Maafiù 17:27 - WƆŊ FƐ̀Ì EBÒ SÌÀŊ DAYÀA

²⁷ Kɛɛ e manàŋ wèè ànyùùŋ nyɛɛ̀ŋ aŋ wi tùù sìwè. Weètii kɔ̀à wɔŋ juwoɔ̀ muŋ dàào wɔŋ jàà yèè muŋ kùwà wo kɛì jiɛ̀jiɛ̀ɔ. Yìlè wo kɛìɔ nyààŋ, yèè mùŋ doo nàŋ mɛ̀ɛ̀ŋ ke kaiŋ fua nɛɛnɛŋ. Kɔ̀à muŋ kiɛ̀ŋ nyiŋ ke nɛɛnɛɛ̀ŋ wèè aŋ paawà nyiŋ weè wi ko Saaŋ Zòòlò Dayài.”

Maafiù 17:27 ပူးပေါင်းရင်းမြစ်များ

Maafiù 17:26

Wo Pììlɛ naŋ fasàì wààŋ, “Àŋ gè niìŋ anyùùŋ fuɔŋ joo sìwè.” Yèè wo Jisɛ̀ naŋ fasàì wààŋ, “Kɛ̀ aŋ jɔ̀à kùmìàŋ fuɔɔ̀ŋ kuwà wèè aŋ niŋ paawà.

Maafiù 18:6

Wo Jisɛ̀ naŋ ɓɛìŋ woò wààŋ, “Sèè wo nyùùŋ gbiŋ nɔ̀ŋ esaɓù wèè wo tòloòjɔ̀à wɛɛ̀ bà guùŋ naim yaà haawè wɔ, wo nyɛ̀nɛ̀ŋ e keì naanààŋ, è henàŋ nɔ̀ŋ tɛ̀ɛ̀ wèè auŋ sɛ̀ɛ̀ ke duò gbee ke gbèìŋ auŋ gbìàŋ wɔŋ juwoɔ̀ sùà.

Maafiù 18:8

“Sèè wɔŋ kuàŋ mɔɔ̀ŋ ɔ̀ɔ̀ ke golò mɔɛ̀ŋ nɔ̀ŋ esaɓù wèè maŋ nyɛ̀nɛ̀ŋ e keì naanààŋ, kɛɛ̀ wuŋ noo muŋ gò! È yaà tɛ̀ɛ̀ wèè maŋ kɔ̀à wɔŋ kùàŋ guùŋ ɔ̀ɔ̀ ke gòlò guùŋ ko jàwà Dayà wɔŋ nyiiŋ gèe gò jùà sùà, wèè maŋ kùwìè maŋ kùàŋ tìyèe yèè maŋ gòlò tìyèe aum gbìàŋ ko jàhamaŋ koɓɛ̀ e hmɔ̀ɔ̀ɛŋ e yèɛ fè nyime wèè julɔfɔ lɛ̀.

Maafiù 5:29

Weètii, sèè e fɛ̀ɛ̀ kùàŋ jìka mɔ̀ɛ̀ eum nyɛ̀nɛ̀ŋ maŋ sɛ̀ɛ̀ e jùumù sùà, gè niŋ noo muŋ gò! È yaà tɛ̀ɛ̀ wèè maŋ kɛ̀ɛ̀nɛ̀ŋ e fɛ̀ɛ̀ guùŋ, e nɛ̀ɛŋ nyɛ̀nɛ̀ŋ maŋ kɛ̀ɛ̀nɛ̀ŋ e fɛ̀ɛ̀ tìyèe kpeiŋ aŋ gbìàŋ ke kpùnaŋ mɔɛ̀ŋ ko jàhamaŋ.

Maafiù 5:30

Sèè wɔŋ kùàŋ jìka mɔɔ̀ŋ wɔum nyɛ̀nɛ̀ŋ maŋ sɛ̀ɛ̀ e jùumù sùà, kɛɛ̀ wuŋ noo muŋ gò! È yaà tɛ̀ɛ̀ wèè maŋ kɛ̀ɛ̀nɛ̀ŋ wɔŋ kùàŋ guùŋ maŋ kà ko àìjɛnɛ̀ŋ, e nɛ̀ɛŋ nyɛ̀nɛ̀ŋ ke kpùnaŋ mɔɛ̀ŋ gbiŋ ke kà ko jàhamaŋ.”

