ aŋ wɛ̀ijì nyaŋ naŋ wa sìngè maŋ, e hàì e teengaà wo Jɔ̀ɔŋ Gùà Nyùnɔ̀ɔŋ naŋ wa hnè lɛ. Kɛɛ e yìwìà e teengaà Ebò Siaàŋ naŋ wa nɔ̀ŋ wòo niŋ e nyaàiŋ dè e Kànà Dayà lɛ̀, wo nyùùŋ gbiŋ kòò wò yaà kààmè ɗewe wèè wo niŋ jàà kùàŋ dìì.

Luù 24:27

Wo Jisɛ̀ naŋ nyiŋ kpìnìè maŋ keì maŋ gbiŋ yaà sìnga miŋ màŋ wɔŋ fɛ̀ì Dayàa sùà e nyaàiŋ dè wuŋ bi, e yìwìà maŋ Sàwà Mòòze màŋ yèè maŋ fɛ̀ì aŋ wɛ̀ijì nyaŋ gbiŋ sùà.

Luù 24:44

Kpeiŋ wò naŋ nyiŋ woò wààŋ, “Maŋ kèì guùŋ mɛɛ̀ŋ mìŋ naiŋ woò e teengaà mìŋ yààìŋ wa e tɛɛ lɛ̀. Maŋ keì maŋ gbiŋ yaà sìnga miŋ maŋ Sàwà Mòòze màŋ sùà, maŋ fɛ̀ì aŋ wɛ̀ijì nyaŋ sùà, yèè wɔŋ fɛ̀ì Saàaŋ sùà, màŋ kuwa maŋ hɛɛnɛ̀ŋ.”

Luù 9:33

Nààŋ aŋ felaa nyàŋ yaà wa naàŋ jòa sùà wo Jisɛ̀, wo Pììlɛ naŋ woò wààŋ, “Kààmɔɔŋ, è yaà tɛ̀ɛ̀ wèè eiŋ kià nɔ̀ŋ. Tɔ̀ e nyɛ̀lɛ̀iŋ kià maŋ vààyà taai, kè guùŋ weèum, kè guùŋ wèè wo Mòòze, yèè kè guùŋ wèè wo Ìlaajà.” Kɛɛ wo Pììlɛ nyimààŋ kɛ̀ kiìŋ wò yaà wa woo.

Jɔ̀ɔŋ 1:17

Wo Dayà naŋ wa kìɛ̀ŋ wo Mòòze maŋ Sàwà wèè koɓɛ̀ anyùùŋ nyaŋ, kɛɛ wo Dayà naŋ wa tɔ̀ɔ̀ e mànauŋ nɛ̀ yèè wò naŋ tɔ̀ɔ̀ e tɔ̀ɔ̀nyaàaŋ e nyaàiŋ dè wuŋ bi e yìwìà wo Jisɛ̀ Kulaì sùà.