Maafiù 17:20 - WƆŊ FƐ̀Ì EBÒ SÌÀŊ DAYÀA

²⁰ Wo Jisɛ̀ naŋ nyiŋ fasàì wààŋ, “E hààweiŋ nɛ̀ naŋ tolòò, esaɓùɛ lii niŋ gò ɓɛnɛ̀ŋ. Mìŋ yààìŋ wòo sùà e tɔɔɓaaà, sèè naŋ weè kɛ̀ɛ̀nɛ̀ŋ e hààwe e dɛɛ̀ mààŋ ke kaaŋ komaŋ, nàŋ ɓɛ̀nɛ̀ŋ wòò wɔŋ toò wɛɛ̀ŋ nààŋ, ‘Yewà kià muŋ ka wɔŋ fàà wiiŋ.’ È henàŋ kaaìŋ. E keì gbiŋ naàŋ weè nyìngè weèiŋ. [

Maafiù 17:20 ပူးပေါင်းရင်းမြစ်များ

Maafiù 13:31

Wo Jisɛ̀ naŋ nyiŋ ɓɛìŋ wòò ke kàɓanè joo. Wò naŋ woò wààŋ, “E ɗewe lɛɛ̀ e Kànà àìjɛnɛ̀ɛŋ è yaà. È yaà mààŋ sèè wo nyuùŋ tòmò ɓùɔ wo ɓèmè ke kaaŋ komaŋ wo nyiŋ nyùàŋ ko ɓùuŋ noo.

Maafiù 14:29

Wo Jisɛ̀ nauŋ woò wààŋ, “Hnaàŋ.” Wo Pììlɛ naŋ fòlò ko gɔì yèè wò naŋ tɔ̀ɔ̀tù kààìŋ e wùìyèɛ diɛŋ wò yaà kɔ̀ɔ̀yɛ̀ koɓɛ̀ Jisɛ̀i.

Maafiù 17:17

Wo Jisɛ̀ naŋ nyiŋ woò wààŋ, “Kuoo nyɛ̀iŋ nààŋ nyuùŋ gò kùwìè hààwe yèè kpèè naanààŋ nyɛɛ̀ŋ! Kiìŋ è teenga mùnlaŋ mìŋ doiŋ naŋ nɔ̀ŋ e kɔɔ? Kiìŋ è teenga mùŋlaŋ mìŋ do nàŋ kùwò ke jii maŋjɛ̀wɛiŋ? Hìaìŋ kià wo felaajɔaà ko nɛ̀ɛ̀ŋ miìŋ.”

Maafiù 17:19

Kpeiŋ anyùùŋ màŋjɛ̀wɛ̀ nyaŋ naŋ dàwè wo Jisɛ̀ ke gbùnuo sùà nyààŋ, “Kiìŋ naŋ nyɛ̀nɛ̀ŋ yàwi e gò ɓɛ̀nɛ̀ŋ nyìmàŋ wò jinàaŋ wò felaajɔaà màŋjɛ̀wɛ?”

Maafiù 17:9

E teengaà àŋ yaà wa yèwà sùà wɔŋ tolòɔ dìmɛ̀ àŋ yaà dèyà sùà lɛ, wo Jisɛ̀ naŋ nyiŋ hèè e nàà sìwè wèè kɛ̀ ɓɔ̀ àŋ woò è nɛ̀ɛŋ àŋ naŋ yɛmɛ̀ lɛ wò nyùùŋ gbiŋ e jèèsùà wuŋ wo Jɔ̀àfèlàà Nyuùŋ Kpùnɔɔ̀ŋ wo yèwà e fàaà dìì.

Maafiù 21:21

Wo Jisɛ̀ naŋ nyiŋ fasàì wààŋ, “Mìŋ yààìŋ wòò sùà e tɔɔɓaaà, sèè wo nyùùŋ gbiŋ wo kɛ̀ɛ̀nɛ̀ŋ e hààwe yèè wo gò sikà, wò ɓɛ̀nɛ̀ŋ nyɛ̀nɛ̀ŋ e nɛ̀ŋ guùŋ nɛ mìŋ naŋ nyìnìè ke feè kùù yɛɛ̀ lɛ. Yèè e fè ngèè nɔ̀ŋ è yè tɛɛ̀, kɛɛ wò ɓɛ̀nɛ̀ŋ wòò wɔŋ toò wɛɛ̀ŋ wààŋ, ‘Fìè muŋ sɛɛ̀ wɔŋ juwoɔ̀ sùà,’ yèè è do nàŋ hɛɛnɛ̀ŋ.