Luù 17:2

È henàŋ nɔ̀ŋ tɛ̀ɛ̀ wèè aŋ sɛ̀ɛ̀ wo nyùnɔ̀ɔŋ ke duò gbee ke gbèìŋ auŋ gbìàŋ wɔŋ juwoɔ̀ sùà, e nɛ̀ɛŋ nyɛ̀nɛ̀ŋ wo nɔ̀ŋ esaɓù wèè wo tòloòjɔ̀à wɛɛ̀ bà guùŋ wo nyɛ̀nɛ̀ŋ e keì naanààŋ.

Jɔ̀ɔŋ 6:61

Kɛɛ wo Jisɛ̀ wa nyìmàŋ kɛ̀ anyùùŋ màŋjɛ̀wɛ̀uŋ nyàŋ yaà wa gùlìè ko ɗìòsùà wèè e yèɛ wò naŋ woò lɛ, yèè wò naŋ nyiŋ woò wààŋ, “Nìŋ manaŋ naim kɛ̀ɛ̀ maŋjɛ̀wɛ wèè esàɓù e yèɛ mìŋ naŋ woò lɛ?

Luùm 14:21

È henàŋ nɔ̀ŋ tɛ̀ɛ̀ kɛ̀ ɓɔ̀ mùŋ gbìlà yilì, ɓɔ̀ mùŋ tìà màŋ juumuaŋ, ɔ̀ɔ̀ maŋ nyɛ̀nɛ̀ŋ e keì bà gbiŋ e yèɛ do nàŋ nyɛ̀nɛ̀ŋ wo wùìya mɔɔ̀ŋ bà wo ɓà ke dòmaŋ siaŋ yèè wo sɛ̀ɛ̀ maŋ jùumù sùà.

1 Kɔliìŋ 8:13

Wèètii, sèè e nɛ̀ŋje nyɛnɛŋ wo wùìya kùwìè e hààweɔ̀ sɛɛ̀ e jùumù sùà, kɛ̀ julɔfɔ miŋ naàŋ ɓɛìŋ gbìlè yilì, wèè miŋ go nàŋ nyɛ̀nɛ̀ŋ wo nyuùŋ kùwìè e hààweɔ̀ bà sɛ̀ɛ̀ jùumù sùà.

1 Kɔliìŋ 8:9

Kɛɛ yɛ̀mɛìŋ nyɛ̀iŋ bi diɛŋ, è gààŋ lɛɛ̀ ɓɔ̀ è nɔ̀ŋ esaɓù wèè wò nyùnɔ̀ɔŋ yèɔ naŋ yɔkpɔ̀ è hààweuŋ nɛ̀ sùà wɔ wo sɛ̀ɛ̀ maŋ jùumù sùà, esaɓù kɛ̀ nìŋ yaà nyaàŋ gè diɛiŋ wèè naŋ jè è nɛ̀ŋje gbiŋ lɛ̀.

2 Kɔliìŋ 6:3

E manàŋ wèè nyùùŋ gbiŋ kùwìè kè jii kpàŋ wèè è tòmo wilɛ̀, wèètii è fɛɛ wèè e keì nyìnga bà go nàŋ dè wò nyùùŋ gbiŋ gòlò dòmaŋ.

2 Kɔliìŋ 8:9

Nàŋ nyìmàŋ e tɛ̀ɛ̀tɛ̀ɛ̀ Kana wiɔ̀ Jisɛ̀ Kulaìɛ, e kpulìà e bàneuŋ nɛ̀ gbiŋ, wò naŋ wa mììnè wuŋ bi wo nyuùŋ pɔ̀ɔ e weèiŋ, wèè wo nyɛ̀nɛ̀ŋ naŋ nɔ̀ŋ anyuùŋ banè esàɓù e pɔ̀ɔuŋ nɛ̀ sùà.

1Tɛsè 5:22

yèè naŋ gbààè e keì naanààŋ kà tinàŋ gbiŋ wèè nyɛ̀nɛŋ.

Jìiiŋ 2:5

Nyɛ̀iŋ nààŋ wùìyaim nyàŋ, jàaìŋ maŋ nùŋ dìì! Anyuùŋ pɔ̀ɔ nyàŋ e ɗuunyaŋ lɛɛ̀ nyiŋ wo Dayà naŋ tàeɗùù wèè aŋ nɔ̀ŋ aŋ nyuùŋ bàne nyàŋ e hààweɛ̀ sùà. Yèè àŋ do nàŋ kɛ̀ɛ̀nɛ̀ŋ e kànà Dayàa e yèɛ wò naŋ wa ɓèmè ɗààhiì wèè wo fè aŋ nyùùŋ nyaŋ mànaùŋ nyaŋ.