Maafiù 8:26

Kpeiŋ wo Jisɛ̀ naŋ dàwè anyùùŋ màŋjɛ̀wɛ̀uŋ nyàŋ wààŋ, “Wèè kiìŋ e jùùɛ nyɛ̀nɛ̀ìŋ? Kiìŋ è hààwe jɔa nìŋ kuwa yɛi?” Wo Jisɛ̀ naŋ yèwè dìì wo sie wo wòò wɔŋ dùfòìɔ yaà e bɔiŋ nɛ̀ wààŋ, “E dìà yɛi!” Wɔŋ dùfòìɔ yaà e bɔiŋ nɛ̀ naŋ gɔ̀àà dìì, yèè e dìì naŋ nɔ̀ŋ gìli.

Luù 1:37

Ɓɔ̀ è foonòum wèè è yèɛ mìŋ naum woò lɛ, esaɓù kɛ̀ e nɛ̀ŋ gbiŋ fè è yèɛ wo Dayà fè ɓɛ̀nɛ̀ŋ nyɛ̀nɛŋ lɛ̀.”

Luù 17:6

Wo Kanaà Jisɛ̀ naŋ nyiŋ fasàì wààŋ, “Sèè naŋ weè kɛ̀ɛ̀nɛ̀ŋ e hààwe e dɛɛ̀ mààŋ ke kaaŋ komaŋ, nàŋ ɓɛ̀nɛ̀ŋ wòò ke nyɔ̀lì kuu yɛɛ̀ nààŋ, ‘Fìè muŋ ka muŋ sie wɔŋ juwoɔ̀ tɛ̀ɛ̀.’ E yèɛ nìŋ naŋ woò lɛ è do nàŋ hɛɛnɛ̀ŋ.

Luù 18:27

Wo Jisɛ̀ naŋ fasàì wààŋ, “E nɛ̀ɛŋ anyuùŋ kpùuŋ fè ɓɛ̀nɛ̀ŋ nyɛ̀nɛŋ lɛ̀, e gò nyìngà wèè wò Dayà.”

Jɔ̀ɔŋ 11:40

Wo Jisɛ̀ nauŋ woò wààŋ, “Miŋ gòum woò mìàŋ kɛ̀ sèè mùŋ kɛɛnɛ̀ŋ e hààwe mùŋ do nàŋ yɛ̀mɛ̀ e jòòwò Dayàa?”

1 Kɔliìŋ 12:9

Wo Jìnàŋ gunɔ̀ɔŋ kiɛ̀ŋ wo nyùnɔ̀ɔŋ bà e hààwe, koɓɛ̀ nyùnɔ̀ɔŋ bà, wouŋ kìɛ̀ŋ e gààŋ nyuùŋ sùnga.

1 Kɔliìŋ 13:2

Kà wɛ̀i weè pɛɛ kuwìè e kìɛŋ wèè ka gbòà mààŋ wo wɛ̀ijì, ka kùwìè e jiikɛ̀ɛ wèè e nɛ̀ŋ gbiŋ nyìmaŋ, e kìlà ka jàà ke gbùnu gbiŋ jii, ka wɛ̀i pɛɛ kùwìè e hààweɛ̀ gbiŋ mìŋ manaŋ wèè ka gè wɔŋ toò e dìì, kɛɛ sèè miŋ gò kùwìè è mànaŋ, miŋ fè nɛ̀ŋ gbiŋ.

Hiɓu 3:19

Nààŋ wo Dayà naŋ wa ɓèmè e ɗààhiìuŋ nɛ̀, aŋ gò wa ɓɛ̀nɛ̀ŋ hàì kòɓɛ̀ è dììɛ esàɓù e hààwe gò kɛɛnɛ̀ŋ nyiŋ nɛ̀.